Var. ; qu'il eust bien attendu le soupper

Nouvelle CXXII. 569

luy. plaisoit, il le payeroit si bien en chansons qu'il se tiendroit content de luy. Le tavernier, bien estonné de ceste responce, luy dit qu'il n'avoit besoin d'aucune chanson, mais qu'il vouloit estre payé en argent contant , et qu'il advisast à le contenter et s'en aller. « Quoy ! dit le passant au tavernier, si je vous chante une chanson qui vous plaise, ne serez-vous point content? — Ouy dea vrayement» , dit le tavernier. A l'instant le passant se print à chanter toutes sortes de chansons, exceptée une qu'il gardoit pour faire la bonne bouche ; et, reprenant son haleine, demanda à son hoste s'il estoit content. « Non, ditil , car le chant d'aucune de celles que vous av.ez chantées ne me peut contenter. — Or bien , dit le passant, je vous en vay dire une autre, que je m'asseure qui vous plaira. » Pour mieux le rendre ententy au son de ceste nouvelle chanson, il tira de son aisselle un sac plain d'argent, et se print à chanter ceste chanson assez bonne et plusque usitée à l'endroit de ceux qui vont par pais : Mitf la mano ail' bursa, et paga Vhoste; qui est à dire : Metz la main à la bourse et payes l'hoste. Quand il eust mis fm à cette chanson ', demanda à son hoste si elle luy plaisoit et s'il estoit content. « Ouy, dit-il, ceste me plaist bien. — Or donc, dit le passant, puis que vous estes content et que je me suis acquitté de ma promesse, je m'en vay. » Et à l'instant se départit sans payer et sans que son hoste l'en requist 2.