Voy. la Nouvelle XX

Nouvelle VIII. 43

où il en trouvoit et frappoit soubz luy comme un casseur d'acier. Mais quand il eut fait ce train par une espace de temps , il le trouva un petit fascheux: car il ne pouvoit bonnement prendre la peine d'agueter ses commoditez , comme font les jeunes gens ; il ne pouvoit pas entrer chez ses voisins sans suspicion , veu qu'il ne l'avoit pas accoustumé. Davantage, il luy coustoit à fournir à l'appointement. Parquoy il se délibéra d'en trouver une pour son ordinaire. Et luy souvint qu'à Arqueil, où il avoit quelques vignes, il avoit veu une jeune garse de l'âge de seze à dix sept ans, nommée Gillette, qui estoit fille d'une povre femme gaignant sa vie à filler de la laine. Mais ceste garse estoit encores toute simple et niaise , combien qu'elle fust assez belle de visage. Si se pensa le procureur que ce seroit bien son cas , ayant ouy autrefois un proverbe qui dit : Sage amy et sotte amye. Car d'une amie trop fme , vous n'en avez jamais bon compte ; elle vous joue tousjours quelque tour de son mestier ; elle vous tire à tous les coups quelque argent de soubz l'aisle ' ; ou elle veut estre trop brave , ou elle vous fait porter les cornes, ou tout ensemble. Pour faire court, mon procureur, un beau temps de vendanges, alla à Arqueil 2, demanda cette jeune garse à sa mère pour chambrière, luy disant qu'il n'en avoit point et qu'il ne s'en sçauroit passer ; qu'il la traicteroit bien et qu'il la marieroit quand il viendroit à temps. La vieille, qui entendit bien que vouloyent dire ces parolles, n'en fit pas pourtant