Var., alla luy-mesme àArqueil , et demanda

44 Nouvelle VIII.

grand semblant , et luy accorda aysement de luy bailler sa fille , contraincte par povreté , luy promettant de la luy envoyer le dimanche prochain : ce qu'elle fit. Quand la jeune garse fut à la ville, elle fut toute esbahye de voir tant de gens, parce qu'elle n'avoit encores veu que des vaches. Et pour ce le procureur ne luy parloit encores de rien, mais alloit tousjours chercher ses aventures en la laissant un peu asseurer. Et puis il luy vouloit faire faire des acoustremens, afin qu'elle eust meilleur courage de bien faire. Or il avoit un clerc en sa maison qui n'avoit point toutes ces considerations-là , car au bout de deux ou de troys jours, estantle procureur allé disner en ville, quand il eut avisé ceste garse ainsi neufve, il commence à se faire avec elle , luy demandant dont elle estoit et lequel il faisoit meilleur, aux champs ou à la ville. — Mamie, dit-il, ne vous souciez de rien ; vous ne pouviez pas mieulx arriver que céans , car vous n'aurez pas grand peine ; le maistre est bon homme , il fait bon avec luy. — Or çà m'amie , disoit-il , ne vous ha-il point encores dit pourquoy il vous ha prise ? — Nenny , ditelle ; mais ma mère m'ha bien dit que je le servisse bien et que je retinse bien ce qu'on me diroit, et que je n'y perdrois rien. — M'am.ie, dit le clerc, vostre mère vous ha bien dit vray. Et pource qu'elle sçavoit bien que le clerc vous diroit tout ce que vous auriez à faire , ne vous en ha point parié plus avant. Mamye , quand une jeune fille vient à la ville chez un procureur, elle doit se laisser faire au clerc tout ce qu'il voudra ; mais aussi le clerc est tenu de luy enseigner les coustumes de la ville et les complexions de son mais-

Nouvelle VIII. 45

tre , afin qu'elle sçache la manière de le servir ; autrement les povres filles n'apprendroyent jamais rien , ny leur maistre ne leur feroit jamais bonne chère et les renvoyeroit au village. Et le clerc le disoit de tel escient que la povre garse n'eust osé faillir à le croire quand elle oyoit parler d'apprendre à bien servir son maistre. Et respondit au clerc d'une parolle demy rompue et d'une contenance toute niaise : — J'en seroisbien tenue à vous,-disoit-elle. Le clerc, voyant à la mine de ceste garse que son cas ne se portoit pas mal, vous commence à jouer avec elle ; il la manie, il la baise. Elle disoit bien : — Oh ! ma mère ne me l'ha pas dit. Mais cependant mon clerc la vous embrasse , et elle se laissoit faire , tant elle estoit folle , pensant que ce fust la coustume et usance de la ville. Il la vous renverse toute vifve sus un bahu. Le diable y ait part, qu'il estoit aise! Et depuis continuèrent leurs affaires ensemble à toutes les heures que le clerc trouvoit sa commodité. Ce pendant que le procureur attendoit que la garse fust déniaisée, son clerc prenoit ceste charge sans procuration. Au bout de quelques jours, le procureur ayant faict accoustrer la jeune fille, laquelle se faisoit tous les jours en meilleur point, tant à cause du bon traictement que parce que les belles plumes font les beaux oyseaux, qu'aussi à raison que elle faisoit fourbir son bas , eut envie d'essayer s'elle se voudroit renger au montoir, et envoya par un matin son clerc en ville porter quelque sac , lequel d'aventure venoit d'avec Gillette de desrober un coup en passant. Quand le clerc fust dehors, le procureur se met à follatrer avec elle , luy mettre la main au tetin, puis

46 Nouvelle IX.

soubz la cotte. Elle luy rioit bien , car elle avoit desjà apris qu'il n'y avoit pas dequoy pleurer ; mais pourtant elle craignoit tousjours avec une honte villageoise qui luy tenoit encores, principalement devant son maistre. Le procureur la serre contre le lict, et parce qu'il s'apprestoit de faire en la propre sorte que le clerc quand il l'embrassoit, la pressant de fort près, la garse (hé! qu'elle estoit sotte ! ) luy va dire : Oh ! Monsieur , je vous remercie; nous en venons tout maintenant, le clerc et moy '. Le procureur, qui avoit la brayette bendée, ne laissa pas à donner dedans le noir^; mais il fut bien peneux, sçachant que son clerc avoit commencé de si bonne heure à la luy déniaiser. Pensez que le clerc eut son congé pour le moins.

Nouvelle IX.

De celui qui acheva l'oreille de V enfant à la femme de son voisin.

^•=^^1 ne se faut pas esbahir si celles des J ^^U champs ne sont guères fines, veu que

it^ St! ^^^^^^ ^^ ^^ ^'^^^^ ^^ laissant quelques- 12:3 fois abuser bien simplement. Vray est qu'il ne leur advient pas souvent ; car c'est es

1. Ce trait me remet en mémoire la naïveté du paysan qui proposoit à son voisin sa fille en mariage , et que celui-ci trouvoit trop jeune : «Oh! dit le père, elle est bien nubile; notre vicaire lui a déjà fait trois enfants ! »

2. Allusion obscène au point de mire des jeux de l'arc et de l'arbalète.

Nouvelle IX. 47

villes que les femmes font les bons tours. De par Dieu ! c'est là , car je veulx dire qu'il y avoit en la ville de Lyon une jeune femme honnestement belle , laquelle fut mariée à un marchand d'assez bonne traficque. Mais il n'eut pas esté avec elle trois ou quattre moys qu'il ne luy fallust aller dehors pour ses affaires , la laissant pourtant enceincte seullement de trois sepmaines, ce qu'elle congnoissoit à ce qu'il luy prenoit quelquesfois defaillement de cueur, avec telz autres accidens qui prennent aux femmes enceinctes.

Si tost qu'il fut party, un sien voisin, nommé le sire André, s'en vint voir la jeune femme comme il avoit de coustume de hanter privement en la maison par droit de voisiné, qui se print à railler avec elle, luy demandant comme elle se portoit en mesnage. Elle luy respond qu'assez bien , mais qu'elle se sentoit estre grosse. Estil possible? dit-il; vostre mary n'auroit pas eu le loisir de faire un enfant depuis le temps que vous estes ensemble. — Si est-ce que je le suis, dit-elle , • car la dena Toiny m'a dit qu'elle se trouva ainsi comme je me trouve de son premier enfant. — Or, ce luy dit le sire André , sans toutesfois penser grandement en mal , ny qu'il luy en deust advenir ce qu'il en advint, croyez-moy que je me congnois bien en cela, et à vous voir je me doubte que vostre mary n'ha pas faict l'enfant tout entier, et qu'il y ha encores quelques oreilles à faire. Sus mon honneur, prenez-y bien garde. J'ay veu beaucoup de femmes qui s'en sont mal trouvées, et d'autres, qui ont esté plus sages, ui se sont faict achever leur enfant en l'absence eleur mary, de peur des inconveniens. Mais in-

48 Nouvelle IX.

continent que mon compère sera venu , faites-leluy achever. — Comment ! dit la jeune femme, il est allé en Bourgoigne; il ne sçauroit pas estre icy d'un moys pour le plustost. — Mamie, dit-il, vous n'estes donc pas bien ; vostre enfant n'aura qu'une oreille ' , et si estes en danger que les autres d'après n'en auront qu'une non plus , car voulentiers , quand il advient quelque faute aux femmes grosses de leur premier enfant , les derniers en ont autant. La jeune femme, à ces nouvelles, fut la plus faschée du monde. Eh! mon Dieu, dit-elle, je suis bien povre femme. Je m'esbahy qu'il ne s'en est advisé de le faire tout devant que de partir. Je vous diray (dit le sire André), il y ha remède par tout, fors qu'à la mort. Pour l'amour de vous, vrayement, je suis content de le vous achever, chose que je ne ferois pas si c'estoit un aultre, car j'ay assez d'affaires environ les miens ; mais je ne voudrois pas que par faulte de secours il vous fust advenu un tel inconvénient que cestuy-là. Elle, qui estoit à la bonne foy, pensa que ce qu'il luy disoit estoit vray, car il parloit brusquement et comme s'il luy eust voulu faire entendre qu'il faisoit beaucoup pour elle , et que ce ne fust qu'une corvée pour luy. Conclusion : elle se fit achever cet enfant, dont le sire André s'acquitta gentiment, non pas seullement pour ceste foys-là , mais y retourna assez souvent depuis. Et à une des fois la jeune femme luy disoit : Voire mais , si vous luy

!. La Fontaine exprima cela par enfant monaut, mot qui n'est dans aucun dictionnaire , qui ne se dit nulle oart et qui est de son invention. — L. M.

Nouvelle IX. 4^

faictes quattre ou cinq oreilles ? Arrière , ce sera une mauvaise besoigne. — Non, non, ce dit le sire André , je n'en feray qu'une ; mais pensez vous qu'elle soit si tost faicte ? Vostre mary a demeuré si long-temps à faire ce qu'il y ha de faict ! Et puis on peult bien faire moins , mais on ne sçauroit en faire plus : car, quand une chose est achevée , il n'y fault plus rien. En cest estât fut achevée ceste oreille. Quant le mary fut venu de dehors, sa femme luy dit la nuict, en folâtrant : Ma figue, vous estes un beau faiseur d'enfant ! Vous m'en aviez fait un qui n'eust eu qu'une oreille, et vous en estiez allé sans l'achever. — Allez, allez, dit-il, que vous estes folle ! Les enfans se font-ilz sans oreilles? — Ouy dea, ilz s'y font, dit-elle; demandez à sire André , qui m'ha dit qu'il en a veu plus de vingt qui n'en avoyent qu'une par faulte de les avoir achevez , et que c'est la chose la plus mal-aisée à faire que l'oreille d'un enfant; et , s'il ne la m'eust achevée, pensez que j'eusse fait un bel enfant ! Le mari ne fut pas trop content de ces nouvelles. — Quel achèvement est-ce ci.f* dit-il. Qu'est-ce qu'il vous ha fait pour l'achever.'^ — Le demandez-vous .? dit-elle ; il m'ha fait comme vous me faictes. — A ha ! dit le mary, est-il vray .? M'en avez-vous fait d'une telle? Et Dieu sçait de quel sommeil il dormit là-dessus! Et luy, qui estoit homme colère , en pensant à l'achèvement de ceste oreille , donna par fantaisie plus de cent coups de dague à l'acheveur; et luy dura la nuict plus de mil ans qu'il n'estoit desjà après ses vengeances. Et, de fait, la première chose qu'il fit quand il fut levé, ce fut d'aller à ce sire André, auquel il dit mille outraiges, le menassant qu'il le

jo Nouvelle X.

feroit repentir du meschant tour qu'il luy avoit fait. Toutesfois , de grand menasseur peu de fait : car, quand il eut bien fait du mauvais, il fut contraint de s'appaiser pour une couverte de Cataloigne ' que luy donna le sire André , à la charge, toutesfois, qu'il ne se mesleroit plus de faire les oreilles de ses enfans , et qu'il les feroit bien sans luy.

Nouvelle X.

De Fouquet , qui fit accroire au procureur en Chas-

îellet, son maistre, que le bon homme estoii

sourd, et au bon homme que le procureur

l'estoit; et comment le procureur se

vengea de Fouqueî.

n procureur en Chastellet tenoit deux ou trois clercs soubz luy, entre lesquelz y avoit un apprentif , nlz d'un homme assez riche de la ville mesme de Paris, lequel l'avoit baillé à ce procureur pour apprendre le stile. Le jeune filz s'appeloit Fouquet, de l'âge de seize à dix-sept ans , qui estoit bien affaicté et faisoit tousjours quelque chattonnie. Or, selon la coustume des maisons des procureurs, Fouquet faisoit toutes les corvées, entre lesquelles l'une estoit qu'il ouvroit quasi tousjours la porte quand on tabutoit , pour congnoistre les parties que servoit son maistre , et pour sçavoir

I. Ou Catalogne. Les couvertures venoient de ce pays, et en retinrent long-temps le nom dans plusieurs provinces.

Nouvelle X. 51

qu'elles demandoient, pour le luy rapporter. Il y avoit un homme de Bagneux qui plaidoit en Chastellet, et avoit pris le maistre de Fouquet pour son procureur, lequel il venoit souvent voir, et, pour mieux estre servy, luy apportant par les foys chappons, beccasses, levrauts, et venoit voulentiers un peu après midy, sus l'heure que les clercs disnoyent ou achevoyent de disner, auquel Fouquet alloit ouvrir; mais il n'y prenoit point de plaisir à une telle heure, car il y alloit du temps pour luy, parce que- le bon homme se mettoit en raison avecques luy, tellement qu'il falloit bien souvent que Fouquet allast parler à son maistre et puis en rendre responce , qui faisoit qu'il disnoit quelques foys bien légèrement ; et son maistre, d'une aultre part, n'avoit pas grand respect à luy, car il l'envoyoit à la ville à toutes heures du jour, vingt fois et cent fois , ne sçay combien, dont il estoit fort fasché. A Tune des fois , voicy ce bon homme de Bagneux qui frappe à la porte et à l'heure accoustumée , lequel Fouquet entendoit assez au frapper. Quand il eut tabuté deux ou trois coups, Fouquet luy va ouvrir, et en allant s'avisa de jouer un tour de chatterie à son homme , qui vient , disoit-il , tousjours quand on disne , et se pensa comment son maistre en auroit sa part. Ayant ouvert l'huis : Et puis ' , bon homme , que dittes-vous ? — Je vouloys parler à Monsieur, dit-il, pour mon procès. — Et bien! dit Fouquet, dittes-moi que c'est, je le le luy iray dire. — Oh ! dit le bon homme, il faut

I . C'étoit une des formules du salut ; on la retrouve plursieurs fois dans les facéties des XVe et XV le siècles.

52 Nouvelle X.

que je parle à luy ; vous n'y feriez rien sans moy. — Bien donq , dit Fouquet , je m'en vois luy dire que vous estes icy. Fouquet s'en va à son maistre et lui dit : C'est cest homme de Bagneux qui veult parlera vous. — Fay-le venir, dit le procureur. — Monsieur, dit Fouquet, il est devenu tout sourd ; au moins il oyt bien dur. Il faudroit parler bien hault si vous vouliez qu'il vous entendist. — Et bien ! dit le procureur, je parlerai prou haut. Fouquet retourne au bon homme et luy dit : Mon amy, allez parler à Monsieur; mais sçavez-vous que c'est .f* il ha eu un catherre qui luy est tombé sus l'oreille, et est quasi devenu sourd. Quand vous parlerez à luy, criez bien haut; autrement il ne vous entendroit pas. Cela faict, Fouquet s'en va veoir s'il acheveroit de disner, et en allant il dit en soy-mesme : Nos gens ne parleront pas tantost en conseil. Ce bon homme entre en la chambre où estoit le procureur, le salue en luy disant : Bonjour, Monsieur, si hault qu'on l'oyoït de toute la maison. Le procureur luy dit encores plus haut : Dieu vous gard , mon amy. Que dittes-vous ^ Lors ilz entrèrent en propos de procès et se mirent à crier tous deux comme s'ilz eussent esté en un bois. Quand ilz eurent bien crié, le bon homme prend congé de son procureur et s'en va. De là à quelques jours voicy retourner ce bon homme, mais ce fut à une heure que , par fortune , Fouquet estoit allé par ville là où son maistre l'avoit envoyé. Ce bon homme entre , et , après avoir salué son procureur, luy demande comment il se portoit. Il respond qu'il se portoit bien. — Eh! Monsieur, dit le bon homme. Dieu soit loué! vous n'estes plus

Nouvelle X. 53

sourd , au moins ? Dernièrement que vins icy, il falloit parler bien hault; mais maintenant vous entendez bien, Dieu mercy. Le procureur fut tout esbahy. Mais vous, dit-il, mon amy, estesvous bien guery de vos oreilles ? C'estoit vous qui estiez sourd. Le bon homme luy respond qu'il n'en avoit point esté malade et qu'il avoit tousjours bien ouy, la grâce à Dieu. Le procureur se souvint bien mcontinent que c'estoit des fredaines de Fouquet; mais il trouva bien de quoy le luy rendre , car, un jour qu'il l'avoit envoyé à la ville, Fouquet ne faillit point à se jetter dedans un jeu de paulme qui n'estoit pas guères loing de la maison, ainsi qu'il faisoit le plus des fois quand on l'envoyoit quelque part; de quoy son maistre estoit assez bien adverty, et mesme l'y avoit trouvé quelques fois en passant. Sçachant bien qu'il y estoit, il envoya dire à un barbier, son compère, qui demeuroit là auprès, qu'il luy fist tenir un beau balay neuf tout prest, et luy fit dire à quoy il en avoit affaire. Quand il sçeut que Fouquet pouvoit estre bien eschauffé à testonner la bourre, il vint entrer au jeu de paulme et appelle Fouquet, qui avoit desjà bandé sa part de deux douzaines d'esteufz et jouoit à Tacquict. Quand il le vit ainsi rouge : Eh ! mon amy, vous vous gastez, dict-il; vous en serez malade, et puis vostre père s'en prendra à moy. Et là-dessus, au sortir du jeu de paulme , le fait entrer chez le barbier, auquel il dit : Mon compère, je vous prie, prestez-moi quelque chemise pour ce jeune filz qui est tout en eau , et le faictes un petit frotter. — Dieu! dit le barbier, il en a bon mestier; aultremeniil seroit en danger d'une pleurésie. Hz

54 Nouvelle XI.

font entrer Fouquet en une arrière-boutique et le font despouiller au long du feu qu'ilz firent allumer pour faire bonne mine. Et cependant les verges s'apprestoyent pour le povre Fouquet, qui se fust bien voluntiers passé de chemise blanche. Quand il fut despouillé, on apporte ces maudites verges , dont il fut estrillé soubz le ventre et par tout; et, en le fouettant, son maistre lui disoit : Dea, Fouquet, j'estois l'aultre jour sourd; et vous , estes-vous point punais à cest heure ? Sentez-vous bien le balay '. Et Dieu sçait comment il pleut sus sa mercerie ^î Ainsi le gentil Fouquet eut loisir de retenir qu'il ne fait pas bon se jouer à son maistre.

Nouvelle XI.

D^un docteur en décret qu^un beuf blessa si fort qu'il ne sçavoit en quelle jambe c'estoit.

n docteur en la faculté de décret ?, passant pour aller lire aulx escolles , rencontra une troupe de beufs (ou la troupe de beufs le rencontra) qu'un valet de boucher menoit devant soy, l'un desquelz qui-

1 . Les punais n'ont point d'odorat , et sont privés par conséquent de la faculté de sentir les odeurs ; mais quand on demande à Fouquet, en le fouettant, s'il n'est point punais, s'il sent le balai , on équivoque sur le mot sentir, par rapport aux odeurs et aux coups de fouet, qui se font sentir, mais fort diversement. — L. M.