Voy. une note de la Nouvelle I, 2e partie

3 . Droit canon , du mot decretum , qui est le titre de la compiiatioa de Gratien , première partie de ce droit.

Nouvelle XI. 55

dem beufz, comme monsieur le docteur passoit sus sa mule , vint frayer un petit contre sa robe , dont il se print incontinent à crier : A l'ayde ! ô le meschant beuf! il m'ha tué! je suis mort! A ce cry s'amassèrent force gens, car il estoit bien congneu , parce qu'il y avoit trente ou quarante ans qu'il ne bougeoit de Paris, lesquelz, à l'ouir crier, pensoyent qu'il fust énormément blessé. L'un le soustenoit d'un costé , l'autre d'un aultre , de peur qu'il ne tumbast de dessus sa mule ; et entre ses hauts criz , il dit à son famulus , qui avoit non Corneille : Vien çà. Eh! mon Dieu! va-t'en aux escoUes, et leur dy que je suis mort, et qu'un beuf m'ha tué , et que je ne sçaurois aller faire ma lecture, et que ce sera pour une aultre fois. Les escoUes furent toutes troublées de ces nouvelles, et aussi messieurs de la Faculté ; et incontinent l'allèrent veoir quelques uns d'entre eulx qui furent députez , qui le trouvèrent estendu sus un lit , et le barbier ' environ , qui avoit des bandeaux d'huiles , d'onguens , d'aubins d'eufs et tous les ferrementz en tel cas requis. Monsieur le docteur plaignoit la jambe droitte si fort qu'il ne pouvoit endurer qu'on le dechaussast , mais fallut incontinent descoudre la chausse. Quand le barbier eut veu la jambe à nud, il ne trouva point de lieu entamé ny meurdry, ni aucune apparence de blesseure , combien que tousjours monsieur le docteur criast : Je suis mort, mon amy ! je suis mort. Et quand le barbier y vouloit toucher de la main, il crioit encores plus haut : Oh! vous me

I . Barbier ou chirurgien : c'étoit une même profession à cette époque.

56 Nouvelle XI.

tuez! je suis mort! — Et où est-ce qu'il voujfaict le plus de mal, Monsieur? disoit le barbier.. — Et ne le voyez-vous pas bien? disoit-il. Un beuf qui m'ha tué , et il me demande où c'est qu'il m'ha blessé ! Eh ! je suis mort ! Le barbier luy demandoit : Est-ce là , Monsieur ? — Nenny. — Et là ? — Nenny. Brief , il ne s'y trouvoit rien. — Eh ! bon Dieu ! qu'est-ce cy ? ces gens icy ne, sçauroyent trouver là où j'ay mal. N'est-il point enflé ? dit-il au barbier. — Nenny. — Il fault donc, dit monsieur le docteur, que ce soit en l'autre jambe, car je sçay bien que le beuf m'ha heurté. Il fallut deschausser ceste aultre jambe ; mais elle se trouva blessée comme l'aultre. Baa ! ce barbier; icy n'y entend rien : allez m'en quérir un aultre. On y va ; il vint, il n'y trouve rien. — Eh ! mon- Dieu , dit monsieur le docteur, voicy grand chose \ Un beuf m'auroit-il ainsi frappé sans me faire mal ? Vien çà, Corneille; quand le beuf m'a blessé, de quel costé venoit-il? N'estoit-ce pas devers lamuraille? — Oui, Domine, ce disoit le famulas; c'est donc en ceste jambe icy. — Je le leur ay-, bien dit dès le commencement ; mais il leur est advis que c'est mocque ' . Le barbier voyant bien: que le bon homme n'estoit malade que d'apre-: hension , pour le contenter, il y mit un appareil legier, et luy banda la jambe en luy disant q\i^ cela suffiroit pour le premier appareil. — Et puis,' dit-il , monsieur nostre maistre , quand vous aurez, advisé en quelle jambe est vostre mal, nous y fe-. rons quelque aultre chose.