Sans culture

62 Nouvelle XIII.

falloit de terribles fondemens pour faire les murailles, tellement que les pionniers cavèrent si bas, que Tun d'entre eulx vint tout premier à descouvrir ceste cuve où estoyent ces diables , lequel l'ayant ainsi heurtée, et que ses compagnons s'en furent apperceuz, ilz pensèrent bien estre tous riches, et qu'il y eust un trésor inestimable là-dedans. Helas! quel trésor c'estoit! Eh Dieu! que ce fut bien en la malheure ! 0 ! que le ciel estoit bien lors envieux contre la terre ! 0 ! que les dieux estoyent bien courroussez contre le povre genre humain! Oùestlaplumequisceustescripre, ouest la langue qui sceust dire assez de malédictions contre ceste horrible et malheureuse descouverte ? Voilà que fait l'avarice, voilà que fait l'ambition, qui creuse la terre jusques aux enfers pour trouver son malheur, ne pouvant endurer son ayse. Mais retournons à nostre cuve et à noz diables. Le compte dit qu'il ne fut pas en la puissance de ces bêcheurs de la pouvoir ouvrir sitost, car avec la grandeur, elle estoit espaisse à l'avenant. Pi3ur ce, il fut force que le roy en eust la congnoissance, lequel l'ayant veue, ne pensa pas aultre chose que ce qu'en avoyent pensé les pionniers : car qui eust jamais imaginé qu'il y eust eu des diables dedans , quand mesmes on ne pensoit plus qu'il y en eust au monde, veu le long temps qu'il y avoit qu'on en avoit ouy parler ? Ce roy se souvenoit bien que ses prédécesseurs roys avoyent esté infiniment riches, et ne pouvoit estimer aultre chose, sinon qu'ilz eussent là enfermé une finance incroyable, et que les destins l'avoyent réservé à estre possesseur d'un tel bien, pour estre le plus grand roy de la terre. Conclusion : il employa tant

Nouvelle XIII. 63

de gens qu'il en avoit environ ceste cuve. Et cependant qu'ilzchamailioyent, ces diables estoyent aux escouteset ne savoyent bonnement que croire, si on les tiroit point de là pour les mener pendre, et que leur procès eust esté fait depuis qu'ils estoyent là. Or, les gastadours donnèrent tant de coups à ceste cuve qu'ilz la faussèrent, et quand et quand enlevèrent une grand pièce du couvercle, et firent ouverture. Ne demandez pas si messieurs les diables se battoyent à sortir à la foulle , et quelz criz ilz faisoyent en sortant, lesquelz espouvantèrent si fort leroy ettous ses gens, qu'ilz tombèrent là comme morts. Et mes diables devant et au pied, ils s'en revont par le monde, chascun en sa chascunière ; fors que par advanture il y en eut quelques uns qui furent tout estonnez de veoir les régions et les pays changez depuis leur emprisonnement. Au moyen de quoy ils furent vagabonds tout un temps, ne sçachans de quel pays ilz estoyent, ne voyans plus le clochier de leur paroisse. Mais, par tout où ils passoyent, ilz faisoyent tant de maulx , que ce seroit une horreur de les raconter. En lieu d'une meschanceté qu'ilz faisoyent le temps jadis, pour tourmenter le monde, ilz en inventèrent de toutes nouvelles. Hz tuoyent, ilzruoyent, ilztempestoyent, ilzrenversoyent tout c'en dessus dessous ' . Tout alloit par

I. Les alchimistes classent ces méchants démons parmi ceux que le sort a condamnés à souffrir. S'il les faut croire, des six genres principaux de démons , « il n'y en a que trois espèces qui souffrent, pâtissent et endurent, à sçavoir les feu-fuyans, aquatiques et terrestres, et sont ceux que l'on appelle volontiers incubes et succubes. » (J. Tahureau, Dialogues, Lyon, 1602, p. 231.)

64 Nouvelle XIII.

«scuelles , mais aussi les diables y estoyent. De ce temps-là il y avoit force philosophes (car les alquemistes s'appellent philosophes par excellence), d'autant que Salomon leur avoit laissé par escriptla manière de faire la saincte pierre, laquelle il avoit réduite en art , et s'en tenoit escole comme de grammaire, de mode que plusieurs arrivoyent à l'intelligence, attendu mesmes que les vermeniers ne leur troubloient point le cerveau , estans enclos. Mais si-tostqu'ilz furent en liberté, se ressentans du mauvais tour que leur avoit joué Salomon en vertu de ceste pierre, la première chose qu'ilz firent, ce fut d'aller aux fourneaux des philosophes et de les mettre en pièces. Et mesmes trouvèrent façon d'effacer, d'esgraffigner, de rompre, de falsifier tous les livres qu'ils peurent trouver de ladite science, tellement qu'ilz la rendirent si obscure et si difficille que les hommes ne sçavent qu'ilz y cherchent, et l'eussent voulentiers abolie du tout ; mais Dieu ne leur en donna pas la puissance. Bien eurent-ilz cette permission d'aller et de venir pour empescher les plus sçavans de faire leurs besongnes , tellement que quand il y en ha quelqu'un qui prend le bon chemin pour y parvenir, et que telle foys il ne luy fault quasi plus rien qu'il n'y touche, voicy un diablon qui vient rompre unalembic, lequel est plein de ceste matière précieuse, et fait perdre en une heure toute la peine que le povre philosophe ha prise en dix ou douze ans, de sorte que c'est à refaire. Non pas que les pourceaux y ayent esté, mais les diables, qui valent pis. Voilà la cause pourquoy on voit aujourd'huy si peu d'alquemistes qui parviennent à leurs entreprises ; non que

Nouvelle XIV. 6^

la science ne soit aussi vraye qu'elle fut onq, mais les diables sont ainsi ennemis de ce don de Dieu. Et par ce qu'il n'est pas qu'un jour quelqu'un n'ayt ceste grâce de la faire aussi bien que Salomon la fit onques , de bonne aventure s'il advenoit de nostre temps, je le prie par ces présentes qu'il n'oublie pas à conjurer, adjurer, excommunier, anathematiser, exorcizer, cabalizer, ruiner, exterminer, confondre, abismercesmechans gobelins, vermeniers, ennemys de nature et de toutes bonnes choses, qui nuisent ainsi aux povres alquemistes, mais encore à tous les hommes, et aux femmes aussi, cela s'entend : carilz leur mettent mille rigueurs, mille reffus, et mille fantaisies en la teste ; voire et eux-mesmes se mettent en la teste de ces vieilles sempiterneuses , et les rendent diablesses parfaictes. De là est venu que l'on dit d'une mauvaise femme qu'elle ha la teste au diable.

Nouvelle XIV.

De Vadvocat qui parlait latin à sa chambrière, et du clerc qui estait le truchement.

^^^f^ 1 y li3 environ vingt-cinq ou quarante rr\ :'^ ans qu'en la ville du Mans y avoit un \^lS^ ,^\ advocat qui s'appelloit La Roche Thof^i^ss^Ji^ mas, l'un des plus renommez de la ville, comme que de ce temps y en eust bon nombre de sçavans; tellement qu'on vcnoit bien à conseil jusques au Mans de l'université d'An-

66 Nouvelle XIV.

gers. Celuy sieur de La Roche estoit homme joyeux, et accordoit bien les récréations avec les choses sérieuses; il faisoit bonne chère en sa maison, et, quand il estoit en ses bonnes, qui estoit bien souvent, il latinisoit le françois et francisoit le latin , et s'y plaisoit tant qu'il parloit demy latin à son valet et à sa chambrière aussi, laquelle il appelloit Pedissèque. Et quand elle n'entendoit pas ce qu'il luy disoit, si n'osoitelle pas luy faire interpréter ses motz . car La Roche Thomas luy disoit : Grosse pécore arcadicque, n'entends-tu point mon idiome ? Des quels mots la povre chambrière estoit estonnée des quatre pieds' , car elle pensoit que c'estoit la plus grande malédiction du monde. Et à la vérité il usoit quelquesfois de si rudes termes, que les poules s'en fussent levées du juc. Mais elle trouva façon d'y remédier, car elle s'accointa de l'un des clercs, lequel luy mettoit par aventure l'intelligence de ces motz en la teste par le bas, et la secouoit, dis -je la secouroit^au besoin : car quand son maistre lui avoit dit quelque mot, elle ne faisoit que s'en aller à son truchement, qui l'en faisoit sçavante. Un jour de par le monde il fut donné un pasté de venaison à La Roche Thomas, duquel ayant mangé deux ou trois les-

1. Auroit-elle été pourvue de quatre pieds, elle eût été en danger de tomber à la renverse d'etonnement L. M. ). — Cette interprétation n'est qu'ingénieuse : je crois tout simplement que des Periers compare cette bonne vieille à un quadrupède parceque l'etonnement lui donne un air stupide.

2. Ainsi que le fait observer La Monnoye dans son édition de Des Periers, t. I, p. 162, le jeu de mots seroit plus complet si une fille disoit à un garçon : secourez-mo\ ! et que celui-ci répondit : Oui , je vous secoûrai volontiers.

Nouvelle XIV. 67

ches à l'espargne avec ceulxqui disnèrent quand luy, il dit à sa chambrière en desservant : Pedissèque, serve moi ce farcime deferine, qu'il ne soit point /cîmzi/^' ' . La chambrière entendit assez bien qu'il luy parloit d'un pasté , car elle luy avoit aultrefois ouy dire le mot de farcime, et puis il le luy monstroit; mais ce mot de famulé, qu'elle retint en se hastant d'escouter, elle ne sçavoit encores qu'il vouloit dire. Elle print ce pasté, et, ayant fait semblant d'avoir bien entendu, dit : Bien , Monsieur. Et vint à ce clerc quand ilz furent à part, lequel d'adventure avoit esté présent au commandement du maistre , pour luy demander l'exposition de ce mot famulé. Mais le mal fut que, pour celle fois, il ne luy fut pas fidelle , car il luy dit : M 'amie , il t'ha dit que tu donnasses de ce pasté aux clercs , et puis que tu serrasses le demeurant. La chambrière le creut, car jamais elle ne s'estoit mal trouvée de rapport qu'il luy eust faict. Elle met ce pasté devant les clercs, qui ne l'espargnèrent pas, comme on avoit fait à la première table, car ils mirent la main en si bon lieu qu'il y parut. Le lendemain La Roche Thomas , cuidant que son pasté fust bien en nature , appelle à disner des plus apparens du palais du Mans (qui ne s'appelloit pour alors que la sale) et leur fist grande feste de ce pasté. Hz viennent, ilz se mettent à table. Quand ce fut à présenter ce pasté, il estoit aisé de voir qu'il avoit passé par de bonnes mains. On ne sauroit dire si la Pedissèque fut plus mal menée de son maistre d'avoir

I. Cardez-moi ce pâté de venaison, et que la valetaille n'y touche. Voir au Glossaire l'explication de chacun de ces mots.

68 Nouvelle XIV.

laissé famuler ce farcime , ou si ledit maistre fut mieulx gaudy de ceux qu'il avoit conviez pour avoir parlé latin à sa chambrière en luy recommandant un friand pasté , ou si la chambrière fut plus marrie contre le clerc qui l'avoit trompée ; mais , pour le moins , les deux ne durèrent pas tant comme le tiers , car elle fongna au clerc plus d'un jour et une nuict, et le menassa fort et ferme qu'elle ne luy presteroit jamais chose qu'elle eust. Mais, quand elle se fut bien ravisée qu'elle ne se pouvoit passer de luy, elle fut contrainte d'appointer le dimanche matin, que tout le monde estoit à la grand messe, fors qu'eulx deux , et mangèrent ensemble ce qui estoit demeuré du jeudy, et raccordèrent leurs vielles comme bons amis '. Advint un autre jour que La Roche Thomas estoit allé disner en la ville chez un de ses voisins , comme la coustume ha tousjours esté en ces quartiers là de manger les uns avec les aultres et de porter son disner et son soupper, tellement que l'hoste n'est point foulé, si non qu'il met la nappe. La Roche Thomas, qui pour lors estoit sans femme , avoit faict mettre pour son disner seulement un poulet rosty, que sa chambrière luy apporta entre deux platz. Il luy dit tout joyeusement : Qu'est-ce que tu m'affères là , Pedissèque ? Elle luy respondit : Monsieur, c'est un poulet. Luy, qui vouloit estre veu magnifique , ne trouve pas cette response bonne , et la note jusques à tant qu'il fut retourné en sa mai-

I . On trouve dans notre conteur plusieurs comparaisons tirées de l'art musical, qu'il affectionnoit. Voy. Nouvelle LX: Il fil tant , qu'il accorda ses flûtes avec ceste jeune femme, etc.

Nouvelle XIV. 6<)

son , qu'il appella sa chambrière tout fascheusement Pedissèque , laquelle entendit bien à l'accent de son maistre qu'elle auroit quelque leçon, et va incontinent quérir son truchement pour assister à la lecture et luy pouvoir rapporter ce que son maistre luy diroit, car il tensoit bien souvent en latin et tout. Quand elle fut comparue, La Roche Thomas luy va dire : Viens-çà , gros animal brutal, idiote , inepte ', insulse, nugigeralky imperite, et tous les mots du Donat. Quand je disne à la ville et que je te demande que c'est que tu m'affères, qui t'a monstre à respondre : un poullet? Parie, parle une aultre foys en plurier nombre, grosse quadrupède, parie en plurier nombre. Un poulet! voylà un beau disner d'un tel homme que La Roche Thomas ! La Pedissèque n'avoit jamais esté desjeunée de ce mot de plurier nombre, par quoy elle se fit explicquer par son clerc , qui luy dit : Sçaiz-tu que c'est? Il est marry qu'aujourd'huy, en luy portant son disner, quand il t'ha demandé que c'estoit que tu luy apportoys, que tu luy ayes respondu : un poulet , et il veut que tu dies des pouletz, et non pas un poulet. Voilà ce qu'il veut dire par plurier nombre, entends-tu? La Pedissèque retint bien cela. De là à quelques jours La Roche Thomas estant encor allé disner chez un sien voisin (ne sçay si c'estoit chez le mesme de l'autre jour), sa chambrière luy porte son disner. La Roche Thomas luy demande, selon sa coustume, que c'est qu'elle afféroit. Elle, se souvenant bien de sa leçon, respondit inconti-