Commencement d'une vieille chanson

2. On connoît trop bien aujourd'hui et ce lieu et les étymologies qui en ont été données pour que nous ayons besoin d'y revenir. On écrit indifféremment tiroir, trahoir, trioir.

92 Nouvelle XIX.

je la montre aux orfèvres , ilz me décèleront ou ilz en voudront avoir leur part , et ne m'en bailleront pas la moitié de ce qu'elle vaut. Tantost il craignoit de n'avoir pas bien caché ce pot et qu'on le lui desrobast. A toutes heures il partoit de sa tente pour l'aller remuer. Il estoit en la plus grand' peine du monde ; mais à la fm il se vint à recongnoistre, disant en soi-mesme : Comment! je ne fais que penser en mon pot! Les gens cognoissent bien à ma fasson qu'il y ha quelque chose de nouveau en mon cas. Baa ! le diable y ait part au pot ! il me porte malheur. En effect, il le va prendre gentiment et le gette en la rivière et noya toute sa melancholie avec ce pot. Une autre fois, il se trouva fasché d'un monsieur qui demeuroit tout vis-à-vis de sa logette ; au moins il avoit sa logette tout vis-à-vis de monsieur, lequel quidam monsieur avoit un singe qui faisoit mille maulx au povre Blondeau , car il l'espioit d'une fenestre haulte quand il tailloit son cuir et regardoit comme il faisoit; et aussi-tost que Blondeau estoit allé disner ou en quelque part à son affaire , ce singe descendoit et venoit en la loge de Blondeau , et prenoit son trenchet et decouppoit le cuir de Blondeau comme il l'avoit veu faire ; et de cela faisoit coustume à tous les coups que Blondeau s'escartoit. De sorte que le povre homme fut tout un temps qu'il n'osoit aller boire ny manger hors de sa boutique sans enfermer son cuir. Et si quelques fois il oublioit à le serrer, le singe n'oublioyt pas à le luy tailler en lopins , chose qui luy faschoit fort , et si n'osoit pas faire mal à ce singe par crainte de son maistre. Quand il en fut bien ennuyé, il délibéra de s'en venger. Après s'estre

Nouvelle XIX. 93

bien apperceu de la manière qu'avoit ce singe, qui estoit de faire en la propre sorte qu'il voioyt faire : car, si Blondeau avoit aguisé son trenchet, ce singe l'aguisoit après luy ; s'il avoit poissé du ligneul, aussi faisoit ce singe; s'il avoit cousu quelque carrellure , ce singe s'en venoit jouer des coudes comme il luy avoit veu faire , à l'une des fois Blondeau aguisa un trenchet et le fit couper comme un rasoir, et puis, à l'heure qu'il veid ce singe en aguet, il commença a se mettre ce trenchet contre la gorge et le mener et ramener comme s'il se fust voulu égosiller. Et quant il eut fait cela assez longuement pour le faire adviser à ce singe , il s'en part de la boutique et s'en va disner. Ce singe ne faillit pas incontinent à descendre , car il vouloit s'esbatre à ce nouveau passe-temps qu'il n'avoit point encores veu faire. Il vint prendre ce trenchet et tout incontinent se le met contre la gorge , en le menant et ramenant comme il avoit veu faire à Blondeau. Mais il l'approcha trop près, et ne seprint garde qu'en le fra'yant contre sa gorge , il se couppe le gosier de ce trenchet, qui estoit si bien affilé, dont il mourut avant qu'il fust une heure de là. Ainsi Blondeau fut vengé de son singe sans danger, et se remist à sa coustume première de chanter et faire bonne chère, laquelle luy dura jusqu'à la mort ; et, en la souvenance de la joyeuse vie qu'il avoit menée , fut fait un epitaphe de luy qui s'ensuit :

Ci-dessoubz gist en ce tombeau Un savetier nommé Blondeau, Qui en son temps rien n'amassa,

94 Nouvelle XX.

Et puis après iltrespassa.

Marriz en furent les voisins, Car il enseignait les bons vins

Nouvelle XX.

De trois frères qui Guidèrent estre pendus pour

leur latin.

rois frères de bonne maison avoyent longuement demeuré à Paris, mais ilz avoyent perdu tout leur temps à courir, à jouer et à folastrer. Advint que leur père les manda tous trois pour s'en venir, dont ils furent fort surpris , car ilz ne sçavoyent un seul mot de latin ; mais ilz prindrent complot d'en apprendre chascun un mot pour leur provision. Sçavoir est, le plus grand aprint à dire : Nos très clerici; le second print son thème sur l'argent, et aprint : Pro bursa et pecunia; le^tiers. en passant par l'église , retint le mot de la grand messe : Dignum et justum est. Et là dessus partirent de Paris , ainsi bien pourveuz , pour aller veoir leur père ; et conclurent ensemble que par tout où ilz se trouveroient et à toutes sortes de gens ils ne parleroyent autre chose que leur latin , se voulant faire estimer par-là les plus grands clercs de tout le pais. Or, comme ils passoyent par un bois , il se trouva que les brigans avo)^ent coupé la gorge à un homme et l'avoyent laissé

I . « L'épitaphe du savetier Blondeau dans Des Périers est gracieux. » {Tahomot ,[ Bigarrures , etc., ch. des Epitaphes.)

Nouvelle XXI. 95

là après l'avoir destroussé. Le prevost des mareschaux estoit après avec ses gens , qui trouva ces trois compaignons près de là où le meurdre s'estoit fait et où gisoit le corps mort. Venez çà, ce leur dit-il. Qui a tué cet homme? Incontinent le plus grand, à qui l'honneur appartenoit de parler le premier, va dire : Nos très clerici. 0 ho ! dict le prevost. Et pourquoy l'avez-vous faict? Pro bursa et pecunia^ dit le second. Et bien! dit le prevost, vous en serez penduz. Dignum et justum est , dit le tiers. Ainsi les povres gens eussent esté penduz à crédit, n'eust esté que, quand ilz veirent que c'estoit à bon escient, ilz commencèrent à parler le latin de leur mère et à dire quy ilz estoyent. Le prevost, qui les veid jeunes et peu fins , congneut bien que ce' n'avoit pas esté eulx et les laissa aller et fit la poursuite des voleurs qui avoient fait le meurdre. Mais les trouva-il .f* — Et qu'en sçay-je r* mon ami , je n'y estois pas.

Nouvelle XXI.

Du jeune fils qui fit valoir le beau latin que son curé luy avoit monstre.

n laboureur riche, après avoir tenu son filz quelques années à Paris, le manda quérir, par le conseil de son curé. Quand il fut venu, le père, qui estoit jà vieulx, fut joyeux de le veoir, et ne faillit à envoyer incontinent quérir monsieur le curé à disner pour

c)6 Nouvelle XXI.

luy faire feste de son filz. Le curé vient, qui veid le jeune enfant, et luy dit : Vous soyez le bien venu, mon amy; je suis bien aise de vous veoir. Or cà , disnons , et puis nous parlerons à vous. Hz disnèrent très-bien. Après disner, le père dit au curé : Monsieur le curé , vous voyez ce garson ; je Pay fait venir de Paris, comme vous m'aviez conseillé. Il y aura trois ans à ceste Chandeleur qu'il y alla. Je voudrois bien savoir s'il ha prouffité, mais j'ay grand peur qu'il ne veuille rien valloir. J'en voulois faire un prestre. Je vous prie. Monsieur le curé , de l'interroguer un petit pour sçavoir comment il ha employé son temps. — Ouy dea, mon compère, dit le curé, je leferay pour l'amour de vous. Et sus le champ et en la présence du bon homme, fit approcher le jeune filz. Orçà, dit-il, vos regens de Paris sont grands latins ; que je voye comme ils vous ont appris. Puisque vostre père vous veult faire prestre , j'en suis bien aise; mais dictes-moy un peu en latin un prestre ; vous le devez bien sçavoir. Le jeune filz luy respondit : Sacerdos. Et bien! dit le curé, ce n'est trop mal dict, car il est escript : Ecce sacerdos magnus; ma.is prestolus est bien plus élégant et plus propre, car vous sçavez bien qu'un prestre porte l'estolle. Or çà, dictes-moy en latin un chat (le curévcyoit le chat au long du feu). L'enfant respond : catus, feliSy murilegus '. Le curé, pour donner à entendre au père qu'il sçavoit bien plus qu'ilz ne sçavoient à Paris , dict au jeune filz : Mon amy, je pense bien que vos regens vous ont ainsi monstre ; mais

1 . Mot d'une latinité douteuse , mais bien bonne encore pour la facétie.

Nouvelle XXI. 97

il y ha bien un meilleur mol : c'est mitis, car vous sçavez bien qu'il n'est rien si privé qu'un chat ; et rnesme la queue, qui est si souefve quand on la manie, s'appelle 5Zitim. Or çà, comment est-ce en latin du feu? L'enfant respond ignis. Non, non, dict le curé : c^ est gaudiiim, car le feu resjouit. Ne voyez-vous pas comme nous sommes ici à nostre ayse auprès du feu? Orçà, de l'eau, comment s'appelle-elle en latin ? L'enfant lui dictaqua. C'est beaucoup mieulx dit abundantia , dit le curé , car vous sçavez qu'il n'y ha chose plus abondante que l'eau. Or cà, un lict? L'enfant dict lectus. Lecîiis? dict le curé ; vous ne parlez que le latin tout vulgaire : il n'y ha enfant qui n'en dict bien autant. N'en sçavez-vous point d'aultre? L'enfant luy respond thorus. Encores n'y estes-vous pas, dict le curé; n'en sçavez-vous point d'auhre? L'enfant dit cii^//^. Encores n'y estes-vous pas. A la fin, quand il n'eut plus rien à luy dire : Pour le latin d'un lict, Jan! je le vous vois dire, dit le curé , c'est requieSy mon amy, pour ce qu'on y dort et qu'on y prend son repos. Ce pendant que le curé l'interrogoit ainsi avec ses Or cày le bon homme de père ne faisoit pas guères bonne chère, et eut volentiers battu son filz , et pensoit qu'il avoit perdu son argent. Mais le curé, le voyant fasché, luy dit : Non, non, non, compère, il n'hapas mal proufité ; je sçay bien qu'on luy ha ainsi montré comme il dict. Il ne respond pas trop mal, mais il y ha latin et latin, dea ! Je sçay des motz dont ilz n'ouyrent jamais parler à Paris. Envoyezle-m.oy souvent, je luy apprendray choses qu'il ne sçait pas encores; et vous verrez que, devant qu'il soit trois mois , je l'auray rendu bien aultre

98 Nouvelle XXI.

qu'il n'est. Le jeune enfant ce pendant n'osoit pas répliquer, parce qu'il estoit craintif et honteux; mais il n'en pensoit pas moins pourtant. De là à quelques jours , le curé fit tuer un pourceau gras et envoya quérir à disner le bon homme de père pour luy donner des charbonnées et des boudins, et luy manda qu'il ne faillist pas à mener son filz. Ils vindrent et disnèrent. Le jeune filz , qui avoit bien retenu le latin que luy avoit enseigné le curé et qui avoit des-jà songé la manière de le mettre en exécution pratique , s'estant levé de table de bonne heure , va gentiment prendre le chat, et, lui ayant attaché un bouchon de paille à la queue, met le feu dedans la paille avec une allumette et vous laisse aller ce chat, qui se print à fouir comme s'il eust eu le feu au cul. Le premier lieu où il se fourre, ce fut soubz le lict du curé , là oij le feu fut tantost espris. Quand le jeune filz congneut qu'il estoit temps d'adoperer ' son latin , il s'en vint vistement au curé et luy dit : Prestole, mitis habeîgaudium in siiavi : quod si abundantia non est , tu amitîis tiium rcquies. Ce fut au curé à courir voyant le feu des-jà grand ; et par ce moyen le jeune filz approufita le latin que luy avoit appris monsieur le curé , pour luy apprendre à ne le faire plus infâme devant son père.