NOUVELLE XXV

Du conseiller et de son pallefrenier, qui lui rendit sa mule vieille en guise d'une jeune.

n conseiller du Palais avoit gardé une mule vingt-cinq ans ou environ , et avoit entre autres un pallefrenier, nommé Didier, qui avoit pansé cette mule dix ou douze ans; lequel, l'ayant assez longuement servy, luy demanda congé, et avec sa bonne grâce se fit maquignon de chevaulx, hantant neantmoins ordinairement en la maison de son maistre , en se présentant à lui faire service tout ainsi que s'il eust tousjours été son domestique. Au bout de quelque temps, le conseiller, voyant que sa mule devenoit vieille, dit à Didier : Vien çà ;

114 Nouvelle XXV.

tu congnois bien ma mule : çlle m'ha merveilleusement bien porté ; il me fasche bien qu'elle devienne si vieille, car à grand peine en trouverayje une telle. Mais regarde, je te prie, à m'en trouver quelqu'une. Il ne te fault rien dire: tu sais bien quelle il la me fault. Didier lui dit : Monsieur, j'en ai une en l'estable qui me semble bien bonne : je la vous bailleray pour quelque temps. Si vous la trouvez à vostre gré, nous en accorderons bien, vous et moi ; sinon, je la reprendray. — C'est bien , dit le conseillier. Il se faict amener ceste mule , et cependant il baille la sienne vieille à Didier pour en trouver la deffaicte , lequel luy lime incontinent les dentz ; il vous la bouschonne , il la vous estrille, il la traicte si bien qu'il sembloit qu'elle fust encores bonne beste. Tandis son maistre se servoit de celle qu'il lui avoit baillée, mais il ne la trouva pas à son plaisir, et dit à Didier : La mule que tu m'as baillée ne m'est pas bonne ; elle est par trop fantastique. Ne veulxtu point m'en trouver d'aultre .^ — Monsieur, dit le maquignon, il vient bien à point, car, depuis deux ou trois jours en çà , j'en ay trouvé une que je congnois de longue main. Ce sera bien vostre cas, et quand vous aurez monté dessus, s'elle ne vous est bonne, reprcchez-le-moy. Didier lui ameine cette belle mule au frain doré , qu'il faisoit moult bon voir. Ce conseillier la prend , il monte dessus , il la trouve traictable au possible ; il s'en louoit grandement, s'esbahissant comme elle estoit si bien faicte à sa main : elle venoit au montoir le mieulx du monde. Somme, il y trouvoit toutes les complexions de la sienne première, et, attendu mesme qu'elle estoit de la taille

Nouvelle XXVI. 1 1 5

et du poil, il appelle ce maquignon : Vien çà^ Didier. Où as-tu pris ceste mule? Elle semble toute faicte à celle que je t'ay baillée et en ha toute la propre façon. — Je vous prometz, dit-il, Monsieur, quand je la vey du poil de la vostre et de la taille , il me sembla qu'elle en avoit les conditions , ou que bien aisément on les luy pourroit apprendre ; et pour ce je l'ay acheptee, espérant que vous vous en trouveriez bien. — Vrayement, dit le conseillier, je t'en sçay bon gré; mais combien me la vendras-tu? — Monsieur, ditil , vous sçavez que je suis vostre et tout ce que j'ay. Si c'estoit un aultre , il ne l'auroit pas pour quarante escuz; je la vous laisseray pour trente. Le conseiller s'y accorde et donne trente escus de ce qui estoit sien et qui n'en valloit pas dix.

Nouvelle XXVI.

Des copieux de la Flèche, en Anjou : comme Us furent trompez par Piquet au moyen d'une lamproye.

ous avons cy-dessus parlé des copieux de la Flèche, lesquelz on dit avoir esté si grandz gaudisseurs, que jamais homme n'y passoit qui n'eust son lardon. Je ne sçay pas si cela leur dure encores, mais je dys bien qu'une fois un grand seigneur entreprint d'y passer sans estre copié , et pensa d'y arriver si tard et en partir de si bon matin qu'il n'y auroit personne qui se peust gaudir de luy. Et, à la vérité, pour son entrée, il mesura tel-

1 16 Nouvelle XXVI.

lement son chemin qu'il estoit toute nuict quand il y arriva. Parquoy, estant tout le monde retiré , il ne trouva homme ne femme qui luy dist pis que son nom ' . Et quand il fut descendu à l'hostelerie, il fit semblant d'estre un peu mal disposé , et se retira en sa chambre , où il se fit servir par ses gens , si bien que la nuict se passa sans inconvénient. Mais il commanda au soir au maistre d'hostel que tout le monde fust prest à partir le lendemain deux heures devant soleil levant, ce qui fut faict, et luy-mesmes le premier levé, car il n'avoit aucune envie de dormir, de grand désir qu'il avoit de passer sans estre copié. Il monte à cheval sus l'heure que l'aube commençoit à paroistre, et qu'il n'y avoit encores personne debout par la ville. Il marche jusques aux dernières maisons de la Flèche , et pensoit bien avoir évité tous les dangers, dont il estoit desjà bien fier; mais voicy qu'il y avoit une vieille accropie au coing d'une muraille qui lui vint donner sa copie en lui disant en son vieillois : Matin , matin , de peur des mouches. Jamais homme ne fut plus marry d'estre ainsi copié au despourveu , et encore d'une vieille. Et si c'eust esté un roy, comme on dit que c'estoit , je croy qu'il eust faict mauvais party à la vieille damnée ; mais la plus saine partie croid qu'il n'estoit pas roy, encores

I . Furetière , Dictionnaire , au mot Nom , donne une explication de ce proverbe assez ingénieuse : « On ne saurait dire pis que son nom à un homme quand il est connu pour un scélérat. )) Rappeler son véritable nom à un homme qui en porte un usurpé, est aussi lui adresser un singulier reproche. Bèze a dit dans son Passavant : « Etpostquam veni et me debotavi audacter, quia nemo unquam mihi dixit pejus quam meum nomen. »

Nouvelle XXVI. 117

que ceulx de la Flèche se vantent que si. Or, quel qu'il fust, il eut son lardon comme les aultres. Mais comme on dit en commun proverbe, que les mocqueurs sont souvent mocquez, ceulx de la Flèche en recepvoyent bien quelquefois de bonnes, comme celle que nous avons dicte de maistre Pierre Faifeu , et encores leur en fut donnée une aultre bonne par un qui s'appelloit Picquet. Ce fut qu'il achepta une lamproye à Durtal , et la mit en un bissac de toille qu'il portoit derrière soy à l'arson de sa selle , laquelle lamproye il attacha fort bien par l'un des trous d'auprès de la teste avec une fisselle, tellement qu'elle ne pouvoit eschapper de dedans le bissac ; mais il luy fit seullement paroistre la queue par dehors. Quand il fut auprès de la Flèche, cette lamproye, qui estoit bien vive, demenoit tousjours la queue, tant qu'en passant par la ville les copieux advisèrent qu'en se démenant elle paroissoit tousjours un petit davantage hors du bissac : et mes gens de se tenir près, attendant qu'elle deust cheoir ! Et Picquet passoit tout à son aise par la ville , comme s'il n'eust pas eu grand haste , pour tousjours amasser des copieux davantage, lesquelz sortoyent des maisons et le suivoyent , pour avoir ceste lamproye quand elle tomberoit; desquelz y en eut quatre ou cinq des plus frians qui s'y attendoyent comme à leurs œufz de Pasc^ii:s, disant l'un à l'aultre : J'en disneron, j'en disneron. Et Picquet ne faisoit pas semblant de les adviser, fors quelquefois, comme si son cheval ne fust pas bien senglé , il regardoit de costé ses lacquais qui le suivoyent. Quand il fut hors de la ville, il commença à picquer un peu plus fort,

n8 Nouvelle XXVI.

et mes copieux après , cuidant qu'elle ne deiist plus demeurer à tomiber, car elle paroissoit quasi toute dehors. Il les vous meine un petit quart de lieue tousjours après ceste lamproye. Mais il y en eut deux qui se lassèrent de trotter, parce qu'ilz estoyent un petit chargez de cuisine. Les deux autres tindrent bon , et furent bien ayses que les deux s'en allassent, et dirent Tun à l'autre : Tez tay, 'fen airon meilleure part. Quand Picquet eut congneu qu'il n'avoit plus que deux lacquais, lesquelz estoyent assez dispos de leurs personnes, il commence à picquer un peu plus fort , et encores plus fort ; et mes deux copieux après , tellement qu'ilz le suyvirent plus d'une grande demye lieue, tousjours courans après, qui pensoyent bien se venger sus la lamproye ; et Picquet tousjours picquoit, mais ceste lamproye ne tomboit point, dont ilz commencèrent à se fascher, joint que Picquet, qui en avoit son passe-temps, se prenoit à rire par les fois si fort qu'ils s'en apperceurent, et virent bien qu'ilz en avoyent d'une. Toutefois , l'un d'eulx, pour faire bonne mine, dit de loing à Picquet : Hau! Monsieur, vostre lamproye vous cherra. Picquet se retourne vers eux en leur disant : Aa! il la vous faut, la lamproye .f* Venez, venez, vous l'aurez : elle cherra tantost. Mes gens furent tout camus et dirent : A tous les diesbes la lamproye ! Puis, quand ilz furent de retour, Dieu sçait comment ilz furent copiez de ceulx de la ville qui entendirent la fourbe , en leur demandant à quelle saulse ilz la vouloyent. Ainsi les gaudisseries retournent quelquefoys sus les gaudisseurs.

Nouvelle XXVII. 119

Nouvelle XXVII.

De Pasne umbrageux qui avoit peur quand on ostoiî

le bonnet, et de sainct Chelaut et Croisé y

qui chaussèrent les chausses

l'un de l'aultre.

^^""~^'^7 ^usîeurs ont ouy le nom de messire • René du Bellay, dernièrement decedé ^ evesque du Mans ' , lequel se tenoit <î^'zs'--.'t sus son evesché , studieux des choses de la nature, et singulièrement de l'agriculture, des herbes et du jardinage. Il avoit en sa maison de Tonnoye un haraz de jumens , et prenoit plaisir à avoir des poulains de belle race. Il avoit un maistre d'hostel qui mettoit peine de luy entretenir ce qu'il aymoit, et à celuy mesme fut donné par quelqu'un de ses amys un asne, par grande singularité , qui estoit si beau et si grand qu'on l'eust pris à tous coups pour un mulet , et mesmes en avoit le poil ; avec cela il alloit l'amble aussi bien qu'un mulet. Pource le maistre d'hostel, voyant la bonté de cest asne , bien souvent le bailloit à l'un des officiers, sus lequel il suivoit aussi bien le train, encore que ledit seigneur picquast aussi bien comme pas un des aultres. Et à la fm ledict asne demeura pour l'un des aulmosniers , lequel on appelloit sainct Chelault 2. Ne sçay si c'estoit son nom , ou si on luy avoit donné ce soubriquet, ou si c'estoit quelque