I. En I J

a. Il y a dans les Vocabulaires hagiologiques plusieurs

120 Nouvelle XXVII.

bénéfice qu'il eust eu de son maistre. Or, pour ce qu'il n'y ha chose si excellente qui n'ait quelque imperfection, cest asne estoit un petit umbrageux. Que dy-je, un petit? j'entens un petit beaucoup; car, au moindre remuement qu'il eut senty faire, il gambadoit, il saultoit; et qui failloit à se tenir bien, il vous terrassoit son homme. Au moyen de quoy S. Chelault, qui n'estoit pas des plus habiles escuyers du monde, à tous les coups estoit passé chevalier dessus cest asne. Quand à quelque destour il voyoit une souche couchée le long du chemin , ou quand quelque homme se presentoit à la rencontre et au depoun^eu, ou quand il tomboit à sainct Chelault le bréviaire de sa manche, le bruit seul faisoit tressaillir cest asne, qui ne cessoit de tempester qu'il n'eust porté mon aulmosnier par terre. Mais sus tout cest asne se faschoit quand il voyoit oster un bonnet , car, quand on saluoit monsieur du Mans par les chemins, comme telles personnes sont saluées de tout chascun, cest asne au maniement des bonnetz faisoit rage. Il couroit à travers pays comme si le diammour ' l'eust emporté , et ne failloit point à vous planter le povre sainct Chelault en un fossé ou en quelque tartre bourbonnoise. De sorte qu'il estoit contrainct de demeurer derrière et n'aller point en trouppe, pour éviter les incon-

saints dont a fait des saintes. On ne dit aujourd'hui ni saint Sesaud ni saint Chelaut , mais sainte Serote, sous le nom de laquelle il y a une cure au diocèse du Mans. (L. M.) I. Contraction, pour le dieu Amour, que d'autres éditions portent en effet. La Monnoye dit : « J'ai cru qu'il falloit lire : Comme si te diantre l'eût emporté , et l'ai fait imprimer ainsi. » Mais il ne donne pas ses raisons.

Nouvelle XXVII. 121

veniens des salutations. Et d'aventure, s'il rencontroit quelqu'un de congnoissance par les chemins venant au devant de luy, il luy crioit tout de loing : Monsieur, je vous prie, ne me saluez point! ne me saluez point! Mais bien souvent, pour en avoir passetemps , on lui attiltroit des salueurs qui luy faisoyent de grandes révérences et barretades pour veoir un peu cest asne en son avertin faire ses gambades. Queîquesfoys sainct Chelault partoit devant, dont il avoit bien meilleur marché : premièrement , pour éviter le danger susdict ; secondement, pour aller prendre un avantage de buvettes , speciallement les après-disnées , qu'il ne luy falloit point attendre Monsieur pour dire la messe devant luy. Une foys donc, de par Dieu ' ! qu'il estoit en plein esté, faisant grand chaleur sus l'apresdinée , et que Monsieur attendoit le chault à passer, sainct Chelault partit devant avec un qui estoit solliciteur dudict seigneur, nommé Croisé. Et parce que la traitte n'estoit pas trop longue , ils arrivèrent de bonne heure au logis , là où ils se rafreschirent en beuvant et beurent en se rafreschissant,

1. Des Périers emploie encore une autre fois ce serment : Les bons tours, de par Dieu! dit-il dans la Nouvelle IX, deuxième partie; ailleurs il supprime la préposition, et dit non moins énergiquement : Une belle serrure de Dieu (Nouvelle XLV). Ce que La Monnoye annote ainsi : « Rien n'est plus commun dans la bouche des bonnes vieilles que ces espèces d'hébraïsmes : // m'en coûte un bel ècu de Dieu; Il ne me reste rien que ce bel enfant de Dieu ; Donnez-moi une bénite aumône de Dieu. Quelquefois aussi dans un sens tout ironique, on dira : Je n'ai gagné à son service qu'une belle sciatique de Dieu. » J'ai vu quelque part dans La Fontaine : De beaux marquisats de Dieu. Cette façon de parler n'est point encore tombée en désuétude.

Ï22 Nouvelle XXVIL

et, en attendant le train à venir, donnèrent ordre au soupper. Mais quand ilz veirent que Monsieur ne venoit point si tost , ilz se mirent ■gentiment à soupper de ce que bon leur sembla; et mesmes, voyans que rien ne venoit, ilz recommandèrent tout à l'hoste et au cuisinier qui estoit venu quand et eux, et eux aussi quand et le cuisinier ; et se firent bailler une petite chambre jacopine, où ils se couchèrent très-bien et très-beau , et commencèrent à jouer à la ronfle. Tantost, voicy Monsieur venir ; et quand ses gens sceurent que mes deux compagnons estoyent couchez , ils les laissèrent jusques après soupper, que deux ou trois d'entre eux trouvèrent façon d'entrer en la chambre où ilz dormoyent sans faire bruit , et les trouvèrent en leur premier somme. Or il fault notter que S. Chelault estoit si maigre que les os luy persoyent la peau; mais Croisé faisoit bien autant d'honneur à celuy qui le nourrissoit comme S. Chelault lui faisoit de deshonneur, car il estoit si gras et si fafelu qu'on l'eust fendu d'une areste. Que firent mes gens? Hz prindrent les chausses des deux dormans et les descousirent par moytié , et les mespartirent Tune d'avec l'autre , rattachant la droicte de l'un avec la gauche de l'aultre , et la gauche avec la droicte , le plus proprement qu'ils peurent , et les remirent en leur place, et vous laissèrent dormir mes deux pèlerins jusques au lendemain qu'il fut jour et que Monsieur fut prest de monter à cheval , car il vouloit aller à la frescheur. Et sur ce poinct, l'un des pages, qui sçavoit toute la trafficque, car telles gens ne se trouvent jamais loing de toutes bonnes entreprises, vint frapper en

Nouvelle XXVIÎ. 12^

grand haste à la porte de la chambre où ils estoyent couchez , disant : Monsieur Croisé , monsieur de S. Chelault, voilà Monsieur à cheval! Voulez-vous pas vous lever? Mes deux gens s'éveillent en sursault, et de prendre leurs vestemens à la haste. S. Chelault en eut bien meilleur compte que non pas monsieur Croisé, car luy, qui estoit maigre , entra dedans les chausses de Croisé comme les mariez de l'année passée. Il se chausse, il s'habille , et fut aussi tost prest qu'un chien auroit saulté un eschalier. Il monte à cheval sus son asne, et devant! Mais Croisé, qui d'aventure avoit chaussé la bonne chausse la première , quand ce vint à celle de S. Chelault , le diable y fut, car elle estoit si estroicte qu'à grand peine y eut-il mis le bras. Il tiroit , il tiroit, mais il y fust encores ; et si ne songeoit point que la chausse ne fust à luy, car il n'eust jamais pensé en tels affaires; et puis il n'estoit pas encores bien esveillé, comme sont gens repletz et qui ont repeu au soir. A la fm, de force de tirer, il esclatta tout, qui fut cause de le reveiller et de le faire entrer en colère. Que diable estce-cy? disoit-il. Il regarde à son cas de plus près, et congneut que ce n'estoit pas sa chausse , et n'y peut jamais entrer, sinon qu'il passa toute la jambe et la cuisse par la fandasse qu'il avoit faicte , afm au moins que le fessier luy demeurast couvert en attendant qu'il eust moyen de remédier à son cas, et chausse sa bote de ce costé-là tout à nud sus la jambe, et monte à cheval, galoppant après Monsieur, qui estoit desjà à une lieue de là. Et Dieu sçait comment il fut ris de leurs jeu.x! car, quand îlz furent à la disnée, là où de fortune il n'y avoit point

124 Nouvelle XXVII.

de ravaudeurs ni de cousturiers , car c'estoit en une maison de gentilhomme un petit à l'escart, on veid tout à cler le faict comme il estoit passé. Hz s'entrerendirent chascun sa chausse et se mirent à les rabille-coustrer tandis qu'on disnoit, qui fut en déduction de ce qu'ilz avoient le soir souppé si bien à leur aise. Ce ne fut pas mauvais pour monsieur Croisé, car la diette ne lui estoit que bonne. Mais le povre S. Chelault en eut mauvais party, car il n'avoit pas affaire de cela ; et puis Croisé luy avoit rompu toute sa chausse. Ainsi la mauvaise fortune jamais ne vient qu'elle n'en apporte une, ou deux, ou trois, avecques elle. Sire. Ouy, ouy, cela est dedans Marot '. Les uns me conseilloyent que je disse que cecy estoit advenu enhyver, pour mieulx faire valoir le compte; mais, estant bien informé que ce fut en esté , je n'ay point voulu mentir : car, avec ce qu'un compte froid n'est pas trouvé si bcn, je me damnerois , ou pour le moins il m'en faudroit faire pénitence. Toutes fois il sera permis à ceux qui le feront après moy de dire que ce fut en hyver, pour enrichir la matière. Je m'en rapporte à vous. Quant à moy, je passe outre,