Epître au roi pour avoir été dérobé

Nouvelle XXVIII. 125

Nouvelle XXVIII.

Du prevosi Coquillaire, malade des yeux, auquel les médecins faisoyent accroire qu'il voyait.

u mesme pays du Maine y avoit n'ha guères un lieutenant du prevost des mareschaux ' qu'on appelloit Coquillaire , homme qui faisoit bien un procès et qui sçavoit bien la ruse du lieutenant Maillard 2, lequel, ayant un jour entre ses mains un homme qui avoit fait des maulx assez, mais il alleguoit qu'il avoit tonsure, le vous laissa refroidir quelque temps en la prison ; puis , à heure choisie , le fet venir devant soi , et commença à faire le familier avecque lui. Vrayement, dit-il, tel, l'appelant par son nom, c'est bien raison que vous soyez renvoyé par devant vostre evesque. Je ne vous veux pas faire tort de vostre privilège , ains vous en voudrois advertir quand vous n'y penseriez pas; mais je vous conseille que d'icy en avant vous vous retiriez es lieux où se font les actes d'honneur. Vous estes beau

1. On appeloit prévôts des maréchaux des juges de robe courte établis pour juger les soldats et les voleurs. Les cent quatre-vingts maréchaussées de France ressortissoient de la connétablie , dont le siège étoit à la table de marbre du Palais de Paris.

2. Gilles Maillard, lieutenant criminel, persécuteur acharné des huguenots. Marot, qui l'a rendu odieux dans son épigramme si connue Du lieutenant criminel et de Semblançay, n'échappa qu'avec peine de ses mains.

126 Nouvelle XXVIII.

personnage et vaillant, vous debvriez aller servir le roy ; vous vous feriez incontinent congnoistre et seriez pour avoir charge et pour vous faire grand, non pas vous amuser es villes et par les chemins.] et vous mettre en danger de vostre vie et vous deshonorer à jamais. Incontinent le gallant, qui sesentoit loué : Monsieur, dit-il, je ne suis pas maintenant à congnoistre que c'est du service du roy. J'estois bien devant Pavie quand il fut pris, soubz la charge du capitaine Lorge ' , et depuis me trouvay à la suite de monsieur de Lautrec^ à Millan et au royaume de Naples. Alors Maillard vous luy achevoit son procès et le vous faisoit pendre hault et court avec sa tonsure, et luy apprenoit que c'estoit de servir le roy. Coquillaire sçavoit bien faire cela et semblables choses , et voyoit assez clair dedans un sac des yeulx de l'esprit ; mais des yeulx de la teste il n'y voyoit pas la longueur de quatre doigts, et ne luy falloit point demander lequel il eust mieulx aymé avoir, le nez aussi long que la veue ou la veue aussi longue que le nez, car il n'yavoit pas beaucoup à dire de l'un à l'autre. Advint qu'un jour l'evesquedu Mans, allant visiter par son diocèse, le voulut veoir en passant, parce qu'il le congnoissoit bon justicier et que son chemin s'adonnoitpar là; lequel il trouva au lict, malade d'une humeur qui lui estoit tombée sur ses pauvres yeulx. Et bien! Monsieur le prevost, dit l'evesque, comment vous trouvez-vous.'' — Monsieur,

1 . Jacques de Lorge , père du comte de Montgommeri , meurtrier de Henri IL

2. Odet de Foix, seigneur de Lautrec, mort devant Naples en 1528, après avoir soumis l'Italie presque tout entière.

Nouvelle XXIX. 127

dît-îl, îl y ha un mois et davantage que Je suis icy. — Vous avez toujours mauvais yeuLx , dit i'evesque ; comment en estes-vous ? — Monsieur, dit Coquiliaire, j'espère que je m'en porterai mieulx. Le medecinm'hadit que jevoy. Pensez que c'es^ toit un si fm homme de se rapporter au médecin s'il voyoit ou non ; mais il ne se rapportoit pas si Youlentiers au dire des prisonniers pour leur faict propre comme il faisoit au médecin pour le sien.

Nouvelle XXIX.

Des finesses et actes mémorables d'un regnard qui estoit au bailly de M aine-la- Juhés.

n la ville de Maine-la-Juhés ' , au bas du pays du Maine, c'est es limites de ce bon pays de Cydnus 2 , y avoit un bailly, homme de bonne chère selon le pays , et qui se delectoit de beaucoup de gentillesses, et avoit en sa maison quelques animaux apprivoisez, entre lesquels estoit un regnard qu'il avoit fait nourrir petit, et luy avoit-on couppé la queue, et pour ce on l'appelloit le hère.

1. Ou mieux Mayenne, dite la Juhée , patceque Juhel I en^ fit construire le château vers 1 1 jo.

2. Var., Nus ; autre : de Nus. « La tradition fabuleuse introduite par Annius de Viterbe veut qu'un certain Cydnus,. fils de Ligur, ait donné le nom aux anciens peuples du Maine^ appelés premièrement , par cette raison , Cydnomans , et depuis Cénomans Sans recourir à Cydnus, ne pourroit-on

pas dire que l'auteur, par ce bon pays Nus, auroit entendu ce pays du Maine où il y a plusieurs fiefs retenus en nucsse,à

128 Nouvelle XXIX.

Ce regnard estoit fin de père et de mère; mais il

avoit encore passé la nature en conversant avec les hommes, et avoit si bon esprit de regnard que, s'il eust pu parler, il eust monstre à beaucoup de gens que ce n'estoyent que bestes. Et certainement il sembloit à sa mine que quelquesfoys il s'efforçast de parler en son plaisant regnardois qu'il jargonnoit. Et quand il estoit avec le valet de la maison ou avec la chambrière, pource qu'ilz le traictoyent bien à la cuisine , vous eussiez dict qu'il les vouloitappellerpar leur nom. Il sçavoit aussi bien quand monsieur le bailly debvoit faire un banquet à veoir les gens de là-dedans tous empeschez , et principalement le cuisinier. Il s'en alloit chez les poullailliers et ne failloit point à apporter connilz , chappons , pigeons, perdris, levraulx, selon les maisons, et les prenoit si finement que jamais il n'estoit surpris sur lefaict, et vous fournissoit la cuisine de son maistre m.erveilleusement bien. Toutesfois, il alla et retourna si souvent en meffait qu'il commença à se faire congnoistre des poullailliers et des aultres à qui il desroboit les gibiers; mais pour cela il ne s'en soucioit guères , car il trouvoit tousjours nouvelles fmesses , lesdesrobanttousjours de plus en plus, tant qu'ilz conspirèrent de le tuer, ce qu'ilz n'osoyent pas faire apertement, pour la crainte de

nu , nuement , de nu à nu, à pur, c'est-à-dire immédiatement du prince? Je n'en doute nullement. La Croix du Maine, page 452 de sa Bibliothèque, parle d'un Samson Bédouin, moine bénédictin de l'abbaye de la Couture , auteur de plusieurs chansons , et entre autres de la Réplique aux chansons des Nuciens ou Nuîois , autrement appelés Ceux de Nuz, au bas pays du Maine. » (L. M.)

Nouvelle XXIX. 129

son maistre , qui estoit le grand Monsieur de la ville, mais se délibérèrent chascun de leur part de le surprendre de nuict. Or mon hère, quand il vouloit aller quester, entroit tantost par le souspiral de la cave, tantost par une fenestre basse ;, tantost par une lucarne; tantost il attendoit que l'on vint ouvrir la porte sans chandelle et entroit secrètement comme un rat. Et s'il avoit des intentions d'entrer, il en avoit bien autant de sertir avec saproye. 0 quantesfoys le poullaillier parloit de luy pour le tuer, qu'il estoit tout auprès à escouter la conspiration, pensant en soy-mesme : « Tu ne me tiens pas ! )> On lui tendoit quelque gibier en belle prise, et là-dessus le poullaillier veilloit avec une arbaleste bandée et le garrot dessus pour le tuer. Mais mon regnard sentoit cela comme si c'eust esté la fumée du rosty, et ne s'approchoit jamais tandis qu'on veilloit; mais l'homme n'eust sçeu si tost avoir les yeulx clos pour sommeiller que mon hère ne croquast son gibier, et devant! Si on lui tendoit quelques trebuchetz ou repoussoirs, il s'en sçavoit garder comme si luy-mesme les eust mis ; tellement qu'ilz ne sçavoient jamais estre si vigilans de le pouvoir attraper, et ne trouvèrent d'aultre expédient sinon tenir leur gibier serré en lieu où le hère ne peust attaindre ; encores pour cela il ne manquoit pas d'en trouver quelqu'un en voye, mais c'estoit peu souvent. Dont il commença à se fascher , partie pour n'avoir plus si grands moyens de faire service au cuisinier, partie aussi qu'il n'en estoit point si bien de sa personne comme il souloit. Et pour ce, tendant desjà sur l'âge, il devint soupsonneux, et lui fut

1 30 Nouvelle XXIX.

advis qu'on ne tenoit plus compte de luy, etpeutestre aussi qu'on ne luy faisoit pas tant de caresses que de coustume, car c'est grand pitié que de vieillesse. Et, pour ces causes, il commença à devenir meschantement fm, et se printà manger les poullailles de la maison de son maistre ; et , quand tout estoit couché , il s'en alloit au joue, et vous prenoit tantost un chappon, tantost une poulie. Et ne se doubtoit-on point de luy; on pensoit que ce fust la bellette ou la fouyne. Mais à la fm , comme toutes meschancetez se descouvrent, il y alla tant de foys qu'une petite garse qui couchoit au buscher pour l'honneur de Dieu s'en apperçeut , qui déclara tout. Et , dès lors , le grand malheur tomba sur le hère , car il fut rapporté à monsieur le bailly que le hère mangeoit les poullailles. Or mon regnard se trouvoit partout pour escouter ce qu'on disoit de luy, et avoit de coustume de ne perdre guères le disner et le soupper de son maistre , pource qu'il luy faysoit fort bonne chère, et l'aimoyt, et lui donnoit tousjours quelque morceau de rosty. Mais, depuis qu'il eut entendu qu'il mangeoit les poulies de la maison, il luy changea de visage, tant qu'une foys, en disnant , que le hère estoit là derrière les gens en tapinois, monsieur le bailly ly va dire : Que diriez-vousde mon hère qui mange mes poulies? J'en feray bien la justice avant qu'il soit trois jours. Le hère, ayant ouy cela , congneut qu'il ne faisoit plus bon à la ville pour luy, et n'attendit pas les trois jours à passer qu'il ne se bannist de luy-mesme et s'enniit aux champs avec les aultres regnardz. Pensez que ce ne fut pas sans faire la meilleure dernière main qu'il pust. Mais le po-

Nouvelle XXIX. i

vre hère eut bien affaire à s'appointer avec eulx : car, du temps qu'il estoit à la ville, il avoit appris à parler bon cagnesque , et les façons des chiens aussi , et alloit à la chasse avec eulx, et , soubz umbre de comperage , trompoit les povres regnardz sauvages et les mettoit en la gueule des chiens; dont les regnardz se souvenans, ne le vouloyent point recevoir avec eulx et ne s'y fioyent point. Mais il usa de rhétorique , et s'en excusa en partie , et en partie aussi leur demanda pardon ; et puis il leur fit entendre qu'il avoit le moyen de les faire vivre ayses comme roys, d'autant qu'il sçavoit les meilleurs poullailliers du pays et les heures qu'il y falloit aller; tant qu'à la tin ilz creurent en ses belles paroUes et le firent leur capitaine , dont ilz se trouvèrent bien pour un temps , car il les menoit es bons lieux , oij ilz trouvoyent de butin assez. Mais le mal fut qu'il les voulut trop accoustumer à la vie civille et compagnable, leur faisant tenir les champs et vivre à discrétion , de sorte que les gens du pays , les voyans ainsi par bandes , menoyent les chiens après , et y demeuroit tousjours quelqu'un de mes compères les regnardz. Mais cependant le hère le savoit tousjours , car il se tenoit à l'arrière garde, affin que, tandis que les chiens estoyent après les premiers , il eust loisir de se sauîver ; et mesme il n'entroit jamais dedans le terrier, sinon en compagnie d'aultres regnardz; et quand les chiens estoyent dedans, il mordoitses compagnons et les contraignoit de sortir, affm que les chiens courussent après et qu'il se sauvast. Mais le povre hère ne sçeut si bien faire qu'il ne fut attrappé à la fin : car, d'autant que les paysans

132 Nouvelle XXIX.

sçavoyent bien qu'il estoit cause de tous les maulx qui se faysoient là autour, ilz ne cherchoyent que luy et n'en vouloyent qu'à luy, tant qu'ilz jurèrent tous une bonne fois qu'ilz l'auroyent. Et, pour ce faire, s'assemblèrent toutes les paroisses d'alentour, qui députèrent chascun un marguillier pour aller demander secours aux gentilzhommes du pays, les prians que , pour la communaulté, ilz voulussent prester chascun quelques chiens pour despescher le pays de ce meschant garniment de regnard. A quoy voulontiers s'accordèrent lesditz gentilzhommes , et firent bonne response aux ambassadeurs; et mesme, la plupart d'entre eux, long-temps avoit qu'ilz en cherchoyent leurs passe-temps sans y avoir peu rien faire. En somme, on mit tant de chiens après qu'il y en eut pour luy et pour ses compagnons ; lesquelz il eut beau mordre et harasser , car quand ilz furent pris, encores fallut il qu'il y demeurast, quelque bon corps qu'il eust. Il fut empoigné tout en vie, et fut trayné, acculé en un coin de terrier à force de creuser et de bescher , car les chiens ne le peurent jamais faire sortir hors du terrier, ou fust qu'il kur jouast tousjours quelque fmesse, ou, qui est mieux à croire, qu'il leur parloit en bon cagnesque et appoinctoit à eulx , tellement qu'il y fallut aller par aultres moyens. Or le povre hère fut pris et amené ou apporté tout vif en la ville du Maine, où fut faict son procès , et fut sacrifié publiquement pour les volleries, larrecins, pilleries, concussions, trahisons, déceptions, assassinementz et aultres cas énormes et torsionnaires par luy commis et perpétrez ; et fut exécuté en grande assemblée , car

Nouvelle XXX. 1 33

tout le monde y accouroit comme au feu , parce qu'il estoit congneu à dix lieues à la ronde pour le plus mauvais garson de regnard que la terre porta jamais. Si dit-on pourtant que plusieurs gens de bon esprit le plaignoyent, parce qu'il avoit tant fait de belles gentillesses et si dextrement, et disoyent que c'estoit dommage qu'il mourust un regnard de si bon entendement ; mais à la fin ilz ne furent pas les maistres , qvoyqu'ilz missent la main aux armes pour luy sauver la vie, car il fut pendu et estranglé au chasteau du Maine. Voilà comment n'y ha fmesse ne méchanceté qui ne soit punie en fm de compte.