NOUVELLE XXXIV

Du mesme curé et de sa chambrière, et de sa laiscive

qu'il lavoit , et comment il traicta son evesque

et ses chevaulx, et tout son train.

edit curé avoit une chambrière de l'âge de vingt et cinq ans , laquelle le servoit jour et nuict, la povre garse! dont il estoit souvent mis à l'oftke ^ , et en payoit l'amende; mais pour cela son

1. Bigarres , faute d'impression , suivant La Monnoye. On doit lire bigeurres \ extraordinaires , fantasques. D'autres éditeurs ont mis à tort bigarrées.

2. Traduit devant l'official, sorte de juridiction ecclésiastique.

148 Nouvelle XXXIV.

evesque n'en pouvoit venir à bout. Il luy deffendit une fois d'avoir chambrières qui n'eussent cinquante ans pour le moins. Le curé en print une de vingt ans, et l'aultre de trente. L'evesque, voyant que c'estoit erreur pejor priore , lui deffendit qu'il n'en eust point du tout ; à quoy le curé fut contrainct d'obéir, au moins il en fit semblant. Et parce qu'il estoit bon compagnon et de bonne chère, il trouvoit tousjours des moyens assez pour appaiser son evesque , lequel mesmes passoit souvent par chez lui : car il luy donnoit de bon vin , et le fournissoit quelquefoys de compagnie françoyse. Un jour l'evesque luy manda qu'il vouloit aller souper le lendemain avec luy, mais qu'il ne vouloit que viandes legiéres, parce qu'il s'estoit trouvé mal les jours passez , et que les médecins les lui avoyent ordonnées pour luy refaire son estomac. Le curé luy manda qu'il seroit le bienvenu , et incontinent s'en va achepter force courées de veau et de mouton , et les mit toutes cuire dedans une grande oulle, délibéré d'en festoyer son evesque. Or il n'avoit point lors de chambrière , pour la deffense qui luy en avoitesté faite. Que fit-il? Tandis que le soupper de son evesque s'apprestoit, et environ l'heure qu'il sçavoit que ledit seigneur devoit venir, il oste ses chausses et ses souliers , et s'en va porter un faix de drapeaulx à un douet qui estoit sus le chemin par où devoit passer l'evesque , et se mit en l'eau jusqu'aux genoulz, avec une selle , tenant un batoir en la main , et lave ses drapeaulx bien et beau ; et s'y faisoit de cul et de poincte comme une corneille qui abat noys. Voicy l'evesque venir; ceulx de son train qui alloyent

Nouvelle XXXIV. 149

devant vindrent à descouvrir de loing mon curé de Brou qui lavoit sa buée , et en haussant le cul monstroit par foys tout ce qu'il portoit. Hz le montrent à l'evesque : « Monsieur, voulezvous veoir le curé de Brou qui lave des drapeaux? » L'evesque, quand il le veid, fut le plus esbahy du monde , et ne sçavoit s'il en debvoit rire ou s'il s'en devoit fascher. Il s'approcha de ce curé , qui batoit tousjours à tour de bras , faisant semblant de ne voir rien : « Et vien-ça, gentil curé; que fais-tu ici? » Le curé, comme s'il fust surpris, luy dit : u Monsieur, vous voyez, je lave ma laiscive. — Tu laves ta laiscive r dit l'evesque. Es-tu devenu buandier? est-ce l'estat d'un prebstre ? Ah ! je te feray boire une pipe d'eau en mes prisons, et t'osteray ton bénéfice. — Et pourquoy, Monsieur ? dit le curé : vous m'avez deffenau que je n'eusse point de chambrière , il fault bien que je me serve moymesmes, car je n'ay plus de linge blanc. — 0 le meschant curé ! dit l'evesque : va , va , tu en en auras une; mais que soupperons-nous? — Monsieur, vous soupperez bien, si Dieu plaist; ne vous souciez point , vous aurez des viandes légères. » Quand ce fut à soupper, le curé servit l'evesque , et ne luy présenta d'entrée que ces courées bouillies ; auquel l'evesque dit : (( Qu'est-ce que tu me bailles ici ? Te mocques-tu de moi ? — Monsieur, dit-il , vous me mandastes hier que je ne vous apprestasse que viandes legières : j'ay essayé de toutes sort'?s de viandes ; mais, quand ç'ha esté à les apprestcr, elles alloyent toutes au fons du pot, fors qu'à la fm j'ay trouvé ces courées , qui sont demourées sus l'eau : ce

1^0 Nouvelle XXXIV.

sont les plus legières de toutes. — Tu ne valus de ta vie rien, dit l'evesque, ny ne vaudras. Tu sçaiz bien les tours que tu m'as faict. Et bien, bien , je t'apprendray à qui tu te dois addresser. » Le curé pourtant avoit fort bien faict apprester le soupper, et de viandes d'aultre digestion , lesquelles il se fit apporter, et traicta bien son evesque, qui s'en trouva bien. Après soupper, il fut question de jouer une heure au flus ', puis l'evesque se voulut retirer. Le curé , qui congnoissoit sa complexion , avoit appresté un petit tendron pour son vin de coucher 2, et d'aultre costé aussi à tous ses gens chacun une commère : car c'estoit leur ordinaire quand ils venoyent chez luy. L'evesque, en se couchant, luy dit : « Va, retire-toy, curé, je me contente assez bien de toy pour ceste foys. Mais sçaiz-tu qu'il y ha t J'ay un pallefrenier qui n'est qu'un yvroigne : je veulx que mes chevaux soyent traictez comme moy-mesmes, prens-y bien garde. Le curé n'oublie pas ce mot ; il prend congé de son evesque jusqu'au lendemain , et incontinent envoyé par toute sa parroisse emprunter force jumentz , et en peu de temps il en trouva aultant qu'il luy en falloit , lesquelles il va mettre à l'estable auprès des chevaulx de l'evesque. Et chevaulx de hennir, de ruer, de tempester environ ces jumentz ; c'estoit un triomphe de les ouyr. Le pallefrenier, qui s'en estoit allé estriller sa monture à deux jambes , se fiant au curé de ses chevaulx, entend ce beau tin-