I . L'hôtelier rit aux dépens de son hôte

28o Nouvelle LXXXII.

il fut sommairement conclud à la mort , pour les cas énormes par luy commis et perpétrez. Et, combien que par les informations il fust chargé de plusieurs crimes et delicts, dont le moindre, estoit assez grand pour perdre la vie, toutesfois la court n'usa pas de sa sévérité accoustumée , car on dit : rigueur de Thoulouse, humanité de Bordeaux, miséricorde de Rouen, justice de Paris, beuf sanglant, mouton bellant et porc pourry, et tout n'en vault rien s'il n'est bien cuit. Mais elle eut certain respect à ce Cambaire^ qu'elle luy voulut bien faire entendre avant qu'il mourust. Et, l'ayant faict venir, le président luy va dire ainsi : « Cambaire, vous devez bien remercier la court pour la grâce qu'elle vous fait, qui avez mérité une bien rigoureuse punition pour les cas dontvous estes attainct et convaincu; mais, parce qu'autresfois vous vous estes trouvé es bons lieux où vous avez faict service au roi, la cour s'est contentée de vous condamner seulement à perdre la teste. » Cambaire, ayant ouy ce dicton, respondit incontinent en son gascon : <( Cap de Diou ; be vous donni la reste perun viet-d'aze. » Et à la vérité le reste ne valloit pas guères après la teste ostée, attendu mesme que le tout n'en valloit rien. Mais si est-ce que pour ceste response il luy en print fort mal : car la court, irritée de ceste arrogance , le condamna à astre mis en quatre quartiers.

Nouvelle LXXXIII. 281

Nouvelle LXXXIII.

De rhonnesteté de monsieur Salzard.

e veulx vous faire un beau conte d'un honneste monsieur qui s'appelloit Sal- 'zard. Sçavez-vous quel homme c'estoit?

Premièrement , il avoit la teste comme un pot à beurre, le visage froncé comme un parchemin brulié, les yeux gros comme les yeux d'un beuf, le nez qui luy degoutoit, principalement en hyver, comme la poche d'un pescheur, et alloit tousjours levant le museau comme un vendeur de cinquailles', la gueule torte comme je ne sçay quoy, un bonnet gras pour lui faire une potée de choulx, sa robe avallée que vous eussiez dict qu'il estcit espaulé , une jacquette ballant jusques au gras delà jambe, des chausses deschicquetées au talon, tirans par le bas comme aux amoureux de Bretaigne. Je faulx : ce n'estoit pas des chausses, c'estoit de la crotte bordée de drap ; sa belle chemise de trois sepmaines, encores estoit-elle desjà salle; ses ongles assez grands pour faire des lanternes ou pour bien s'egraffigner contre celuy qui est soubz les piedz Saint-Michel. A qui le marierons-nous , mes damoiselles ? Y ha-il point quelqu'une d'entre vous qui soit frappée des perfections de luy ? Vous en riez ! Or n'en riez plus. Luy donne une femme qui en sçaura quelqu'une qui luy soit