Var. ; quinquailUs

282 Nouvelle LXXXIV.

bonne; quand à moy, je n'en congnoy point pour luy si je n'y pensois. Non, non ; ne différez point à l'aymer, car il est gracieux en recompense, car, quand on lui deniandoit: (c Monsieur, comme vous portez-vous? » il respondoit en villenois :<( Je ne me porte jà. — Qu'avez-vous, Monsieur? — J'ay la teste plus grosse que le poing. — Monsieur, le disner est prest. — Mangez-le. — Monsieur, ils sont onze heures'. — Hz en seront plustost douze. — Voulez-vous le poisson frict, ou bouilly, ou rosty, ou quoy? — Je le veux quoy. » Et qui estoit cest honneste homme-là? Voire, allez le luy dire, pour engendrer noise ! ne vous enquerez point de luy si vous ne le voulez espouser.

Nouvelle LXXXIV.

De deux escolliers qui emportèrent les ciseaux du tailleur.

-n l'Université de Paris y avoit deux 'jeunes escolliers qui estoient bons fri- *pons et faisoient tousjours quelque chatonnie, principalement en cas de remuement de besongnes. Ilz prenoyent livres, ceinctures, gans ; tout leur estoit bon ; ilz n'atten-

t. Ménage [Observations sur la langue français e, ire partie, ch. 253) nous apprend que de son temps on parloit encore ainsi à Paris à la chambre des comptes. Voy., nouv. LXXXIX, un exemple d'une faute qui se rapproche de celle-ci : « Hz viennent beaucoup de chose en six 4ns. »

Nouvelle LXXXIV. 283

doyent point que les choses fussent perdues pour les trouver, et falloit qu'ils prinssent , et n'eussentils deu emporter que des souliers. Mesmes estans en vostre chambre, tout devant vous, s'ilz eussent veu une paire de pantouffles soubz un coing de lict , l'un d'eulx les chaussoit gentiment sus ses escarpins et s'en alloit à tout. Et à ce compte, pour se donner garde d'eulx, il leur falloit regarder aux piedz et aux mains , combien que le proverbe ne nous advertisse que des mains. Somme, ilz avoyent fait serment qu'en quelque lieu qu'ils entreroyent , ilz en sortiroyent tousjours plus chargez, ou ilz ne pourroyent, et s'entendoyent bien ensemble : car, tandis que l'un faisoit le guet, l'autre faisoit la prise. Un jour, ilz se trouvèrent tous deux chez un tailleur ( car ils n'estoient quasi jamais l'un sans l'aultre), là où l'un d'eulx se faisoit prendre la mesure de quelque pourpoint; et, comme ilz jettoyent les yeux deçà, delà, pour voir ce qu'ilz emporteroient, ilz ne veirent rien qui fust bonnement de leur gibier^ sinon que l'un d'eulx advisa une paire decizeaux en assez belle prise, dont son compaignon estoit le plus près, auquel il dit en latin, en le guignant de la teste: Accipe. Son compaignon, qui entendoit bien ce mot, et le sçavoit bien mettre en usage, prend tout doulcementces cizeaux et les met soubz son manteau tandis que le tailleur estoit amusé ailleurs, lequel ouyt bien ce mot accipe] mais il ne sçavoit qu'il vouloit dire, n'ayant jamais esté à l'escole ; jusques à tant (^ue, les deux escolliers estans départis, il eut affaire de ses cizeaux, lesquelz ne trouvant point , il fut fort esbahy et vint à penser en soy-memes qui estoit venu en sa

284 Nouvelle LXXXV.

boutique, dont ne se peut doubter que de ces deux jeunes gens; et mesme,se reduysant en mémoire la contenance qu'il leur avoit veu faire, se souvint aussi de ce mot accipe, dont luy commença à croistre suspicion. Il vint tantost un homme en sa boutique, auquel, en parlant de ses cizeaux (car il souvient tousjours à Robin de ses fleutes'),il demanda : (( Monsieur, dit-il, que signifie accïpe? n L'aultre luy respond : « Mon amy, c'est un mot que les femmes entendent ; accipe signifie pren. — 0 ! de par Dieu (je croy qu'il dist bien le diable), si accipe signifie pren, mes cizeaux sont perdus.» Aussi estoyent-ilz , sans point de faulte , pour le moins estoyent-ilz bien esgarez.

Nouvelle LXXXV.

Du cordelier qui tenait Veau auprès de soy à table et n'en beuvoit point.

' n gentilhomme appeloit ordinairement à

' disner et à soupper un cordelier qui pres-

choit le caresme en la paroisse, lequel

cordelier estoit bon frère et ay moit le bon

vin. Quand il estoit à table, il demandoit tousjours

I . Ce proverbe, qui doit être une allusion à quelque passage ou jeu de scène de l'ancienne farce de Robin et Marion, si populaire en France , se retrouve partout au XVIe siècle. B. de Verville {Moyen de parvenir, ch. 21) l'interprète à sa façon, et même le corrige ; il faut dire , selon lui : « // souvient toujours à Martin de sa flûte. » Bèze, dans son Passavant, le traduit de la sorte : « Semper subvenit Robino de suis fistuiis. »

Nouvelle LXXXVI. 285

l'aiguière auprès de soy, et toutesfois il ne s'en servoit point, car iltrouvoit le vin assez fort sans eau, beuvant sicut terra sine aqua; à quoy le gentilhomme ayant pris garde, lui dist une fois : <( Beau père, d'où vient cela, que vous demandez tousjours de l'eaue, et que vous n'en mettez point en vostre vin ? — Monsieur, dit-il , pourquoy est-ce que vous avez tousjours vostre espée à vostre costé et si n'en faites rien ? — Voyre mais , dit le gentilhomme, c'est pour me deffendre si quelqu'un m'assailloit. — Monsieur, dit le cordelier, l'eau me sert aussi pour me deffendre du vin s'il m'assailloit, et pour cela je la tiens tousjours auprès de moy; mais, voyant qu'il ne me fait point de mal, je ne luy en fais point aussi.»

Un cordelier qui est ceinct homme ■ Boit du vin comme un aultre homme.

Nouvelle LXXXVI.

D^une dame qui faisoit garder les coqs sans cognoissance de poulies.

f' ne grande dame de Bourbonnois avoit '^^ appris, par l'enseignement d'un personnage qui sçavoit que c'estoit de vivre friandement , que les jeunes cochetz sans estre chastrez , pourveu qu'ilz n'eussent point

I . Var. : sainct. On comprend le mauvais jeu de mots que Des Periers a voulu faire, à moins que ce ne soit — chose plus vraisemblable — l'œuvre d'un copiste.

286 Nouvelle LXXXVI.

congnoissance de poulies, avoyent la chair aussi tendre et plus naturelle que les chappons, et que ce qui faisoit les coqs devenir aussi durs, c'estoit l'amour des gelines, comme font tous les masles avec les femelles : car, sans point de faultes, celuy parloit bien en homme expérimenté qui disoit que qui le moins en faict trompe son compagnon, que les apprentis en sontmaistres, que les plus grands ouvriers en vont aux potences , que les hommes en meurent et que les femmes en vivent , et aultres bons motz appartenans à la matière. Toutesfois, je m'en rapporte à ce qui en est; ce que j'en dis n'est pas pour appaiser noise. A propos de nos cochetz, ceste dame dont nous parlons les faisoit garder à part des poulies, pour servir à table en lieu de chappons, dont elle se trouvoit bien. Un jour la vint veoir (comme sa maison estoit grande et principale) un grand seigneur, auquel elle fit tel et si honorable racueil qu'elle sçavoit faire. Luy voulut faire veoir les singularitez de sa maison une pour une, entre lesquelles elle n'oublia pas ses cochetz, luy en faisant grand feste etluyprometttantde luy en faire veoir l'expérience à soupper. Ce seigneur print cela pour une grande nouveauté ; mais il eut pitié de ces povres cochetz, lesquelz il veid ainsi punis à la rigueur d'estre privez du plus grand plaisir que nature eust mis en ce monde , et se pensoit en soy-mesme qu'il feroit œuvre de miséricorde de leur donner quelque secours , qui fut que , s'estant mis à part d'avec madame, il fit appeller l'un de ses gens, auquel il commanda secrètement que tout à l'heure il luy recouvrast trois ou quatre poulies en vie , et qu'il ne faillist à les aller mettre dedans le poul-

Nouvelle LXXXVI. 287

laillier où estoient ces cochetz sans faire bruict, ce qui fut incontinent faict. Aussi-tost que ces poulies furent là-dedans et mes cochetz environ , et de se battre ; jamais ne fut telle guerre; comme l'un montoit, l'aultre descendoit. Ces pauvres poulies furent affollées , car on dit que :

Gallus gallinaceus ter quinque sufficit uniis. Ter quinque viri non sufficiunî mulieri.

Mais je croy que ce dernier est faulx, car j'ai ouy dire à une dame qu'elle se contentoit bien de trois fois la nuyct : l'une à l'entrée du lict, l'aultre entre deux sommes , et la tierce au poinct du jour; mais, s'il y en avoit quelqu'une extraordinaire, qu'elle la prenoit en patience. De moy, je dirois ceste dame assez raisonnable , et qu'une fois n'est rien , deux font grand bien , troys c'est assez , quatre c'est trop , cinq est la mort d'un gentilhomme sinon qu'il fust affamé; au dessus, c'est à faire à charretiers. Vray est qu'il y avoit un gentilhomme qui se vantoit de la dix-septième fois pour une nuict ' , dont chacun qui l'oyoit s'en esmerveilloit ; mais à la fm , quand il eut bien faict valoir son compte, il se déclara en disant qu'il avoit fait une faulte qui valloit quinze; c'estoit bien rabattu. Mais, qu'est-ce que je vous compte? Pardonnez-moy, Mesdames : ce ont esté les cochetz qui m'ont fait cheoir en ces termes. Par mon ame ! c'est une si douce chose qu'on ne se peult tenir d'en parler à tous propos. Aussi n'ay-je pas entrepris au commencement de mon livre de vous parler de renchérir le pain.