DE LHOSPITAL

sente , choisyr le meilleur et le plus commode pour parvenir à nostre but ; c'est pourquoy quelques ungs ont vouleu que l'on proposast ung peu devant ce qu'on avoit à délibérer, de peur que faisant aultrement, et quelqu'ung ayant esté d'ung maulvais adviz, sans y avoir bien pensé, il ne s'y opiuiastrast mal à propoz , et ne s'efforçast de le soustenir, plustost que de s'en despartyr. Si est , qu'en affaires où ceulx qui ont cresdict sont intéressez , il n'est à propos de faire la proposition, si l'on n'est asseuré ne la pouvoir résouldre promptement , aultrement ce seroit donner moyen de faire des brigues et de préparer des tranchées et empeschemens.

Fault aussy que le conseiller d'estat soit sans faveur envers les ungs, sans Haine envers les aultres, et sans ambition pour soy, n'ayant aultré but que le bien public , et qui ne despende poinct d^aultres princes , soit en foy et hommaige , soit par obligations , soit par pension ; mais plustost qu'il ait à courir la mesme fortune que le prince qu'il sert, afin qu'il entende qu'à luy touche à soufïryr le mal et jouyr du bien provenant du conseil qu'il aura donné.

Marc Antonin, philosophe et empereur, ordonna que les sénateurs de Rome qui n'estoient Italiens, auroient au moins le quart de leurs

3^4 MÉMOmES

biens en Italie, afin de les rendre fins soigneux à penser à la conservation de la province où estoit le siège de l'empire.

Et Pline escript que Trajan, Tempereur auparavant , avoit ordonné que ceulx qui poursuyvoient des bénéfices auroient le tiers de leurs biens fonds en Italie, ne trouvant raisonnable que telz genz usassent de Rome , de lltalie , comme d'une retraicte , et non comme de leur pays.

Toutesfois je n'en vouldrois pas pour faire une règle générale ; s'estant trouvées plusieurs personnes, lesquelles, encore qu'elles eussent retraicte ailleurs qu'en Testât du prince lequel elles servoient , se sont portées fidèlement à Testât de leurs maistres; elles avoient toujours moyen de vivre d'ailleurs. Au contraire , on en a veu, qui n'avoient retraicte ailleurs qu'en Testât de leurs princes , auxquelz la bonne fortune de Tennemy a faict penser d'entrer en capitulation pour saulver leur bien : ce que, peult estre, ilz n'eussent pas faict, s'ilz eussent eu moyen de vivre ailleurs. Aussy est il bien certain qu'ez affaires où nous n'avons poinct d'intérest, nous judgeons mieulx beaucoup que lorsque nous mettons nos intérests en balance parmy nos adviz et nos conseils.

Celuy qui regarde jouer le jeu , qui n'est préveneu ny d'espérance de gaigner , ny de craincte de perdre, fera meilleur judgement de la conduicte

DE l'hospital. 3^5

du jeu que le jouelir mesme ; et celuy qui en ung conseil n'a poinct peur de perdre ses biens, et qui n'apporte ny affection , ni passion , prendra tousjoursle party le plus honorable ; et celuy qui y a intérest , préveneu de son péril et de crainete, inclinera tousjours volontiers du costé auquel il pensera se saulver.

Ne fault qu'ung conseiller d'esfat soit trop prompt et trop précipité, d'aultant que la précipitation , de sa nature , est aveugle ; une bonne délibération ayant besoingde temps pour la bien résouldre, et estant impossible, en peu d'heures , de bien considérer et bien peser les inconvéniens : joinct, que la précipitation ne peuit venir que d'imprudence, ou de peu de judgement, et l'ung et l'aultre nuit au conseil.

L'irrésolution est ung aultre vice auquel il faalt bien se garder de tomber : car il se £siult résouldre à ung party , et oublier tous les aultres , de peur que, s'en ressouvenant. Ton ne rompe et allentisse cette vigueur d'esprit nécessaire à bien exécuter les grandes entreprises, et avec la constance <^'il fault y apporter aux choses malaisées et difficiles ; et ne doibt on pas croire qu'il y ait moins de difficultés au party que l'on a laissé, qu'en celuy que l'on a choisy?

En quelques ungs , l'ignorance de sçavoir exanftiaer les affaires cause irrésolution ; et ceulx cy

(loibvent estre rejettez, surtout du conseil. D'aultrès sont ennerays des inconvéniens ; de façon qu'encorequ'nvec raison iizdoibvent embrasser la chose qui leur est proposée , néantmoins , estonnez de la peine et de la difficulté qui accotnpaigne toujours les grandes affaires, demeurent en suspens et en donbte s'ilz se doibvent mettre en debvoir d'entreprendre.

Les aultres ont l'esprit si subtil, qu'à toutes choses qui leur sont proposées , ilz trouvent raisons contraires , et estant, comme souvent il advient, peu courageux, jamais, si ce n'est par nécessité, se résolvent et ne défaillent jamais de raisons pour couvrir leur lascbe timidité , laquelle aura tonsjours plus de puissance que la raison et ''expérience, d'avoir maintesfois suyvy les leurstmm.lA résolution ne vient pas d'esprit, nuôs du couraige; et ceux, cy sont d'aultant plus dangereux , qu*ik sont plus subtilz et ont plus d'adresse pour couvrir leurs difficultez.

Mais, comme il ne fault pas estre irrésoleu, aussy ne fauit il pas estre si confiant de soymesme que l'on bouche les oreilles aux adviz des aultres, veu que nous asseurant sur nos forces, nous ne mettions en considération celles de nostre ennemy , mesme quelques fois le hasard et la fortune, qui a bonne part aux plus grandes actions, a6n de préveoir à ce qui peult adv«ùr;