Matth. X, V

Jesdcrist.

59. C'est tousjours a recommencer endroit toy. Car plus oys {a) de solucions, et plus faîs de doubles et d'interrogations.

II est moult grant nécessité, Pour parler a la vérité, Que Dieu, par sa grâce (b) divine, Supporte vostre infirmité ; Autrement vostre vanité Vous laisseroit en grant ruyne.

Vous approchez, vous reculez, Vous venez, vous dissimulez ; L'ung est craintif, l'autre rebelle, L'ung tarde, l'autre est mal content.

Et nonobstant Dieu vous attend Et de jour en jour vous appelle.

Touchant (c) ma miséricorde de la quelle tu parles a propos de s'en désespérer, donc te vient tel penser ? Quelle raison ou quel argument peulx tu songer ou pratiquer pour te servir a ce propos? Je ne sçay sur quoy tu te fondes. Tous les livres généralement, tant du Viel Testament que du Nouveau, ne traictent d'autre chose que de ma miséricorde. Et quant ores il ne seroit riens escript, si peulx (d) tu par raison naturelle facilement pratiquer. Sçais tu pas bien que Dieu est meilleur sans compareson que les hommes? Or est il ainsi que vous pardonnez bien l'ung a l'autre, non pas une seuUe faulte, mais cent mille maulx, comme il advient assez souvent. D'autre part, les roys, les ducz et les princes, ainsi que bon leur semble^ donnent abolicion de crime de leze majesté et d'autres cas, comme larrecins, homicides et en ottroient lettre de grâce ; et ne

(a) BC oy. — (b) B grâce m. -- (c) B touchanc. — (i) B poulx

V sçait aucunesfois le cas estre si criminel que remis et pardonné ne soit, s'il leur vient a plaisir. Par ainsi donc, vous qui le cueur avez au monde et ne valez tous riens, par manière de [à) parler, se vous pardonnés les ungz aux autres, Dieu, qui est souverainnement bon, pardonra il point? Ce que ung homme peult faire, Dieu le fera il point, qui est tout puissant? A luy appartient estre tout miséricordieux, pour ce qu'il [b) est tout bon. Ne reste seulement que venir sans faintise luy demander grâce de la quelle il est treslarge; et pour tout pardonner il n'en est point plus povre davantaige. Quant a l'Evangille j'ay dit que Tung soit a l'autre misericors pour pardonner les faultes ', je n'y ay point mis de nombre, mais ay dit : « Pardonnez tout. » Donc bien estrange chose seroit que je vous eusse dit : «Pardonnes l'ung a l'autre tout», et que apprès je feisse le contraire de ma loy et commandement. Somme, croyez que se vous pardonnes, on vous pardonnera. Si advisés quel part vous en vouldrés avoir, tant que se tes (c) péchés, par manière de parler, estoyent de si tresgrant nombre qu'ilz emplissent l'espace depuis le ciel jusques a la terre, se tu viens a mercy et tu demandes grâce, se tu es desplaisant de tes péchés, se tu as bon et ferme propos de non plus pécher, et se tu as pardonné, pardon te sera fait et tes péchés te seront effacez.

Le Pèlerin.

60. Nous devrions fondre en larmes, tresdoux souverain créateur, et tout en ung moment rire et plourer (rf) ensemble : rire pour l'espérance, quant si largement il te plaist nous ouvrir les trésors de ta grâce ; et plourer par penitance et humble repentance de tant

[a) B de de parler. — {b) B quic. — (c) B que telz. — (d) B et plourer et plorer ensemble.