PsAL. XXXIII, V

comme autresfoys j'ay dit en TEvangille : « Tout en corps sera cler * », c'est assavoir tout homme est dehors et dedens. Et lors me pouras tu bien et (a) fermement contempler, qui suis soleil de justice. Et en moy, comme dit le Psalmiste, qui suis lumière verras toute lumière ^

Le Pèlerin.

86. Helas, sire, ceulx sont beneurez qui, vivans ainsi que tu enseignes, te verront cy en bas par speculacion et lassus avront de ta face la contemplacion.

87. Ceulx me verront cy bas en speculacion et lassus me verront en clere vision qui seront mes amis. Et ceulx seront mes amis, comme j*ay dit a TEvangille, qui font mes volentés et gardent mes commandemens '. Mes amis ne sont point ceulx qui sont du tout a leurs voulenté et plaisance. Je prins humanité et vins habiter en terre pour a mon père obéir et sa voulenté faire, et qui me veult ensuivre, ainsi luy convient faire. Et pour ce que je t'ay desclairé [b) six degrez : trois de ma nativité première et trois de ma conversacion entre les hommes, pour faire fin et consummacion des choses que je t'ay prqmîses, reste a parler de trois degrez, qui sont obédience, pacience et charité. Et apprès miséricorde et compassion, dont j'ay parlé derrainement, vient bien a point obédience. Car en ayant compassion de la chetiveté de -humain lignage, j'ay voulu totalement obéir a mon père selon sa voulenté, affin d'acomplir le mistere pour quoy j'estoye venu, c'est assavoir pour estre pendu et souffrir mort en l'arbre de la croix.

(a) B te. — (b) B desclaireray.