JoAWN.XIV, V. a

DU CRUCIFIX ET DU PELERIN loS

Gir, comme par désobéir Thomme s*estoit forfait» aussi par obéir le failloit racheter. Et mon obédience s'est [a) Ef en II ce déclarée que je n'ay point fuy ne décliné la mort, quant il estoit heure. Et a la Pasque pour estre sacrifié, je me suis venu présenter, ainsi que le vray aignel, comme long temps par avant avoit esté prophetizé '• Et la nuit précédente de mon grief crucifiment, quant a ma tresgrant tristesse je requis a mon père que s'il estoit possible il me voulsist exempter de ceste trèsgrave mort, je protestay tousjours que tout fust a sa voulenté et non pas a la mienne *. Et nonobstant qu'il fust bien en ma puissance de autrement vous racheter sans si fort subject me rendre, toutesfois, pour les Escriptures acomplir, je voulus obéir, et aux princes de la loy et au juge Pilate, quelzques mauvais hommes qu'ilz fussent, j'ay voulu obéir, combien qu'il estoit bien a ma puissance de faire descendre quelque légion et compaignie d'anges pour les deffaire tous. Tu vois {b) doncques mon obédience et comme par icelle j'ay tousjours procédé jusques a la mort. En la quelle pour bien vivre, pour m'ensuivir et pour porter ta croix, tu pourras (c) prendre exemple.

Le Pèlerin.

88. Comment, sire, y doy je prendre exemple? Tu sçais que a tous n'affiert pas pour toy souffrir martire.

Jesuchrist.

89. Il est deux martires, Tung de compassion et l'autre de passion. Celuy de passion, tous ne peuent pas avoir, et bien suffist que ung chacun désire en soy de l'avoir. Mais celuy de compassion chacun le doit avoir, en aidant et supportant les misères de autruy. Et qui a compassion d'autruy misère et luy donne

(a) BC cest. — (b) B voie. — (c) B pourra.