POVR CLORIS

Vovs qui pour le prix dVne pomme Vintes monstrer aux yeux d'vn homme Ce que vous auiez de plus beau, Venez voir Cloris languissante, Et par quelque secret nouueau Chassez le mal qui la tourmente.

Remettez des traicts et des charmes Dans ses yeux au lieu de ces larmes Que nous en voyons degouster, Rendez luy ses roses nouuelles.

Et ce qu'elle eut peu vous prester Pour vous rendre encore plus belles.

Autrement vous nous feriez croire Que pour luy desrober sa gloire Vous luy desrobez la santé, Et que pour contenter l'enuie Que vous portez à sa beauté, Vous attentez contre sa vie.