A CALLIOPE

POVR CELEBRER DeLINGENDES '

Char a cura animi met

Calliope, mon cher esmoy, Célèbre pour l'amour de moy La mémoire de Delingendes, Qui dans le doux miel de ses vers Faict distiler par l'vniuers L'honneur des Molinoises bandes.

Orphée, Apollon, Amphion,

Calliope, Euterpe, Clyon,

Muses mes fidèles compaignes,

Faictes qu'aux accents de vos vois

Son loz retentissent les bois.

Les monts, les valons, les campaignes.

Nymphes des forets & des prez En diuers esmail diaprez.

Venez luy tistre vne couronne :

Cependant que le Rosignol Aux dous accords de son flageol Sa gloire au mois d'Apuril entonne.

Muses, c'est à vous de chanter Ses louanges, & les vanter Sur les cordes de vostre lyre :

Trop stérile est l'air & la vois Du lut qui bruit en Bourbonnois Pour son honneur & gloire dire.

EsTIENNE BOVRNIER.

^ Voir la note à la pièce précédente.