CHANSON

Trop me puis de chanter taire, Se biens' m'en péust venir De celi dont li maltraire Me font la color pâlir ;

1 On voit dans ce manuscrit les portraits de plusieurs auteurs de chansons placés de même, avec leurs noms à côté.

2 II est nécessaire d'observer que nos ancêtres mettaient souvent YL pour VR , surtout lorsque cette première lettre se trouvait double.

Et la riens dont plus m'aïr, Si est qu'en son doc repaire N'os mais aler ne venir Troske li viegne à pleisir.

Ha ! losengier de mal-aire Cui Diex puisse maléir !

Tant vos plaist bien à deffaire Par trichier et par traïr :

Dame , si sai sanz faillir Ke ki plus les velt atraire A honorer, à servir, Plus l'empuet mesavenir.

Dame , riens ne quic meffaire Se por vous plaig et sospir, Ke je ne m'en puis retraire , Ne de ceste amor partir.

Por tant porroie morir, Car toz li cuers m'en esclaire, Quant je pens à devenir Cou ke Diex doinst à venir.

Tant truis ens vous ki doit plaire Quant ens mon cuer vous remir, Que riens ne me puet mal faire Fors cou ke trop vous désir.

S'amors vos faisoit sentir Une docor deboinaire

lO AVERTISSEMENT.

A ma detrece garir, Certes bien sauroit merir.

Mainte guise, mainte paire

D'enviex m'estuet haïr

Qui quident mon cuer fortraire

Et que soie à lour plaisir.

Fort cose m'est à soffrir,

C'ains me lairoie detraire,

Car il font honor fuir

De maint lieu sans revenir.

Jin.

Il existe encore du même auteur une pièce d'environ huit cents vers de douze syllabes, sous le titre : Les Vers mon seignor Tebaat de Malli ; et dans un autre manuscrit : VEstoire li romans mon seignor Tiebaut de Mailli1. Dans les vers sur la Mort, l'arrangement des rimes est exactement le même dans toutes les stances ; mais dans cette pièce-ci on trouve des séries de trente, quarante, et même cent vers sur la même rime. Elle roule sur le mépris du siècle,

1 Le copiste a mal à propos ajouté un i après l'a , car dans l'histoire de la maison de Mailly, je n'ai trouvé personne du nom de Thibaud dans les xn<= et xiii<= siècles.

AVERTISSEMENT. j i

les vices qui y régnent, les dangers qu'y court celui qui veut faire son salut, et la nécessité d'être toujours disposé à la mort. L'auteur finit par le tableau de la conduite que doit tenir l'Antéchrist lorsqu'il viendra : je le donne ici pour faire connaître l'opinion qu'on en avait dans ces temps reculés.

Tant est malvès li siècles , poi puet mes empirier, Chascuns oblie ce qui plus li puet aidier; Or venra Antecrist por le mont empirier. Jà se fist Dex en terre par Saint Ange anoncicr, Autresinc nestra cist par conseil d'aversier, Toz tens sera o lui au main et au couchier, De tôt l'avoir del siècle le fera chacelier. Quant il aura trente anz , lors prenra à reignier, Enchantement fera por le siècle enlacier. Les sorz fera oïr, et les torz redrecier, Et les muez parler, et les orbs esclerier, Et les arbres revivre par delez le ramier, Et reverdir en terre, et florir sanz chargier. Suen ierent li trésor, li argent, li denier, As riches se voldra tôt avant acointier, Et as povres donra à boivre et à mengier, Les biens rovera fcre por plus parengignier. Par trestotes les terres iront si messagier, Qui diront que c'est Dex por plus monlcplier Lor mal et lor dolor et lor grant encombrier.

As bons clers le feront par clergie cuidier,

Et par lor covoitise s'i tendront chevalier,

Et autres genz par force ne l'oseront lessier.

Or sachiez li Ebrieu s'i tendront de legier,

Mais il ont fait pieça entr'els crucefier.

N'iert pas li granz domages legiers à alegier,

Qu'en ne chantera messe, ne lira en sautier.

En deus anz et demi cuide tant esploitier

Que tôt li plus del siècle fera Deu renoier;

Mais lors iert un termine qui ne puet esloignier,

Que à lui s'en vendront cil qui plus l'auront chier

Sur le mont Olivete ira por préeschier,

Et s'i seront des gius li cent et li millier.

Elies et Enoch vendront à lui tencier,

Ses diz et ses paroles et ses fez abessier

Selonc les prophecies qui sont del tens premier,

Le clameront larron, traïtor, losengier.

Plus le desmentiront que vilein sor bergier,

Et il lor fera sempres les testes réoingnier,

Puis dira, or sont mort cil gloton pautonier,

D'aus est-il nule chose? N'i a nul recovrier,

En moi devez-vos croire qui vos aura mestier,

Quar je m'en vois vos sièges lasus apareillier.

En l'air en montera le tret à un archier,

Mes li sainz Esperiz l'ocirra au lancier.

La clarté del Seignor qui tôt puet jostisier,

L'abatra à la terre plus puant d'un fumier,

Et morront avec lui si prince conseillier.

Lors s'en fuira li pueples tôt le chemin plenier,

AVERTISSEMENT. x5

Chascuns plus effréez que cerf por liemier,

Si feront chanter messes et iront au mostier,

Et se feront confés, s'iront conmenier,

Et li Ebreu s'iront lever et baptizier.

S'il en i avoit tant con araine en gravier,

Si se feront-il sauf sans mot de mençongier.

Por itant les devons-nos en terre esparnier,

Et cil quarante jorz seront penéancier,

Mes en la fin seront molt orgueillens et fier.

Or verroiz en la mer les estoiles plungier,

Et la terre suer et les nues saignier,

Les aiguës et les mers contremont redrecier,

Et ravaler en bas qu'en i porroit puisier.

Les bois et les forez et l'erbe arrachier,

Et les enfanz des ventres et crier et huchier

Qui ne volent pas nestre por véoir cel tempier.

Mes lors corra uns vent por le mont avoier,

Et après une voiz por les morz esveillier:

Par trois foiz lor dira por els apareillier

Qu'il se lievent tost sus, et si viendront pledier,

Quar ce n'est mie pleiz qu'en puisse respitier.

Chascune ame à son cors ira sanz atargier,

Jà n'iert tant departiz qu'il ne soit toz entier.

Tuit seront d'un aage bacheler et legier,

Et chascuns plus isneax d'ostour ne d'esprevier.

Qui lors auroit tôt l'or que l'en porroit cerchier,

Ne li vaudroit-il pas la monte d'un denier.

Là ne co vendra mie por plet donner loier,

Quar nostre sire Dex verrez s'i repairier

l4 AVERTISSEMENT.

Con il fu mis en croix por enfer peçoier;

Ce que por nos soffri nos vendra reprochier.

Il ne nos dira mie , vous fustes hostoier,

Et en estrange terre Sarrazins detrenchier,

Ne les pèlerinages por les terres cerchier,

Ne les povres repestre et vestir et chaucier,

Cels qui sont sanz ostel rueve Dex herbergier,

Et rueve visiter le povre en charterier.

Paor aura chascuns quant il s'orra jugier,

Jà li Saint ni les Saintes ne l'oseront prier,

Ne li Ange, qui n'ont nul talent de pechier.

Que feront donc larron, traïtor, usurier?

Il remaindront chetis , orfelin , estraier.

Qui Dex aura maudit, n'i a que corrocier,

Déables les corront à chéennes lier,

En l'angoissous enfer les feront trébuchier.

Celé très grant doulor ne puet amenuisier,

Au cliief de cent mil anz iert a reconmencier.

Qui tel déserte fait, bien se doit esmaier.

Cil qui o Dieu ira, moult se doit pou prisier,

Por son petit servise le fera si paier.

De chascun fera roi plus riche que Lohier,

Il lor donra chastiaus sanz chauz et sanz mortier,

Jà lor très grant richesce ne porra abaissier,

Quar ce est paradis où sont li aumosnier.

Or nos doinst Dame-Dex qu'i puissons repairier. Amen.