XX III

Mors , douce as bons , as max amere , A l'un ies large , à l'autre avère , Les uns cache, les autres fuit; Tex ne la crient qui la compère , Et prent le fil devant le père , Et kieult le fleur devant le fruit, Et le cors boute ains qu'il s'apuit, Et toit l'ame ains qu'ele s'aquit, Et fiert anchois qu'ele s'apere ; Mors , vait conme lerres par nuit , Et l'endormi en son déduit Semont tost avant de li rere.

Mors, qui est véue et escrite En le vielle face despite, Se repont bien en jovenciax , Et plus entor chiaux se délite Qui par fierté li dient , fui-te ; C'est en ces cointes damoisiax Qui vont as kiens et as oisiax, Qui font homaige as bons morsiax, Qui plus ardent que lesche-fruite :

Et tu lor joes des coutiaux , Et lor afubles tex mantiaux Re de plain midi lor anuite.

Mors , en sainte ame et en eslite , Kel char qu'el ait , maigre ou porfite , N'as de poesté fors moult poi :

Lues qu'el est hors le claime quite , Por ce est saiges qui s'aquite Endementiers qu'il a de quoi ; Car en ame qui est sans foi , Qui laist son cors vivre sans loi , Mors permanablement habite.

Or ait cascuns merchi de soi.

Car qui n'en prent hastiu conroi Ne puet falir à mort soubite.

Mors est soubite à droit nomée Quant le vie n'est ordenée Anchois que l'ame isse del cors; Et l'ame qui s'en est alée Miex li venist qu'aine ne fust née , Tant par troeve chier tans dehors.

Por ce n'est nus mieldres confors Que Dieu prier par bone amors En jouene cuer enracinée.

Rexque li cors soit blans ou sors, Mieus retrait adès cestui mors Dont l'ame est primes abevrée.

3o STANCES

Ke vaut quanques li siècles fait ?

Mors à une heure tôt deffait, R'el ne goe mie à refaire; Ke vaut quanq'avarice a trait?

Mors en une heure tôt fortrait, Qui ne pert nul giu par mestraire.

Mors fait les plus emparlés taire , Les plus joans plorer et braire ; Mors fait tos jors de bel tans lait, Mors fait valoir et sac et haire Autant con porpre et robe vaire ; Mors contre tos desraine au plait.

Ke vaut biautés , que vaut rikece , Que vaut honors, que vaut hautece, Puisque Mors tôt à sa devise Fait sor toz pluie et sekerece , Puisqu'il a tout en sa destrece Quanc'on despit et quanc'on prise ?

Ki paor de mort a jus mise , C'est cil cui la Mors plus atise Et vers cui ele ançois s'adrece.

Cors bien norris, char bien alise Fait de fust et de vers kemise , Ke plus s'aaise, plus se blece.

Mors , prové ai , de rien n'en dout , C'autant ne vaille peu con moût, De tote rien qui muert et sèche Mors mostre ke noiens est tout, Et quanque glotrenie englout, Et quanque lecherie lèche.

Mors fait que saige rien ne pèche , Por ce que riens ne li conteche Où ele puit doner un bout.

Mors met à un pris grange et crèche, Vin et iaue , saumon et sèche , Mors dist à totes coses prout.

Mors est le rois qui tout atrape, Mors est le mains qui tôt agrape, Tout li remaint quanq'ele aert; Mors fait à tous d'ysembrim cape , Et de la pure terre nape, Mors à trestoz égaument sert, Mors toz secrés mostre en apert, Mors fait de franc home cuivert, Mors acuivertist Roi et Pape , Mors rent cascun ce qu'il désert , Mors rent au povre quanqu'il pert , Et toit au riche quanqu'il hape.

Mors fait à cascun se droiture , Mors fait cascun droite mesure, Mors poise toz à juste pois, Mors venge cascuns de s'injure, Mors met orguel à porreture , Mors fait falir la guerre as Rois , Mors fait garder decrès et lois, Mors fait laissier usure et crois, Mors fait de souef vie dure , Mors as porées et as pois Done savor de bon craspois En encloistre où on crient luxure.

Mors apaise les emplaidiés, Mors amastit les envoisiés, Mors totes les mellées fine, Mors met à droit les faus croisiés , Mors fait droit à toz les boisiés, Mors toz les plais à droit termine, Mors dessoivre rose d'espine, Paille de grain, gruis de ferine, L'erbe des prés, vins des celiers; Mors voit parmi Voile et cortine , Mors seule scet et adevine Con cascuns est à droit proisiés.

Mors , honis est qui ne te crient , Et cil folement se contient Qui croit que cil siècles ne faille :

Faillir sans faille le convient, Peu le tenra qui plus le tient.

Ranc'on alonge Mors retaille , Mais li fol dient : Nos que caille De quele heure Mort nos assaille ?

Prendons chi le bien qui nos vient, Après que pu et valoir si vaille :

Mors est le fin de le bataille , Ame et cors à nient devient.

Piecha que ceste error conmenche De celé seculer sentence Dont fu la vies phylosophie , Nascui ceste pesme science Ri toit à Dieu se providence , Ri dist qu'autres siècles n'iert mie ; Selonc che a la meillor partie Chil qui s'abandone à folie , Que cil qui garde continence :

Car certes s'il n'est autre vie , Entre ame à home et ame à truie N'a donques point de différence.

S'autres siècles n'est , donques viaus Ait ci li cors toz ses aviaus Et faiche quanque li délite ; Vive li hom conme porchiaus, Car tous pechiés est bons et biaus Se vertus n'a point de mérite.

Dex ! que feront dont cil hermite Ri por Dieu ont lor char afflite Et béu tant d'amers jussiaus , S'après la mort est quite et quite?

Trop ont le pior vie eslite Tuit cil del ordre de Cistiaux.

Se Diex à ciax nul bien ne rent ,

Plus kier as blans c'as noirs se vent %

Moult ont le mieus cil as gros cols

Ri ne tienent Dieu nul covent ,

Ri font profession souvent

As bons morsiax et as lits molx :

Car certes , si con dist sains Poix ,

Cil qui set dire les bons copx ,

Ri le bien quant il vient ne prent,

1 L'auteur parle ici des religieux dont l'habit était blanc et la règle plus austère que celle des religieux vêtus de noir.

Ains sueffre por Dieu les durs copx , Moult est maléurex et folx, S'il autre bien de Dieu n'atent.

Se Dex ne rent repos por laste A celui qui n'a pain ne paste , Ou qui por lui s'est essilliés En l'ordure où li cors se gaste Por faire s'ame sobre et caste , Fox est cil et moult engigniés , Quant por Dieu s'est si avilliés , Ke en blanc ordre est kevilhés, Quant d'aler à Dieu ne se haste.

Dont fu bien sains Laurens truilliës Ri fut rostis et graeilliés , Et fist por Dieu de son cors haste.

Bien nous ont monstre tuit li saint Qui tant furent por Dieu destraint , Ke ce que Dex dist n'est pas fable , Ne ce n'est contrueve ne faint Chou que sainte Escripture pamt De mort, de vie parmanable.

Bien ont doné tesmoing créable Ke li torment sont pardurable Où cil seront cui le char vaint :

Or sont assis à haute table Prince del ciel et conestable; Ri honor cache , honor ataint.

Mors, se rice home à ti pensassent, Jà lor âmes là ne cachassent Où n'a mestier or ne argent ; Jà lor vix cors si n'aaisassent , Ne lor ongles si n'aguisassent Por escorchier les povres gens :

Car en chiaus fiches-tu tes dens Plus en parfont et plus dedens Ri deseur le povre gent passent Re Dex abandone à tous vens, Ri de lassus tence as dolens, La fain d'avarice trespassent.

Mors , tu deffies et guerroies Chiaus qui de tailles et de proies Font les forfais et les outraiges; Toz les tormens en chiaus emploies Ri d'autrui dolors font lor joies, Neporquant c'est mais li usaiges Par trestoz en nos segnoraiges :

Icil tempeste , icil oraiges Cache lor âmes maies voies ;

SUR LA MORT. 3y

Certes ce n'est nus vasselages Faire son preu d'autrui damages , Et d'autrui cuir larges coroies.

Mors, tu keurs là où orguel fume Por estaindre quanqu'il alume, Les ongles sans oster i fiches Et riche qui art et escume Seur le povre cui sanc il hume.

Ha ! rikece , por qoi nos triches ?

Re plus as bascons , plus tols fliches , Re plus as castiaus , plus tols miches : Certes tele est mais le costume Re plus est là fors li hom riches , Tant est-il plus avers et niches , Et plus a froit qui plus a plume.