XL II

Li miex vestus et li plus cras , Chiaus à poi pain et poi de dras Poilent adès ; mais ce vos prueve Que Dex sans faille o eus n'est pas , Qui juge les haus et les bas Lues qu'il issent de ceste esprueve , Et rendent l'âme ou vies ou nueve Qui tos les biens et les maus troeve , Lues qu'ele est venue au trespas.

Illuec aprent-ele en esprueve

Re faire estuet che que Deu rueve :

Hom n'est pas fait por vivre a gas.

Dex , qui nos forma uns et uns , Ou il est or fel et enfruns Au povre, ou il est ses vengerres :

Car ce voit bien as iaus cascuns Ke meillor de soi foule aucuns.

De Noiron qui tant fu pecierres , Ri fut sor toz fel et lechierres, Fu penés me sire sains Pierres, Et plus eut deseur toz dehuns Cil sains , et quant il fu peschierres Et puis qu'il devint préeschierres Fu tous jors des meilleurs li uns.

Moult fu li tans à chiaus divers, A l'un estes , à l'autre yvers ; Cil fu blâmés, cil losaagiés , Paradis fu l'un , l'autre enfers.

Cil fu en buies et en fers, Cil ne fu onques mis en giés , Ains fu de toz bien aengiés; Cil fu de toz biens calengiés.

Diex ! cil leus dévora tes sers ,

Cist aigniaus fu de lui mengiés :

Certes s'or n'est par toi vengiés, Dont ies-tu jugierres pervers.

Diex! qui demande plus aperte Venjanche que la descouverte En plain marchié, en plaine foire, Piecha que sainte Eglise est certe R'aura cascuns lonc sa déserte ?

Li miracles moustre la gloire Où cil est venus par victoire , Et ce méismes nos fait croire Cor est-il chéus en poverte Qui venus est à la mer boire En chartre ténébreuse et noire Où nus ne recuevre sa perte.

Chil qui tans livres et tans mars Del avoir par le monde épars Tolut à destre et à senestre ; Qui les vendoises et les dars , Mules, salmons, esturjons, bars Faisoit desor la table mètre ; Ri tant mist en vestir et pestre Son cors vil et puant et flestre , K'il n'aloit onqucs sans mil chars ;

4o STANCES

Ki sougis à Dieu ne volt estre :

Or a le fu d'enfer à mestre ; Mal est caufés qui tous est ars.

Se cil qui les gregnors biens ont

En cest siècle , et les grans max font ,

S'en alassent si sans juise ,

Et passassent si quite au pont

Con cil qui par mesaise i vont

A l'eise que Dex a promise :

Donc déist l'en en plaine église

Qu'en Dieu n'éust point de justise ;

Mais ce n'iert pas : anchois auront

Li gros poisson à leur assise

Ki or menguent le menuise

Ne de nului jugié ne sont.