XL VI IL

Tuit atendons conmunalment Primes mort, et puis jugement.

Contre ces deux a deux confort , C'est repentir hastivement, Espurgier soi parfaitement De quanque li cuers se remort.

Ki ce ne fait devant le mort, A tart se plaindra et à tort , Quant Dex en prendra vengement.

Ains c'on mueve le nef du port , La doit-on joindre si très fort C'on voist par mer séurement.

Ha Dex ! porqoi est desirrée Joie charnex envenimée Qu'issi corront nostre nature Qui or a si corte durée?

Après est si chier comperée , Moult est maie ceste painture Qui fait l'ame acroire à usure Amertume qui tos jors dure, Por douçor qui lues est alée.

Fui lecherie , fui luxure , Je n'ai de si kier morsel cure , J'aim miex mes pois et ma porée.

Icist finent les vers Bouchart Dict de Marly que Dieu gart De celui feu qui tout jor art , Einz le preingne à la sue part.