AVRIL

Pierre, par la grâce de Dieu, duc de Bretaigne, conte de Monlfort et de Richemont , à touz ceulx qui ces présentes lettres verront, salut. Comme par la célébracion des nopces et vray sacrement de mariage de nous et de nostre très chère et très amée seur et compaigne , Françoise d'Amboise , duchesse de Bretaigne, son douaire coustumier lui ait esté, sellon la coustume générale de nostre pais , acquis , et lui appartienne l'avoir en touz les héritages dont avons esté et seront saisiz, par raison de nostre droit , si elle demeure en vie au temps de nostre décès ; parquoy , en recognoissanl devant Dieu et les hommes , nostre dicte seur et compaigne s'estre deuement et justement portée vers nous ou bien de nostre dit mariage, avons esté meuz durant nostre saine vie , santté et prospérité de corps , lui faire decleracion, nomination et assiete de sondit droit de douaire, à ce que se le plesir de nostre Créateur estoit que alassions de vie à trèspas , par avant icelle nostre compaigne, elle peust estre clerement acertenée de la valeur, estimacion, et des lieux où elle puisse et doye prandre et avoir sondit droit de douaire , sans procès ou question en avoir avecq noz présuniptiÛ's hérittiers ;

Savoir faisons, que nous, ces choses considérées, et autres raisonnables causes à ce nous mouvans, avons, en présence et du consentement de noz très chiers et très amez oncle et cousin , Artur de Bretaigne, conte de Richemont, seigneur de Partenay , connestable de France , et de François de Bretaigne , conte d'Estampes et seigneur de Cliczon , à présent noz prouches et présumptifs héritiers, touIu, décleré et ordonné, voulons, déclérons et ordonnons par ces présentes, ayans esgard aux eslimacions des douaires baillez et assis aux précédentes duchesses et princesses de Bretaigne, es temps passez, que nostre dicte seur et

ET riÈCES JUSTIFICATIVES. 347

compaigne aura, pour tout sondit droit de douaire, la somme de seix mil livres de rentes , vallantes et revenantes nettemanl à main, toutes charges déduictes, à lui estre baillées, assignées et assises en noslre pais et duché de Bretaigne , es lieux , seigneuries et héritages qui ensuivent, savoir est : les ville, chastel , chastellenies, terres et seigneuries de Saint-Aubin-du-Cormier, de Guinganip, Hourbriac et Nunibriac, excepté les terres et seigneuries d'Avaugour, par nous acquises du seigneur deKerouzere; la terre de Belisle et Beaufou , par nous acquise de feu raessire Jehan de Kerniellec, et les terres des parroesses de Peros et Gueriti, o leurs appartenances, acquises de noslre cousin de Rieux; lesquelles terres exceptées par cost fait, réservons à en faire , à nostre plaisir, comme de noz propres acquestz. Item, baillons les ville, chastel , chastelenies, terres et seigneuries de Mourlaix, Duault , Uhelgoet, Landeleau, ChasteauneufF-du-Faou , Gouceleyn , Fouesnant, Conc , Rospreden et Chasleaulin en Cornouaille, o toutes leurs appartenances et appendances quelxcomques, taut en rentes par deniers , blez, poulailles, dismes , corvées, coustumes, cohuages, trespaz, peyaiges, acquifz, jurisdicions, seigneuries et obbeissances, hommes, hommages, feaultez , rachaz , soubzrachaz , que autres droits seigneuriaulx et heritaulx quelzcomques, sans riens ne autre chose y retenir, sauf la garde des places et forteresses , portz, havres, autres que les obligez cy après, briefs, bris et peczais de mer, cognoessance des églises, grans chemins et sauvegardes et aultres droiz de principaulté et souveraineté seulement. Conditionné et interprété par exprès , par ces présentes , que lesdictes terres et seigneuries seront par loiaux gens , agréablement choisiz et jurez deuement, prisez édiffices non comptez; et .se, par ledit prisage , sont trouvez plus valoir que les dictes seix mil livres de rente, de bonne levée comme dit est, il en sera, par autant, dudit oultre plus recindé; et se moins vallent, ilz seront parfourniz sur nos revenues de nos portz et havres de l'évesché de Cornouaille ; lesqueulx , quant à ce , expressément ypolequons et obligeons jucques à entier parfournissement et assiete desdiz seix mil livres de rente , pour ledit droit de douaire comi!;e dit est. En voulant et voulons que incontinent nostredit décès avenu, délaissée nostre

dicte compaigne, se l'état en avient , par elle ou ses procureurs , deslors puisse, de son auctorité et sans autre ministère de justice, acuellir, prendre et avoir, par ledit tiltre de douaire, la possession et joissement desdictes places , terres , revenues et seigneuries , 0 toutes leurs dictes revenues et appartenances. Et en cellui cas , dès à présent les lui livrons et transportons sans ce que noz diz héritiers ne autres noz cause ayant quelxcomques , lui puissent sur ce, donner trouble, débat ne empeschenient quelxcomques en quelque manière que ce soit, soit par deffault de hommage , indislucion de prisage, ou autre voie, couleur ou moien qui puisse estre. Et toutes et chacune les chouses dessusdictes, nous, du consentement de nostre dit oncle de Richemont et cousin d'Estampes, et de chacun respectivement, pour tant que à chacun en touche ou peut toucher et appartenir , ores et pour le temps avenir, avons octroiées et octroyons, de bonne foy, à nostre diote seur et compaigne, à ce présente et acceptante, et promectons par le serment de nostre corps , ainsi le tenir, sans jamais faire ne aler au contraire en diminucion de nostre dicte ordonnance.

En tesmoign de ce, nous avons baillé ces présentes, à nostredicte seur et compaigne^ signées des mains de nous et de nozdiz oncle et cousin, et seellées des seaulx de nos armes. Ce fut à Bruz, près Rennes, le quatorziesme jour du mois d'avril , l'an de grâce mil cccc cinquante trois.

Signé : Pierre , compaign.

Par le duc de son commandement,

De Cof.tloc.on.

Nous, Françoise d'Amboise, duchesse de Bretaigne, souffisaument et à nostre requeste auctorisée deuement de mon très rcdoubté seigneur et espoux , monseigneur le duc, quant à cest fait, recognoissante que pour la grant charité, dileclion et amour mutuelle qu'il a à nous et à la seureté et entretèuement de nostre honneur, vie et estât, il de sa grâce a esté meu de nous faire la déclararion, nominacion et assiete desdites seix mil livres de rente pour nostre droit de douaire es lieux , places , trrrcs . seigneuries , revenues et heritaiges en ces lectres cy devant con-

ET PIKCES JUSTIFICATIVES. 349

tenues, à tout ce et aussi à la réservation et exception desdictes terres acquises libéralement, nous consentons et assenions et en avons été et suymes contenle, comme bien porcionnée desdicles seix mil livres de rente pour tout nostre dit droit de douaire. Et icelle déclaration et assietc ainsi que cy devant est contenu , acceptons, promectante et de fait promectons et jurons sur bonne foy, que nous baillant et fournissant ladicte assiete, et nous faisant et lessant joir paisiblement et entièrement sellon l'ordonnance de mondit seigneur, nous, en celui cas, quicterons, et dès à présent, comme pour lors, quictons les héritiers de mondit seigneur de tout autre droit de douaire, sans , en plus large, en avoir quérir, ou demander en quelque manière.

En tesmoign de ce , nous avons signé ces présentes de nostre main et scellées de notre séel, le quatorziesme jour du mois d'avril, l'an mil cccc cinquante trois.

(La signature de Françoise d'Amboise manque ici sur l'original.)

Ce nous, Artur de Bretaigne, conte de Richemont, seigneur de Partenay, connestable de France, et nous, Françoys de Bretaigne , conte d'Estampes et seigneur de Cliczon , considérans et cognoessans ladicte déclaration, estimation et assiete desdictes seix mil livres de rentes pour le droit de douaire de nostre très redoublée dame, madamme la Duchesse, lui avoir esté et estre par notre très redoublé seigneur, monseigneur le duc, deuement, justement et raisonnablement faicte es lieux , places , terres , revenues et seigneuries devantdiles, sellon le contenu en ses lectres cy devant escriptes , à tout ce , et à Texéqucion et entérinance de sesdictes lettres, libéralement nous consentons, et en tant que à chacun de nous en touche ou puet toucher, promectons de bonne foy et par nos sermens , ainsi le tenir, exécuter et acomplir en tous endroiz , à touz noz pouairs , sans jamais faire ne aler au contraire. En tesmoign de ce, nous avons cy mis les signes de noz mains elles seaulx de noz armes, le quatorziesme jour d'avril mil cccc cinquante trois,

Signé : Artur, Françoys.

Orig. pareil, scellé de i sceaux, dont 3 briséa.

(Trésor des Chartes, armoire F, cassette A, 23.)