Chapitre VIII
...Dieu voulut que le prince Eutrope ayant sçeu, en un voyage qu'il fit pour la troisiesme fois en Iudée, que Iesus-Christ avoit esté mis en croix par les Iuifs des-loyaux et ingrats à outrance, commença le premier de venger la mort de nostre Seigneur. Car estant de retour en Babylone, il fit entendre au Roy son père la cruauté des Iuifs qui avoient traité si outrageusement celluy qui estoit digne de tout respect, et qui, pour pour le grand nombre de miracles qu'il avoit fait en leur faveur, méritoit en recognoissance toute vénération et service. De quoy le Roy griesvement picqué, permit à son fils d'en avoir telle raison qu'il jugeroit. Le Prince Eutrope, ne pouvant punir les Iuifs qui avoient espandu le sang de Iesus-Christ, tourna sa juste cholère contre les Iuifs qui habitoient en Babylone : car quoy que tous n'eussent pas perpétré ce crime, si y en avoit-il plusieurs qui, estants allez à la feste de Pasques celle année, avoient participé à ce forfaict, et les autres qui n'avoient bougé de Babylone, s'estoient rendus complices et dignes de mesme peine approuvants et deffendants de parolle ce que les autres avoient iniquement exécuté par œuvre. Ainsi tous estants coulpables, les uns d'effect, les autres de volonté, ils méritèrent que le Prince Eutrope embrasé d'un zèle ardent et véhément les fit mourir. Ainsi Hélie fit descendre le feu du Ciel qui dévora deux cinquantaines de soldats qu'Ochozias avoit au mespris de Dieu envoyé pour le prendre. Ainsi le mesme Hélie fit esgorger 450. faux prophètes de Baal. En cette manière le Prince Eutrope fit preuve de son affection très-grande envers Iesus-Christ, et fit cognoistre, par cest acte d'un zèle puissant, combien à l'advenir lors qu'il fairoit totalement profession de le suivre il seroit courageux en l'exécution de ce que la cause de Dieu requerrait de luy,
non tant pour vaincre les ennemis de Iesus-Christ par le glaive sanglant d'une justice sévère, que pour les gagner doucement par les vives persuasions d'une saincte vie, et d'une éloquence divine.
De la conversion du Roy Xerxes et de toute la famille royalle avec grand nombre d'habilans de Babijlone.
