JUANA
Par commandement de mad. dame, J. Dearsali.
31 Décembre 1477
Louis XI enjoint aux gens du Parlement de Paris d'entériner sans délai ses lettres-patentes contenant donation des seigneuries de Bon^ols, Fay, etc., à Ymbert de Batarnay.
(Arch. nat., Xia 9517, f° 49, orig. s. parch.)
Noz amez et feaulx. Puis aucun temps en ça, en faveur des bons, grans, agréables et continuelz services que nous a par cy devant et de... (déchirure) faiz nostre amé et féal conseiller et chambellan Ymbert de Batarnay, escuier, seigneur du Bouchage, nous lui avons données les terres et seigneuries qui furent et appartindrent au feu duc de Nemours (1) et lui en avons octroyé ses lettres ainsi qu'il appartient, lesquelles il vous a fait présenter pour d'icelles avoir l'entérinement. Mais, à ce que nous avons peu entendre, vous avez différé et différez encores les luy expédier et entériner, dont ne sommes pas contens. Et pour ce que nostre plaisir est que nostred. conseillier et chambellan joisse entièrement de sond. don et de l'effect et contenu en icelles ses lettres, nous voulons, nous mandons, conmandons et expressément enjoingnons que lui entérinez sesd. lettres de point en point selon leur forme et teneur sans plus y délayer ne faire difficulté quelzconques. Si n'y faictes faulte, car tel est nostre plaisir. Donné au Plessis du Parc, le penultime jour de Décembre.
Loys.
J. Mesme.
Au revers : Receptum VIII Jannuarii M°IIIIc° LXXYIR
(1) Jacques d'Armagnac, décapité a Paris le 4 août 1477.
vn
Les trésoriers de France consentent à l'entérinement des lettrespatentes par lesquelles Louis XI a fait don à Ymbert de Batarnay du rci'enu des francs-fiefs et nouveaux acquêts des seigneuries confisquas sur les d'Armagnac.
(Bibl. oat., ms. fr. 2902, fc 3, orig.)
Nous, les trésoriers de France, veues les lettres patentes du Roy nostre Sire par lesquelles et pour les causes contenues en icelles le Roy a donné1 et octroyé à Hymbert de Batarnay, escuier, seigneur du Bouchaige, son conseiller et chambellan, tout le droit qui lui peut competter et appartenir pour raison et à cause du revenu des francs fiefz et nouveaux acquestz des terres et seigneuries qui furent et appartindrent tant à feu Jaques d'Armaignac, duc de Nemours, que de Jehan d'Armaignac, conte d'Armaignac, desquelles led. Ss1 lui a fait don comme à lui avenues et escheues par les confiscations des dessusd. d'Armaignac, a quelque somme que icellui droit de franc fief puisse monter et valloir, à icelle avoir et prandre pour une foiz par les mains du receveur ou commis à ce et par les simples quittances dud. seigneur du Bouchaige tant seulement, sans en avoir aucunes descharges ne autres acquietz, consentons, en tant que à nous est, l'entérinement et acomplissemeut, tout ainsi et par la forme et manière que le Roy nostred. Ssr le veult et mande par ses lettres. Donné soubz noz signetz le jour de l'an mil CCCC soixante et dix sept.
Flameng.
vin
il Avril 1478
Louis XI confire à Ymbert de Batarnay le gouvernement de Bourges et du pays avoisinant, avec les pouvoirs les plus étendus.
(Bibl. nat., ms. fr. 2909, f° 24, orig. s. parch.)
Loys, par la grâce de Dieu Roy de France, à tous ceux que ces présentes lettres verront, salut. Comme pour tenir en totalle seureté nostre ville de Bourges et la préserver et garder de plusieurs entreprinses, machinations et conspirations que aucuns noz adversaires pourraient faire pendant que serons es marches de pardeça ainsi que par cy devant a esté fait, lesquelles choses, quant ainsi adviendroient, que Dîeu ne vueilhe, seroit à nous chose fort préjudiciable, aussi pour entretenir et traicter les habitans en icelle et sembleement le pays d'environ en toute justice et amour, soit besoing y envoyer aucun personnaige de grant auctorité qui nous soit sceur et feable qui illec face sa demeure et résidence continuelle pour pourveoir à tous affaires qui y pourront survenir en quelque manière que ce soit, savoir faisons que nous à ceste cause confians à plain de la personne de nostre amé et féal conseiller et chambellan le sire du Bouchage, icellui avons fait, constitué, ordonné et estably gouverneur en lad. ville et pays d'environ et par ces présentes lui avons donné et donnons à ceste fin povoir et auctorité de pourveoir à toutes choses qu'il congnoistré estre milles et neccessaires et à l'onneur et prouffit de nous et à la sceureté de lad. ville et des habitans en icelle et pays d'environ ; et pour main forte, quant besoing en seroit, lui avons aussi donné la charge et conduicte principalle des nobles et autres subgietz à noz ban et arrière ban estans des bailliages de Berry, Saint Pierre le Moustier et Touraine, pour lui ayder d'eulx ou d'une partie d'eulx ainsi que le besoing sera. Si donnons en mandement aux baillis de Berry, de Saint Pierre le Moustier et Touraine, aux cappitaines particuliers et conducteurs d'iceulx nobles et autres ainsi subgietz a nosd. ban et arriere-ban et sembleement à tous iceulx nobles et autres et aussi à noz justiciers, officiers et subgietz que à nostred. conseiller et chambellan touchant le fait de sa charge et entre-
mise plus amplement declairée et spécifiée en l'instrucion que pour ce lui avions baillée ilz lui obéissent entièrement et comme à nostre personne, et ce sur peyne d'estre comme rebelles et desobeissans par lui ou de par lui corporellement puniz, car de ce faire lui avons donné pouvoir. En tesmoing de ce nous avons fait mettre nostre seel à cesd. présentes. Donné a Arras, le xr= jour d'avril, l'an de grâce mil CCCC soixante dix huit et de nostre règne le dix septiesme.
Au revers : Par le Roy : Disome.
A. — 4 Septembre 1478
Ytnbert de Batarnay proleste auprès de Louis XI contre l'envahissement de ses domaines par Henri de Pompignac.
(Bibl. nat., ms. fr. 2S93, *° 60, orig.)
Sire, je me reconmande à vostre bonne grâce tant et si très humblement que plus puis. Sire, Messire Henry de Pompigniac, qui fut l'um des principaulx disciples .du petit Judas (1), a envoyé aucum nombre de gens en armes pour prandre d'emblée les terres qu'il vous a pieu me donner de la confiscation dudit petit Judas, au moins celles que me baillastes en recompence du Mur de Barres (2) qu'il vous a pieu bailler à Mons. le grant seneschal, et ne furent oneques aud. de Pompigniac.
Sire, la place est bien aisée à prandre, car trente en prandront tousjours vingt dedans, mais je me esbays bien que ung tel homme qu'il est a ousé entreprandre par voye de fait, que jamès n'avez voulu souffrir en vostre royaulme prandre ce qu'il vous a pieu me donner.
Sire, il fait semer que les lui avez données : je ne le puis croyre que les me eussiés ostées pour les bailler à ce mauvais honme qui ne vous peut faire service, et, quant ainsi seroit que les lui eussiés voulu bailler,
(1) C'est-à-dire de Jacques d'Armagnac, duc de Nemours.
(2) Mur de Barrez (Aveyron), arrondissement d'Espalion. — Cf. Bibl. nat., ms. fr 2895, f 22.
que ne le m'eussiés mandé, car vous savez bien que tout ce que j'ay est venu de vous, et, de chose que j'aye, quant vostre bon plaisir seroit me commander le bailler à aucum qui vous peust faire service ou qui le vous eust fait, je le feroye incontinant.
Sire, je vous supplye qu'il vous plaise me mander vostre bon plaisir sur ce, car, s'il ne vient de vous, je recouvreray bien ma possession, et me commander tousjours voz bons plaisirs pour iceulx accomplir, aidant Nostre Seigneur auquel je prie, Sire, et à Nostre Dame qui vous doint très longue vie et tousjours bonne santé. Escript à Paris, le 1111e jour de septembre.
« Vostre très humble et très hobeissant serviteur et subget,
Ymbert de Batarnay (i). »
Au revers : Au Roy mon souverain seigneur. Et de la main de P. Dùriole : De Mons. du Bouchage.
B. — 7 Septembre 1478 Réponse du Roi à Ymbert de Batarnay.
(Bibl. nat., ms. fr. 2S9Î, f° 17, orig.)
Mons. du Bouchaige, j'ay veu ce que vous m'escripvez de Pompaignac. Quant le chancellier fut devers moy au revenir du procès du duc de Nemoux, il me dist qu'il avoit promis aud. Pompaignac et à ung herault leur abolition pour dire ce qu'ilz dirent contre led. de Nemoux. Je la commandé telle que le chancellier l'a voulu deviser.
Je me suis enquis quelle auctorité il avoit de se mectre en ceste terre. J'ay sceu qu'il avoit eu sa main levée, et si je ne scay s'il a point eu de sentence contre lui ne s'il a point esté condempné, car il me dist qu'il avoit esté absoubz et qu'il n'avoit point eu de sentence contre lui.
Je suis bien souvenant que depuis led. procès vous ne m'en avez point parlé, par quoy je n'eusse sceu garder vostre droit en cela ne ne pensoye pas que vous la tensissiez.
J'envoye vostre lettre au chancellier afin qu'il vous en responde, car
(1) Les mots entre guillemets sont autographes.
c'est une matière dont je n'ouys jamais parler jusques à ceste heure. Et à Dieu. Escript à Selommes (i), le vue jour de septembre. Loys.
J. Mesme.
Au revers : A notre amé et féal conseiller et chambellan, le Sire du Bouchaige.
