C. — 7 Septembre

Louis XI au chancelier Pierre Doriolc,pour la même affaire.

(Bibl. nat., ms. fr. 2893, f° 64, orig.)

Mons. le chancellier, je vous envoyé unes lettres que Mons. du Bouchaige m'a escriptes touchant le Ssj de Pompaignac et le double de la responce que je luy foys ; et, pour ce que je n'entens point ceste matière, je vous prie, avertissez l'en et lui comptez le cas bien au long, car vous savez tout ce qui y a esté fait, et n'en sauroye parler. Et a Dieu. Escript à Selommes le VIIe jour de septembre. Loys.

J. Mesme.

Au revers : A notre amé et féal chancellier.

D. — 10 Septembre 1478

Ymbert de Batarnay au Roi, pour la même affaire.

(Bibl. nat., ms. fr. 2912, f° 85, copie du temps.)

Sire, je me reconmande à vostre bonne grâce tant et si très humblement comme je puis. J'ay receu les lettres qu'il vous a pieu nfescripre touchant Messe Henry de Pompignac. Au regard de ses biens je n'en euz oneques riens ne jamais n'en demanday aucune chose, et en la main levée de ce qui estoit sien et de son heritaige et de ce qu'il joyssoit à l'eure de la prinsc nul ne lui a donné empeschement, mais ce qu'il a prins sur moy estoient des terres du feu duc de Nemours, lesquelles il vous a pieu me donner, et les trouvastes au papier sur quoy vous feistes les partaiges et me baillastes cela en recompence du Mur de Barres que m'aviez paravant donné, quant le baillastes à Mons. le

(1) Loir-et-Cher, arrondissement de Vendôme.

— 3io —

grantseneschal, et les tenoit et possidoit led.de Nemours a l'eure qu'il fut prins dedans Cariât et n'en eut jamais led. de Pompignac ne joissance ne possession.

Sire, la couleur qu'il prant si est que avant que le duc de Nemours feust prins environ deux ou trois ans il traictoit le mariage dud. de Pompignac avec la seur de Mons. d'Ambres, et pour pervenir à ce mariage fist une fainte vendition aud. de Pompignac de certaines terres qui sont en la conté de Castres et des miennes, mais jamais led. de Nemours ne lui en bailla la joissance ne n'entendi les lui bailler, et aussi lad. vendition estoit faicte depuis la transaction que led. de Nemours fist (i) : par quoy de là en avant il ne povoit riens aliéner. Et si c'est vostre plaisir que par justice le poursuive, j'ay espérance au plaisir de Dieu qu'il n'y aura riens et que j'auray raison de l'outraige qu'il m'a fait que par voye de fait sans tiltre valable a prins ce qu'il vous a pieu me donner.

Sire, plaise vous moy tousjours mander et commander voz bons plaisirs pour iceulx accomplir, aydant Nostre Seigneur auquel je prie qu'il vous doint très longue vie et toujours bonne santé. Escript à Saint Quentin (2), le Xe jour de septembre.

Lettre adressa au nom du roi Louis XI aux bourgeois de Dijon, pour leur annoncer la nomination de Charles d'Amboise, seigneur de Chaumont, au gouvernement du duché de Bourgogne.

(Bibl. nat., ms. fr. 2900, f° 5, minute.)

Mess13, le Roy a esté adverty que vous avez esté traictez autrement qu'il n'entendoit, dont il a esté très desplaisant, car il entendoit que vous

(r) Le 17 janvier 1469 (v. s.), Jacques d'Armagnac obtint de Louis XI des lettres d'abolition, et en échange fit transport à la couronne de tous ses domaines, pour le cas où il viendrait à enfreindre les conditions de 1' « appointement » conclu.

(a) Aisne.

feussiez mieulx traictez que nulles autres bonnes villes de son Royaume et sa voulenté et son désir est que vous soyez aussi bien traictez que ceulx de sa bonne ville de Paris.

Messrs, incontinant que le Roy a sceu le mal traictement et le desordre et les oppressions que on faisoit en ce pays icy (i), il y a voulu donner provision et y pourveoir de personnage bon et notable pour ce faire. Et pour la fiance et seurté qu'il a à Mons. de Chaumont, gouverneur de Champaigne (2), auquel gouvernement il s'est bien conduit et gouverné sans donner oppression ne charge aux subgetz du pays ne n'y a souffert nulles pilleries, mais à chascun a fait faire justice autant au povre que au riche, qui très bien et grandement s'est conduit ou fait de la guerre ; à ceste cause le Roy l'a commis et commect au gouvernement de ce pays, et le y fait son lieutenant gênerai, et veult que vous lui obéissez doresenavant comme à sa propre personne. Et lui a le Roy rescript et mandé par nous que il vous traicte -bien et doukement. Et quant le Roy eust pansé avoir homme qui eust mieulx esté pour vous entretenir en bonne justice, il le vous eust baillé (pour) (3) oster tous les appatilz qui sont au pays, en envoyer tous les frans archiers et partie des nobles qui ne sont payez, et, pour la seurté et fiance qu'il a entre vous, ne retenir que les gens de guerre de sa soulde et de son ordonnance. Et si nulz autres y demourent seront payez afin que ilz ne preignent riens sur le peuple sans payer et qu'ilz ne leur facent nulle violance, pareillement qu'il vous face bonne justice ; et s'il y a aucuns en gênerai ou en particulier a qui on face nul tort ou grief soient gens de guerre ou autres, ayez vostre recours à luy et il vous en fera faire la raison et la justice telle que au cas appartiendra.

Messf5, le Roy vous remercie de la bonne loyauté que avez tenue envers luy et de la bonne obéissance que Mons. le grant seneschal a trouvée entre vous, Messrs, ainsi qu'il lui a escript, et vous prie que tous jours la vueillez continuer. Vous savez que vous estes anciennement

(1) Sous le gouvernement de Georges de la Tréraoille, sire de Craon, lequel, dit Commynes, « estoit homme fort gras. » Le Roi le révoqua, mais sans toucher à ses « prouiHtz et bîenfaictz ». (Ed. Dupont, II, 191.)

(2) Charles d'Amboise, comte de Brienne, seigneur de Chaumont, etc., mort le 16 mars

(î) Tout ce commencement de phrase a été si raturé et si surchargé, vraisemblablement par la main de du Bouchage, que ma restitution est incertaine.

du vray patrimoine de la couronne de France, et estes le vray heritaige du Roy, et estes bien adverty que l'appanage de la couronne de France ne peult venir à fille, et par le trespas du duc Charles lad. duchié est retournée de plain droit à la couronne de France ; laquelle le Roy a délibéré de jamais ne la séparer, et l'institution et l'ordonnance expresse de l'appanage est faicte de si longtemps et fondée en si grant raison que nul ne la peult rompre, pour les inconveniens qui en feussent peu avenir. Et se l'ordonnance n'eust esté tousjours observée, le Royaume ne feust pas tousjours demouré en son entier comme il est à présent grâces à Dieu, car, quant aucuns des princes yssuz de la maison de France eussent eu aucune fille qui feust demourée seule héritière, elle eust peu prandre et espouser ung prince estrange et ennemi du Royaume, comme à présent vous voyez madame de Austreriche qui a espousé ung prince estrange (i) sans le vouloir et conscentement des principaulx parens.

Aussi, Messre, touchant la conté de Bourgoingne, elle appartient de droit au Roy, ainsi comme le Roy fera apparoir par Chartres et enseignemens en temps et en lieu quant besoing sera ; et est le Roy délibéré au plaisir de Dieu et de Nostre Dame que la saison qui vient il mettra une si bonne et grande armée sus et la fournira si bien d'artillerie et autres choses qui y seront neccessaires que, avecques l'aide de Dieu, d'entre vous, Messrs, et de ceulx du pays, que il la remettra en son obéissance.

Mess^, p0Ur ce que le Roy désire que doresenavant on ne vous face chose mal faitte et dont vous ayez cause de vous douloir, il veult que vous ayez quelque honme de bien résidant la pluspart du temps en ceste bonne ville. Pour ce qu'il conviendra que Mons. le gouverneur soit embesougné ou fait de la guerre, il a créé grant seneschal de ce pays icy Mons. de la Roche (2) que bien cognoissez et qui est du pays, pour y avoir recours et pour vous aider et secourir en tous voz affaires en l'absence de Mons. le gouverneur.

(1) Marie de Bourgogne avait épousé, eu août 1477, Maximilien d'Autriche.

(2) Philippe Pot, seigneur de la Roche.

8 Avril 1482

Lettre de François Halle a Ymbert de Batarnay, au sujet de son procès contre les frères de Culant et sur la nécessité qui s'impose de ne pas arrêter plus longtemps l'expédition des blés à Paris.

(Bibl. nat., ms. fr. 2912, f° 60, orig.)

Mon très honnouré Seigneur, je me reconmande à vostre bonne grâce tant et le plus comme je puis.

J'ay sceu par le procureur de Mons. de Bourbon (i) qu'il a lettres et procuration especialles pour mettre enchère es terres de Chasteauneuf et de Culand et luyamise, et croy que c'est en faveur desd. de Culand ou pour delaier, et si m'a dit led. procureur qu'on ne luy a point escript se l'argent est prest ou non ; je y feray avecques ceulx de vostre conseil ce que je pouray, et sera besoing que vous en escripvez à Mons. de Nanterre (2), et en parleray aussi à noz amys, car, pour le port de Mons. de Bourbon, je doubte qu'il n'y ait aucuns qui callent et délaient. Mons., maistre Jehan Prévost vous en a escript. Après ces festes on verra ce qu'on pourra faire, et selon ce en serez adverty.

Touchant la terre de Badefort (3) dont le Roy m'a rescript, je luy escriptz ; et aussi autreffoiz vous ay dit que Mess, de Parlement n'ont acoustumé et ne veullent point me communiquer les secretz de la court, entre lesquelz est veoir les enquestes qui ont esté faictes touchant ceste matière qui sont sécrétez. S'il plaist au Roy escripre à maistre Guillaume de Cambray (4) qui a fait les enquestes, je croy qu'il les me communiquera ; et sera besoing aussi d'en escripre a Mess, les presidens pour me les faire communiquer et aussi le secret du procès,

(:) Jean II, duc de Bourbon, 14Ï6-14SS.

(2) Président au Parlement de Paris.

(3) V\ la pièce suivante. J'ignore de quelle affaire il s'agit ici.

(4) Conseiller au Parlement de Paris.

avant que le jugement se prononce, pour en advenir le Roy, ainsi qu'il m'a escript.

Pour ce que Mons. de Marceille (i) m'a monstrées unes lettres par lesquelles le Roy luy a escript qu'il fait despescher et sceller lettres touchant la provision des blez et avitaillement de ceste ville, et par les délibérations de Mess, du conseil j'ay scellé les lettres qui ont semblé estre nécessaires touchant ceste matière, car pour le présent il en est grant besoing et y a grant neccessité, tellement qu'on n'en peult finer par deçà à l'occasion des deffences qui ont esté faictes touchant la Beausse et le conté d'Estampes par aucuns commissaires et baillifz en leurs limites de Meleun et autres, soubz couleur desquelles deffences plusieurs abuz ont esté faiz, et sont empeschez les marchans de amener blez en ceste ville, laquelle il est besoing de fournir pour la multitude du peuple qui y est de diverses sortez, et est besoing qu'il y soit pourveu et par gens d'autorité pour le Roy, pour doubte des inconveniens qui pouroient advenir par telle multitude de peuple, soubz couleur de faulte de vivres. Et pour ce, s'aucuns se plaignoient des mandemens qui ont esté baillez par deçà, plaise vous m'en excuser. Mons. de Marceille m'a dit qu'il en a adverty le Roy, et croy que ceulx de la ville y veullent envoyer pour ceste cause pour avoir plus ample provision.

J'ay envoyé mon homme à Rouen avecques les lectres de Mons. le gênerai Tilhart, lequel m'a escript que Mons. le gênerai Tuvache luy a dit que par son estât il est chargé de plus de trente mille francs ; toutesvoyes, jusques à ce que mond. homme soit retourné, j'ai différé de plus en escripre, et me font faire tousjours des voyaiges et despences que je ne pouroye tousjours porter sans ce qu'il pleust au Roy m'y faire pourveoir, attendu que j'ay tout laissé pour le servir, comme raison est.

Mon très honnouré seigneur, plaise vous me tenir tousjours en la bonne grâce du Roy et moy mander et commander ce qui vous plaira, pour vous y servir de tout mon povoir, à l'aide et moyen de Nostre

(i) Jean Allardel, évéque de Marseille, 1466-1496, lieutenant-général du Roi à Paris. Sur cette affaire des blés, v. de Barante, Due de Bourgogne, t. XII, p. 280 ss. Vu la disette, Louis XI avait ordonné que ses commissaires auraient partout un droit de préemption sur les grains et qu'ils en fixeraient eux-mêmes le prix. Aussitôt chacun cacha son blé et les Parisiens ne trouvèrent plus à s'approvisionner en Beauce.

Seigneur, qui vous doint ce que plus desirez. Escript à Paris, le vnie jour d'avril.

Vostre très humble serviteur

F. Halle.

Au revers : A mon très honnoré Ssr, Monseigneur du Bouchage conseillier et chambellan du Roy nostre sire.

xn

15 Avril 1482

Le même au même. Nouveaux renseignements sur l'affaire des blés et sur le procès de Cillant.

(Bibl. uat., ms. fr. 2897, t» 70.)

Mon très honoré S»1", je me recommande à vostre bonne grâce tant et le plus comme je puis.

Je vous escripvy le lundi de Pasques touchant la provision des mandernens qu'on a baillez pour le fait des blez, qui, à l'occasion des deffences des commissaires baillifz et des abuz qui y ont esté faiz, sont en telle cherté qu'on n'en peut finer, et ce qu'il ne souloit valoir que xxvni sous ou deux frans vault aujourduy cinq et plus, dont le peuple murmure très fort, et qu'il estoit besoing d'y donner provision et au fait de la polixe de ceste ville. Et partit jeudi Mons. de Marceille pour aler vers Estampes et ailleurs pour la provision desd. blez, mais neantmoins ce pendant y a grant faulte, bruyt et murmure de peuple, péril et dangier. Et aujourduy ont esté atachez escripteaux en plusieur lieux en ceste ville qui portent que les escoliers de Paris et la commune se assembleront en brief temps et menassent de fureur de peuple et de voyes de fait à l'occasion de la faulte de cherté de blez, et y est le dangier bien grant pour la multitude des gens qui sont en ceste ville, mauvais garsons, gens de plusieurs et diverses nations et de mal contens.

Je en escriptz au Roy en la manière que verrez pour les présenter se

- jié -

veez que bon soit, en vous advertissant qu'il est bcsoing d'y donner provision, mais neantmoins ceulx de la ville, officiers, prevost des marchans, eschevins et autres se sont assemblez pour obvier aux inconveniens et pour se tenir sur leurs gardez et pourveoir au mieulx qu'on pourra au fait de la polixe.

On dit qu'il y a eu des abuz faiz par les commissaires, entre lesquelz on nomme Beauharnois et autres, et est besoing que par gens de bonne auctorité soit donnée provision au fait desd. blez et à la polixe de ceste ville et pour le dangier qui en peut advenir ; et pour ce ceulx de la ville escripvent touchant cette matière par les postes pour en advenir en toute diligence. Aussi en ay escript pour en advenir de ma part de ce que j'en ay veu.

Je escriptz aussi au Roy touchant la matière de Badefort pour laquelle Maistre Jehan Charpentier est venu par deçà par l'ordonnance du Roy, et y feray ce que je pourray, et croy que, veu les lettres du Roy, Mess de la court me communiqueront le procès et feront ce dont les advertiray.

Il a semblé que aucuns des presidens et conseilliez où le procès se jugeroit se doivent assembler, et moy en leur compagnie, pour veoir le procès et dire ce qu'il leur semble lequel des panies a le meilleur droit, car, se je le veoye tout seul, vous povez penser qu'ilz seraient mal contens, et ce venoit au jugier, ilz en feraient ainsi que bon leur semblerait; par quoy a semblé le mieux de les faire assembler, ainsi que dit est, pour après faire savoir au Roy qui aura le meilleur droit ; et par avant n'eussent riens fait pour moy sans lettres, car ilz n'ont acoustumé ne veullent communiquer leurs délibérations secretz de procès et oppinions, et pour ce plus tost, (et aussi pour ce que le procès n'est pas prest), on n'y eust peu riens faire, et n'a pas esté ma faulte, car de ce en ay escript par deux foiz.

Le Roy me escripvit le mardi de Pasques de envoyer aucunes coppies de lettres à Mons. de Maigny, que j'ay envoyées, mais les postes de Lusarches et autres faisoient difficulté de les porter ; pour ce plaise vous leur faire escripre qu'ilz ne facent plus de difficulté ne délaient à porter les lectres qui touchent le Roy, et que le Roy me escript que je les envoyé par eulx, autrement il pourrait avoir faulte en ce que le Roy ordonne.

Mons., encores vous avez sceu l'enchère que a mise Monseigneur de Bourbon, sur quoy la court n'a point encores ordonné sur la requeste qui a esté baillée de par vous pour monstrer l'abuz et delay qui venoit par ceulx de Culand pour délayer et empescher l'adjudication, et a l'en requis qu'il en feust débouté, ou au moins que promptement ou dedans brief delay il baillast le pris en quoy il a enchery les terres desd. de Culand, pour paier vous et autres selon la discution des criez ; mais, pour ce qu'il y a plusieurs qui portent et favorisent lesd. de Culand et mond. Sgr de Bourbon, n'est encores riens appoincté, mais Mons. de Nanterre a promis qu'on eust ung peu de patience et qu'il y feroit pour vous tout ce qu'il pourroit.

Lesd. de Culand ont parlé à Maistre Jehan Prévost, comme il m'a dit, et lui ont offert de bailler huit mil frans contens, en leur baillant delay de paier les trois autres mil frans, et fait plusieurs autres offres dont je croy qu'il vous a escript ou escripra ; mais veu les delaiz et termes qu'ilz vous ont tenus, et qu'ilz ne quierent que cavillations pour empescher l'adjudication ou vostre paiement total, ne m'a pas semblé acquiesser ausd. offres. Vous en manderés ce qu'il vous plaira.

Mon très honnoré Ssr, plaise vous tousjours me tenir en la bonne grâce du Roy et moy mander et commander voz bons plaisirs pour les acomplir de tout mon povoir, à l'aide et moien de la grâce Nostre Sgr, qui vous doint ce que plus desirez. Escript à Paris le xvme jour d'avril.

J'ay envoyé mon homme à Rouen porter les lettres de Mons. le gênerai Tuvache, lequel me l'a tenu bien longuement, et si ne m'a fait avantage des xv cens frans qui m'avoient esté retranchez que de quatre cens, et demeure encores retranché de xic frans ; et dit mond. Sr Tuvache qu'il faudrait que Mons. Tilhart lui mandast où il le prandroit et ceulx qui retrancherait. Aussi, Monsgr, je vous ay escript touchant mon excusation de la seigneurie des comptes que tenoit Maistre Simon Bureau, de laquelle n'ay prins possession.

Vostre humble serviteur, F. Halle.

Au revers : A mon très honoré Sgr, Monseigneur du Bouchage, conseillier et chambellain du Roy nostre sire.

- 3iS -

xm

14 Novembre 1482

Jean II, duc de Bourbon, prie Ymbert de Batarnay de consentir à un arrangement amiable avec le seigneur de Culant.

(Bibl. nat., ms. fr. 2907, fo 14, orig.)

Mons. du Bouchage, je me recommande à vous. Jehan de la Croix, mon serviteur, m'a escript bien au long les parolles que avez euez ensemble touchant le différent qui est entre vous et Mons. de Culant, duquel luy avoiz donné charge vous parler. Et pour ce que je vouldroiz bien que vous et luy fussiez d'acort, vous ay fait par mond. serviteur dire et présenter ce qui me semble estre raisonnable et que ne devez reffuser : auquel avez dit qu'estez content d'en faire ce que je diray, dont je vous mercie, et vous prie, Mons. du Bouchage, que ainsi le faitez, sans vous arrester à quelque petite difficulté que y faitez, disant que avez fait serement de non bailler réméré, car j'ay la matière fort à cuer. Et en ce faisant me ferez un singulier plaisir, duquel je vous seray tenu et le recongnoistrey, aident Nostre Seigneur, qui, Mons. du Bouchage, vous ait en sa sainte garde. Escript à Molins, le xiiiime jour de novembre.

« Mons., je vousprye que faites quelque chose pour l'amour de moy, et quant voudrez rien je feré ce que direz. Escript de la main

vostre Bourbonnais,

Jehan (:). »

Au revers : A Mons. du Bouchage.

([) Les mots entre guillemets sont autographes

Dernier Jour de Février 1483 Le même au même, pour la même affaire.

(Bibl. nat., ms. fr. 290S, f° 16, orig.)

Mons. du Bouschaige, je me recommande à vous. Le Sgr de Culant. mon serviteur, m'a dit que vous ou voz gens qui poursuivent le procès que vous avez contre Iuy ont volu innover a l'appoinctement que aviez prins ensemble, et ont comprins ou décret Culant, Chasteauneuf et Saint Deziré, combien qu'il eust esté dit qu'il n'y aurait que Chasteauneuf; et avec ce je m'attendoye bien que, à ma requeste, vous feussiez content de prendre de la rente sur luy pour le reste qu'il doit oultre cinquante mil frans au pris qu'il vous a baillé Chasteauneuf, ainsi que vous avoie escript et prié ; et, soubz ceste confiance, led. Sgr de Culant m'a rendues les bagues que luy avoie prestées. Mons. du Bouschaige, mon amy, je suis desplaisant dudit procès, et vous prometz que se pour amour de moy vous vous condescendez à faire ce dont vous ay escript, je le recognoistray envers vous en temps et lieu se bien que direz que je ne suis point imgrat, comme plus à plain ay donné charge de vous dire à Jehan de la Croix mon serviteur, pourteur de cestes, lequel j'envoie devers vous expressément pour ceste cause, vous priant que le vueillez croyre et monstrer par effect que voulez faire quelque chose à ma requeste. Et je prie à Dieu, Mons. du Bouschaige, qu'il vous doint ce que désirez. Escript à Molins, le derrenier jour de février.

Vostre Bourbonnais,

Jehan.

An revers : A Mons. du Bouschaige.

jo Janvier 1483 ?

Les consuls d'Avignon supplient Ymbert de Batarnay d'intercéder auprès du roi Louis XI, afin qu'il arrête les ravages qu'un capitaine, nommé Bernard de Guerlans, infligeait à leur territoire.

(Bibl. nat., ms. fr. 2896, f° 90, orig.)

Monseigneur, tant humblement et de si bon cueur qu'il nous est possible nous recommandons â vostre bonne grâce, à laquelle plaise savoir que nous envoyons ce présent pourteur expressément au Roy, pour advenir Sa Magesté comme ung cappitaine nommé Bernard de Guerlans avecques xvc hommes de guerre tant à cheval que à pied est descendu ou nom du Roy en ses marches et de fait est entré sur la terre de l'esglise, a pris par force et violence v ou vi places où ilz ont fait et font incessamment bcaucop de maulx, tuer gens, violler femmes et filles pucelles de quelque eaige qu'elles soient, brûler maisons et gens, desrober marchans sur chemins, prendre bestial et mesnaige des pouvres gens et les vandre de fait, et tant de maulx que l'on n'en debvroit pas faire tant en terre de Turcz. Et pour ce que nous savons bien que vous aimés ceste cité et le pais et avoir (sic) l'amour et la grâce du Prince, vous en avons voulu feablement escripre, en vous suppliant que vostre plaisir soit de adresser led. pourteur au Roy, et luy remonstrer lesd. oppressions et violences, et luy recommander très humblement la cité, terres et subgetz de l'esglise comme ses très humbles et bons serviteurs et alliez ; et luy supplier qu'il luy plaise en commandant led. Bernart estre pugny de ces grantz forsfaitz pour en donner exemple aux autres, et luy plaise de nous garder de toutes offences et oppressions, ainsi que sa dicte Magesté nous a promis au moyen du serrement que darrenierement luy feismes à Lyon, et de advenir sad. Magesté que quant led. Bernard eust heu mandement de luy et qu'il eust monstre, comment a esté requis par notaire public et tesmoingz, la cité et tout le pais pour honneur du Roy luy eust donné passaige et vivres, aide et secours de tout leur povoir, comme par plu-

sieurs fois luy a esté offert de faire, en raonstrant le mandement du Roy ; vous suppliant de rechief que toutes ses choses vous plaise de remonstrer au Roy et faire despeschier, nostred. chevaucheur, car led. cappitaine et ses gens incessamment font beaucop de maulx, ce que le pouvre pays n'a pas besoing. Et se en aucune chose vous pouvons servir, en le nous signiffiant l'accomplirons de très bon cueur, à l'ayde de Nostre S»r qui vous doint, magnifie et puissant Seigneur, tout ce que vostre noble cueur désire. Escript en Avignon, le xxxe de Janvier.

Les tous vostres sénateurs les consulz de la cité d'Avignon. Au dos : A magnificque et puissant seigneur, Monseigneur du Boschage, chambellan et conseiller du Roy.

Rapport d' Ymbert de Batarnay au Roi, après une enquête qu'il avait été chargé d'ouvrir en Provence pour l'exécution d'un vœu prononcé par Louis XI en faveur du sanctuaire de Sainte- Marthe, à Tarascon.

(Bibl. nat., ras. fr., 2902, f° 27, minute.)

Pour advenir le Roy de ce dont il m'a chargé touchant l'église de Madame Saincte Marthe.

Premièrement touchant les monnoyes qui avoient cours du temps du roy Clovis, pour moy informer de la valeur desdites monnoyes ayans cours au temps dud. Clovis, je me suis transporté à Nymes, à Monpellier, à Ays en Provence et en Avignon, mais je n'en ay peu rien trouver sinon depuis 11^' ans en sa, et estoient lesd. monnoyes plus fortes dès lors qu'elles ne sont de présent. Mais du temps dud. roy Clovis n'en ay rien trouvé pour ce qu'il y a ja mil ans ou bien près qu'il est mort ; et m'ont dit pardelà que touchant les monnoyes on en sara mieulx la vérité et de plus lonc temps à Paris que ailleurs.

Item, touchant la valeur et revenu de terres comprinses es fins et

limites de troys mille alentour que donna led. roy Govis à l'église de Madame Saincte Marthe, je n'ay peu scavoir en quelle valeur la chose estoit du temps dud. roy Clovis, mais j'ay sceu et ay esté informé par plusseurs que de présent dedans lesd. limites y a revenu, et dont ladicte église n'en jouyt point, montant à troys mil neuf cens et douze florins, le florin valent xms. mi d. tournois, ainsi que plus à plain led. seigneur pourra estre informé par le contenu es informations qui luy ont esté apportées de pardelà.

Item, et pour ce que lesd. terres et revenus sont de présent en aultres mains et possidées par aultres et de lonc temps, par quoy serait chose difficile de leur oster pour rendre à lad. église, semble que led. seigneur pourra recompenser et donner à lad. église du sien propre, tant de ce qu'il tient et posside encore dedans lesd. limites que près de là, jucques à lad. somme en valeur ou aultrement selon sa dévotion et bon plesir.

xvn

28 Juin 14. .

Frédéric, prince de Tarente, rentré à Naples après un séjour à la cour de France, remercie Yinbert de Tiatarnay de la bonne affection qu'il lui a témoignée.

(Bibl. nat., ils., f. 2907, f3 42, orig.)

Mons. du Bouschage, mon bon compère et amy, je me recommande à vous et vous remercye touzjours du bon recueil que vous faictes à mes gens qui sont pardelà quant je les envoyé devers le Roy. Je luy rescrips des nouvelles de pardeça et vous pry que vueillez adressez et conduire mes lettres envers luy et les expédiez le plus brief que vous pourrez, car pensez, mon compère, mon amy, qui me tarde beaucoup que ne puis savoir au vray de la bonne sente et estât de Monseigneur, que Dieu par sa grâce veille bien cotiserez et gardez. Je vouldroie, mon compère, mon amy, que vous eussiez esté pardeça à ma venue pour deux ou trois heures à veoir le bon recueil que le Roy mon père m'a

fait, la Royne et tous les seigneurs de pardeça. Je croy que bref m'en voys en Peulle avec belle compaignie de gens d'armes pour garder le pays contre les Venissiens, dont j'ay espérance de bien m'y acquitter, aidant Nostre Seigneur auquel je pry qui vous doint ce que desirez. Escript à Napples, le vingt huit1"» jour de Jung.

Le vostre,

Fedric (i).

Au revers : A Mons. du Bouschage.

xvm

20 Juillet 14. .

Lettre de Louis XI à Ymbert de Baiarnay, d'où il résulte que ce dernier avait la main du Roi.

(Bibl. nat., ms. fr, 2908, f° S, orîg.)

Mons. du Boschaige, je vous envoyé le double d'unes lettres de créance que j'envoye à Mons. de Lombes (2) pour aler devers la Royne de Castelle (3). Escripvez la lettre de ma main ainsi que avez accous-

(1) Le ms. fr. 2909 contient au f° 41 une autre lettre antérieure en date à celle-ci,

adressée à du Bouchage par le même correspondant, de Chinon, le 16 décembre Le

prince de Tarente remercie « son compère » pour une haquenèe qu'il lui a donnée et ajoute : « Il me desplaîst que je ne vous puys mercier à bouche de ce plaisir, des autres que m'avez faiz et de l'amour que me porîez... »

Frédéric d'Aragon, second 61s de Ferdinand Ier, roi de Nanles, n'entra en possession effective de la principauté de Tarente qu'en 14SS. Il monta sur le trône de Naples en 1496 et mourut en 1504. Après avoir séjourné auprès de Charles, dernier duc de Bourgogne, il le quitta la veille de la bataille de Morat (21 juin 1476), et passa quelque temps en France avant de retourner dans son pa3*s,

(2) Jean de Villiers de la Groslaye, évoque de Lombez, 1473-1499.

(3) Isabelle, sœur d'Henri l'Impuissant, monta sur le trône le ij décembre 1874.

tumé de faire affin de l'envoyer incontinent. Et à Dieu. Escript au Plessiez du Parc, le xxe jour de Juillet,

Loys.

Courtin.

Au revers : A nostre amé et féal conseiller et chambellan le sire du Bochaise.

21 Mars. — 3 Avril 1484

Le conseil du Roi opine pour que Charles d'Armagnac soit admis à réhabiliter la mémoire de son frère Jean V et reçoive la jouissance des domaines d'Armagnac.

(Bibl. nat., ms. fr. 29:9, f° ci. Extrait contemporain des registres du Conseil.)

Sur la requeste faicte par Charles d'Armengnac requérant estre receu à purger par justice les cas et crimes imposez au feu conte d'Armeignac son frère, non obstant l'arrcst donné par contumace à rencontre de sond. frère et au surplus lui bailler et octroyer la joissance des terres et seigneuries que appartenoient a sond. frère, a semblé que lad. requeste est juste et raisonnable et que le contenu en icelle lui doit estre octroyé et pareillement que on lui doit bailler la joissance soubz la main du Roy des fruitz et revenues desd. terres et seigneuries et que les places fortes d'icelles terres et seigneuries doivent estre mises es mains d'aucune personne seure pour les régir et gouvernez subz la main du Roy jusques à ce que autrement en soit ordonné.

Fait ou Conseil du Roy tenu à Tours le xxime jour de mars mil MI' IIIISX et troys, auquel estoient Mess. d'Orléans, de Bourbon, de Beaujeu, deDunoys, Conte Daulphin. Chancellier, Albi, Torci,

Perigueux, Gyé, Saint Denis, Labarde, Doriolle, Comminge, les deux presidens de Thoulouse, Baudot, du Lau, d'Argenton, Boisi, Messe Poncet du Monteil, Cousinot, doyen de Lengres (i).

Signé : A. Brinon.

Et depuis conmandé au conseil du Roy à Amboise le IIIe jour d'avril aud. an mil 1111= IIIIXX et troys.

Mai-Septembre 1485

(Expédition du temps, communiquée par M. A. de Gallier).

« Examen ajjutur (2) pour noble homme Ytnbert de Baternay, escuier, seigneur du Boschaige, contre Geuffroy de Montchenu. »

« Tesmoings examinez en la ville de Rouen par nous, Pierre Salât, conseillier du Roy Nostre Sire en son grant conseil, sa court de Parlement à Paris, et président en la chambre des enquestes de lad. court, commissaire en ceste partie par vertu de certaines lettres royaulx en forme de examen affutur, données à Rouen le vingtième jour de May, ce présent an mil CCCC quatre vings et cinq, impetrées de la partie de noble homme Ymbert de Baternay, escuier, seigneur du Bochage, et à nous présentées par honnorable homme et saige Maistre Astorg

(1) Louis, duc d'Orléans; Jean, duc de Bourbon; Pierre de Bourbon, seigneur de Beaujeu ; François d'Orléans, comte de Dunois ; Gilbert de Bourbon-Montpensier, comte-dauphin d'Auvergue ; Guillaume de Rocbefort, chancelier ; Louis d' Amboise, évêque d'Alby ; Jean d'Estouteville, seigneur de Torcy ; Geoffroy de Pompadour, èvèque de Perigueux ; Pierre de Rohan, seigneur de Gyé ; Jean de Villiers de la Groslaye, abbé de Saint- Denis en France ; Pierre Doriolle, président des comptes ; Odet d'Avdie, seigneur de Lescun, comte de Comminges ; Antoine de Castcluau, seigneur du Lau; Philippe de Conimynes, seigneur d'Argenton; Guillaume GoufEer, seigneur de Boisi; Guillaume Cousinot, seigneur de Monstreuil.

(a) Examen qui se faisait en vertu de lettres de chancellerie.

Glandiere, licencié en loix, procureur dud. Sgr du Boschage, comme apparu nous est par lettres de procuration seellées du seel de... (un blanc)... et datées du... (un blanc)... jour de May oud. an IIII™ et cinq, sur certains articles à nous baillez aud. lieu de Rouen par led. Maistre Astorg en l'ostel de Maistre Jehan Lamy situé devant l'abbaye de Saint Aniand où nous estions logez. Les dépositions desquelz tesmoings nous avons fait mettre et rédiger par escript en la forme qui s'ensuit, prins avec nous pour nostre adjoinct Maistre jaques... (un Hun-)..., dcmourant en l'ostel dud. maistre Jehan Lamy, et ce à rencontre de Geuffroy de Montchenu.

Et premièrement du XXlIIIrae jour de May, l'an mil CCCC IIII11 et cinq, en lad. ville de Rouen.

Noble homme Guillaume de la Cueille, seigneur de Fleurac, aaigé de quarante ans ou environ, tesmoing produit de la partie dud. seigneur du Bochage impétrant par ledit Maistre Astorg Glandiere, son procureur, juré en la présence dud. procureur de dire et porter bon et loyal tesmoingnage de vérité, et en l'absence de Geoffroy de Montchanu, partie adverse dud. du Boschaige, à ce souffisamment appelle, sur les vi, vu, vin, ix et xme articles de l'intendit à nous baillé par led. du Boschaige et premièrement sur les vi et vu dit et dépose qu'il est bien recors que ou temps que le feu Roy Loys vouloit aller au Puy et à Lyon, autrement du temps ne lui souvient, vint à il qui dépose en la ville de Moulins le seigneur de Sablon, et lui dist qu'il convenoit qu'il feist l'accord et traictié du différent qui estoit entre led. seigneur du Boschaige, d'une part, et Messire Falco de Montchenu, chevr, père de la femme dud. seigneur du Boschaige et niepce de il qui dépose à cause de la femme dud. Montchenu (i) qui estoit sa seur, d'autre. Auquel Sablon dist icelluy déposant qu'il ne s'en vouloit point mesler pour ce que led. de Montchanu estoit si opiniâtre et homme de sa voulenté qu'il ne se vouldroit renger ne faire ce que ses amys vouldroient. Auquel respondit Sablon que si feroit, disant que se il qui dépose se vouloit employer à l'appoinctement, que bon accord se trouveroit entre eulx, et feroit tant envers Monchenu qu'il escriroit unes lettres au feu Roy et les autres à il qui dépose pour le requérir qu'il

(:) Jaquette de la Cueille.

portast ses lettres aud. seigneur. Oye laquelle chose icellui déposant dist aud. Sf de Sablon qu'il s'emploieroit voulentiers pour les accorder. Et ce fait, led. Sablon s'en ala en Savoye devers led. de Montchenu, et peu de temps après lui envoya aud. lieu de Moulins deux lettres que escrivoit Montchenu, les unes au Roy et les autres à il qui dépose.

Dit oultre que quant il eust receu lesd. lettres, il party de Moulins et s'en ala devers le Roy qui lors estoit à Bourges, auquel il présenta lesd. lettres, et semble à il qui dépose que Monchenu escrivoit aud. seigneur qu'il lui pleust lui faire rendre ses terres et seigneuries, qu'il le voulsist tousjours avoir en sa bonne grâce et donner seureté de venir au Royaume duquel il avoit esté banny. Le Roy, veu lesd. lettres, respondit à il qui dépose qu'il estoit content de lui donner bonne seureté de venir au Royaume, et de fait la lui donna par ses lettres patentes, lesquelles le déposant envoya aud. de Monchenu en Savoye ; et, pour ce qu'elles n'estoient pas bien faictes i son gré, Montchenu les renvoya, et convint les faire en autre forme avant qu'il voulsist venir pardcça. Et depuis, au moien d'icelle seureté vint Montchenu en la ville de Lyon et amena sa femme et enfans, où il demoura l'espace de deux mois sans aucune contrainte.

Dit que pendant ce que Monchenu estoit a Lyon, il qui dépose et Artus de la Forcst parlèrent par plusieurs foiz aud. Monchenu et au seigneur du Boschage pour les mettre d'accord. Et semblablement furent envoyez devers les dessusd. de par le Roy l'evesque d'Evreux et le seigneur du Lude (i). Monchenu demandoit tousjours que on lui rendist la terre du Boschaige et deux ou trois fortes places qui furent à Messire Gabriel de [Rossillon] que tenoit led. seigneur du Boschaige et aussi Chasteau Neuf de Galaure que le Roy tenoit. Et en ces entrefaictes et pourparlemens led. de Monchenu se mist en franchise à Lyon ayant paour que le Roy le feist prendre ou arrester. Et adonc il qui dépose s'en alla devers le Roy et ne lui dist pas que Monchenu s'estoit mis en franchise pour doubte qu'il ne s'en courrousast, mais lui dist que l'on ne povoit trouver accord entre eulx et que led. de Montchenu s'en vouloit aler ; auquel le Roy respondit qu'il s'en alast et que

(i) Jean Héberge, évèque d'Evreux, 1474-1479. — Jean de Daillon, seigneur du Lude, chambellan de Louis XI et gouverneur du Dauphiné, mort en 14S0.

il qui dépose retint sa seur, la femme dud. Monchenu, sa niepce, et les enfans, et que pour l'amour de lui le roy les traicteroit bien. Et combien que Monchenu eust congié de s'en retourner, touteffoiz il qui dépose et Artus de la Forest firent tant envers lui qu'il demoura, sans lui dire que le Roy estoit content qu'il s'en alast, et le firent afin que l'en veist se on pourroit encores faire quelque accord ou appoinctement avec eulx.

Dit que à ceste cause de rechef fut pourparlé aud. lieu de Lyon dud. appoinctement, et requist la femme de Monchenu à il qui dépose, son frère, que pour Dieu l'on trouvast quelque appoinctement entre son mary et du Bochage ; à quoy lui, Artus de la Forest, le Sgr du Lude et l'evesque d'Evreux se emploierent. Et pour ce que le Roy tenoit par confiscation, comme il disoit, la terre et seigneurie de Chasteauneuf de Galaure appartenant aud. de Monchenu de son héritaige, requérant tousjours Monchenu au Roy qu'il lui rendist sa terre, disant que jamais n'avoit fait trayson ne commis crime par quoy il deust avoir confisquée lad. seigneurie, à quoy ne vouloit entendre le Roy, si furent faictes plusieurs ouvertures pour trouver accord entre eulx. Et finablement par le moien des seigneurs dessusd. accord et transaction fut fait entre icellui de Montchenu et led. Sg1 du Bochaige, présent il qui dépose, en la manière qui s'ensuit : c'est assavoir led. de Monchenu ratifia, emologua et approuva tout ce que au traicté du mariaige du seigneur du Boschaige et de la fille dud. de Monchenu avoit esté fait touchant la donnation de la seigneurie du Boschaige, et le Sp du Bochage promist payer et délivrer aud. de Monchenu la somme de deux mil cinq cens escuz pour marier sa seconde fille. Et au moien dud. accord, le Roy fist rendre et délivrer aud. de Monchenu sa terre et seigneurie de Chasteauneuf de Galaure.

Enquis se led. accord fut fait au pourchaz et requeste dud. de Monchenu, dit que non, mais que ce fut à la requeste de sa femme qui estoit seur de il qui dépose, qui requist affectueusement icellui déposant son frère de faire led. accord, et disait en plorant aud. de Monchenu son mari s'il vouloit qu'elle et ses enfans alassent tousjours quérir leur pain parmy le monde et mendier leur vie ; et croit qu'elle fut cause pourquoy led. de Monchenu se condescendit à faire led. appoinctement.

Enquis se l'accord fut fait par force et violence et se led. de Monchenu estoit en sa franche liberté à Lyon quant led. accord fut fait, dit que led. de Monchenu estoit en sa liberté en la ville de Lyon. Bien est vray qu'il y vint à seureté et ne lui fut faicte aucune contrainte, menaces, force ne violence pour passer led. accord, mais le passa de sa pure et franche liberté. Bien croit il qui dépose que ce fut pour pitié de sa femme et enfans et en faveur de il qui dépose qui estoit frère de sad. femme, et aussi pour l'onneur du Roy qui estoit lors à Lyon ; et se n'eust esté cela, led. accord n'eust point esté passé. Et fut led. accord publié, décrété et emologué publiquement en l'auditoire de Lyon, presens lesd. parties, il qui dépose, le seigneur du Lude, l'evesque d'Evreux, le lieutenant du bailli, l'official de Lyon et plusieurs autres gens de bien, et fut fait tout libéralement du gré et voulenté des parties et sans aucune contrainte. Et autre chose ne scet led. déposant du contenu esd. articles et intendit, sur tout diligemment enquis et interrogué. »

Suit la déposition de Maistre Estienne Petit, notaire et secrétaire du Roi, témoin produit par le procureur du seigneur du Bouchage, le 2$ mai, à Rouen.

« Et premièrement, enquis sur lesd. ix et xc articles, dit qu'il lui souvient bien que le feu roy Loys, que Dieu absoille, estant en la ville de Lyon, il y eust quelque transaction ou appoinctement passez entre Mons. du Bochage et son beau père, père de Madamoiselle du Bouschage, touchant les differens qui estoient entre eulx, mais qu'il sceust dire nommeement touchant quoy estoit lad. transaction ne qu'elle contenoit, il ne saurait le dire.

Dit oultre qu'il a parfaicte souvenance de ce que dit est et qu'il lui en souvient parce que, comme il lui semble, il trouva un matin devant disner Mons. du Bouschage en une court prés d'un auditoire, n'est recors se c'est l'auditoire du Roy ou de l'Arcevesque, et disoit l'en qu'il estoit là venu pour le fait dud. différent qu'il avoit avec sond. beau père pour y passer et faire quelque appoinctement et conclusion.

Dit oultre que à son adviz Maistres Raoul Pichon et Jaques Louet, conseilliers du Roy, qui lors estoient à Lyon, devraient savoir à parler quelque chose de ceste matière, et que se feu Mons. l'Evesque d'Evreux estoit vivant, qu'il en sauroit bien à parler. Et laquelle déposition led.

déposant a signée de son seing manuel, et autre chose n'en scet, comme il dit, diligemment enquis et interrogué.

Suit la déposition de Me Jehan Robineau, notaire et secrétaire du Roi, témoin produit par le procureur du seigneur du Bouchage, le 26 mai, à Rouen.

« Et premièrement sur lesd. xi et XIIe articles dit qu'il a mémoire que le feu roy Loys, que Dieu absoille, estant à Lyon, il oyt dire ung jour duquel il n'est recors que feu Mons. du Lude, le président et aucuns autres conseilliers de la court de parlement du Daulphiné et autres aloient au bout des pons du Rosne de lad. ville de Lyon pour ce que c'est ou Daulphiné, et que là se devoit ratifier et approuver certaine transaction faicte entre Mons. du Boschage, son beau père et son filz. Et advint que led. déposant les y veit aler ainsi qu'il aloit à l'esbat sur lesd. pons, et fut jusques en l'ostel où ilz furent, qui est une hostellerie aud. bout des pons à main droicte à l'issue desd. pons, ne scet quelle enseigne y pend, et y estoit avec les dessusd. le seigneur de Florac, et veit que lesd. feu seigneur du Lude, président et ceulx qui là estoient, (et lui semble qu'il congnoist et a bien mémoire qu'il y avoit ung conseillier qui depuis a esté à Romme pour led. feu seigneur, ne le scet autrement nommer), montèrent en une chambre haulte, et quant ilz y furent, commencèrent à eulx asseoir selon leurs degrez et auctoritez ; et y estoient, comme lui semble, led. seigneur du Boschage, sond. beau père et son filz en personne. Et ce fait, fut dit plusieurs paroles desquelles led. déposant n'est recors. Et après fut leu à haulte voix certains appoinctemens et accors faisans mention des dessusd., lesquelz led. déposant n'a mis en son entendement. Touttefoiz bien est recors, ainsi qu'il lui semble, que en faveur desd. appoinctemens led. feu Roy Loys donnoit aud. beau père dud. seigneur du Bochage le revenu d'aucunes places ou Daulphiné à l'estimation de six cens livres tournois de rente et retenoit led. filz en son service, auquel il donnoit et ordonnoit vingt escuz par mois. Lui semble que là furent ratifiez lesd. appoinctemens et n'y veit aucune force ne violence.

Dit que lors avoient de grans charges à l'entour de la personne dud. feu seigneur le feu evesque d'Evreux, Maistres Raoul Pichon et Jaques Louet ; et par les deux qui sont encore vivans pourroit l'en savoir bien

avant de ceste matière, et n'est recors s'ilz estoient ausd. bouts des

pons ou non. Et lad. déposition contenant ce que dit est led. déposant

a signée de son seing manuel et plus n'en scet, comme il dit, sur tout

diligemment enquis et examiné. »

« P. Salât. »

Suit la déposition de Rév. Père en Dieu Mons. Jehan, êvêque de Lombez, abbé de Saint-Denis en France, conseiller du Roi, âge de cinquante-huit ans ou environ, témoin produit par le procureur du seigneur du Bouchage. Ce témoin fut examiné par le même P. Salât, assisté de Me Jehan Prévost, notaire et secrétaire du Roi et clerc en sa Chambre des Comptes, le iy septembre 14S5, en l'hôtel du collège de Saint-Denis, « assez près les Augustin*, « éi Paiii. Comme précédemment, l'examen eut lieu en l'absence de Montchenu. L'évêque Je homhe\ déposa, « par son sûrement solemnellement fait sur ses saintes ordres et en parole de prélat, ce qui s'ensuit » :

« Et premièrement qu'il est vray que le roy Loys estant à Lyon un l'an mil CCCC soixante seize et led. déposant en la compaiguie dud. Sêr ayant la charge de son grand conseil, icellui déposant oy dire à plusieurs que le Roy ala uug jour en la ville et entra en une maison où il fist venir parler à lui led. de Monchenu, beau père de Mons. du Boschaige, et illec fut traicté l'appoinctement entre lesd. parties, et estoit led. de Montchenu en la ville de Lyon sans contraincte, et fut fait le contract, comme dient ceulx qui y estoient presens, libéralement, et parla le Roy à lui avecques très honnestes et gracieuses paroles, ainsi que led. déposant oyt par le rapport de plusieurs gens de bien qui estoiûnt presens. Et aucuns jours après Moiib. du Lude, gouverneur du Daulphiné, cui Dieu pardoint,et Mong. du Boschaige, ou l'und'eulx, (et n'est icellui déposant pas bien recors si tous deux estoient ensemble,) vindrent dire aud. déposant qu'il voulsit se transporter le soir en l'auditoire de l'official de Lyon et qu'il menast avec lui aucuns du conseil du Roy pour illec estre presens à veoir interposer le décret esd. traicté et appoinctement qui faiz avoient esté entre lesd. parties. Laquelle chose led. déposant fist très volentiers et y ala, et fut presens avec plusieurs du conseil et grant nombre de gens, et fut leu le traicté et appoinctement devant led. officiai de Lyon estant en son auditoire, et oyt led. déposant led. de Montchenu qui reprint les paroles après

qu'elles furent recitées par le lisant et recita aucunes paroles du malcontentement qu'il avoit eu le temps passé, mais que maintenant le Roy avoit parlé à lui et lui avoit fait cest honneur de soy mesler de faire led. appoinctement et lui avoit dit plusieurs choses et de belles paroles. Entre les autres lui avoit dit que aucunes foiz los vaut bien l'or, et estoit pour ce que led. de Montchenu se tenoit de plus grant maison et lignée que Mons. du Boschaige, car, ainsi que le déposant sceut par la relation de ceulx qui estoient presens, le Roy lui avoit dit qu'il ne devoit pas estre mal content si Mons. du Boschaige avoit espousé sa fille, car s'il ne l'eust espousée il lui en eust donnée une autre de plus grant lignée que la sienne, et pour ce lui dist le Roy que los valoit aucunes foiz l'or. Et là fut interposé le décret par led. officiai de Lyon, et estoit led. de Montchenu en sa franchise et liberté, sans nulle violence, acompaigné de beaucop de gentilzhommes et gens de bien de sa lignée, lesquelz estoient très bien joyeulx de l'appoinctement ainsi fait, et encores lui plus que les autres, ainsi qu'il monstroit semblent. Et depuis le Roy lui ordonna estât et pension dont il a joy après, ainsi que led. déposant a entendu. Laquelle déposition contenant ce que dit est icellui déposant a signé de son seing manuel et fait signer par son secrétaire, comme par icelle estant au sac pourra apparoir. Et autre chose ne plus avant ne sauroit déposer du contenu esd. articles, comme il dit, lui sur ce diligemment requis et interrogué. »

« P. Salât. » « Le Prévost. »

20 Août 1485

(Bibl. nat., ms- fr. 2923, P> 1, orig.)

Instructions à Ymbert de Batarnay, chevalier, seigneur du Bouchaige, conseiller et chambellan du Roy, de ce qu'il a à dire aux bourgois, manans et habitans de la ville d'Orléans.

Premièrement leur baillera les lettres que le Roy leur escript et fera les salutations acoustumées.

Item, leur dira comme le Roy partit de Paris mardi derrenier pour

venir es marches de pardeça, pour aucunes assemblées de gens de guerre qui se faisoient, qui pilloient le pais du Roy et vivoient sur le peuple, ce qui n'estoit pas délibéré de souffrir, et que pour la grande loyauté que ceulx de la bonne -ville et cité d'Orléans ont tousjours eu à la couronne de France et les bons et grans services qu'ilz ont faiz au feu Roy Loys, que Dieu absoille, au temps du bien publicque, et aussi au Roy Charles septiesme au temps du siège d'Orléans où ilz souffrirent tant et portèrent tant de peine et de travail et consumèrent la pluspart de leurs biens et chevances, et aussi le service qu'ilz ont fait au Rov qui est à présent et les bons et honnestes termes qu'ilz ont tenu l'yver passé, en continuant tousjours en leur bonne et grande loyaulté, lu Roy est délibéré de les aller veoir et vesiter et de les mercyer en personne.

Item, leur dira que le Roy leur prie qu'ilz vueillent faire faire bon guet et bonne porte et que nulles gens ne y entrent ne aucuns seigneurs jusques à ce que le Roy y soit, affin de garder leurd. ville en la bonne obéissance du Roy, comme ilz ont fait jusques à présent.

Item, si ainsi estoit que Mons. le duc d'Orléans voulsist et feust prest à entrer en lad. ville d'Orléans et que ceulx de lad. ville le y voulsissent mettre, leur dira que le Roy a esté adverty qu'il y a aucune entreprinse sur lad. ville, et pour ce que le Roy se tient tant tenu à lad. ville pour leur grande loyaulté et les grans services qu'ilz ont fait tant à luy que à ses prédécesseurs, le Roy les en a voulu incontinent advertir par led. du Bouchaige pour eulx en prandre garde, et leur dire qu'il leur prie qu'ilz ne vueillent laisser entrer Mons. le duc d'Orléans en lad. ville, ne autres, jusques à ce qu'il y soit.

Item, leur dira que le Roy, toutes choses laissées, est délibéré de mettre sa personne en lad. ville pour leur aider et secourir en toutes leurs affaires et les garder de toute oppression, force et violence, et que le Roy son père luy charga et luy dist que il les eust pour recommandez et qu'il eust fiance et seureté en eulx, car ses prédécesseurs avoient esprouvé leur loyaulté, et que aussi avoit il, et qu'ilz ne feroieut jamais faulte à la couronne ne aux Roys de France.

Item, leur dira que quant le Roy sera en lad. ville d'Orléans, se Mons. le duc d'Orléans veult venir devers luy en son estât comme il a acoustumé, le Roy lui fera bonne chère.

Item, leur dira que lesd. assemblées ne entreprinses ne viennent point du mouvement de Mons. le duc d'Orléans, mais d'aucuns qui sont à l'entour de luy qui n'ayment le bien du Roy ne de son royaume.

Item, led. du Bouchaige fera faire le logis du Roy en sa maison au cloistre Sainct Aignen.

Fait à Marcoussis (i), le xxme jour d'aoust, l'an mil CCCC

IIII» et cinq.

Charles.

Parent.

xxn

18 Janvier 1487

Charles VIII donne ordre à Ymbert de Batarnay de poursuivre sans retard ï 'accomplissement de sa mission pour l'apaisement du différend de Saluées.

(Bibl. nat-, ms. fr. 2923, f° 37, orig.)

De par le Roy.

Nostre amé et féal, par ce que nostre très cher et très amé oncle le comte de Bresse (?.) nous a escript, avons sceu son allée devers nostre très cher et très amé cousin le duc de Savoie pour besongner en la charge que par vous luy avons derrenierement envoyée, et vous savons bon gré de la bonne diligence que y faictes. Nous avons ouy le Marquis de Saluces et le Sgr de la Forest (3) qui sont venuz devers nous pour ceste matière. Toutesfoiz, comme escripvons présentement à nostred. oncle, ne différez point pour leur venue de parachever vostred. charge selon et en ensuivant voz instructions et ce que vous avons ordonné, car nous n'entendons pas que aucune chose en doye estre

(1) Seine-et-Oise, canton de Limours.

(2) Philippe de Savoie, comte de Baugè, seignenr de Bresse, fils de Louis, duc de Savoie, né en 1438, monta sur le trône ducal en 1496, après la mort de son petit-neveu Charles-Jean-Amè, et mourut le 7 novembre 1497.

(3) Louis II, marquis de Saluces, mort en 1304.

Antoine, seigneur de la Forest eu Savoie, ancien gouverneur et favori du duc Charles de Savoie.

retardée. Et pour ce besongnez y en diligence avec luy ainsi que avons en vous nostre parfaicte fiance, et souvent nous advertissez de ce que y aurez fait ensemble de ce qui surviendra pardela, et vous nous ferez service très agréable. Donné a Amboise, le xvmmc jour de janvier.

Charles.

Damont.

Au revers : A nostre amé et féal conseillier et chambellan le Sire du Bouchage.

xxm

19 Janvier 1487

L 'amiral de Graville envoie à Ymbert de Batarnay des nouvelles de ce qui se passe à la Cour et dans le Royaume.

(Bibl. nat., ras. fr. 2925, fo 2S, orig.)

Mons. du Bouchage, je me recommande à vous tant comme je puis. J'ay receu les lettres que vous m'avez escriptes. Vous avez fait merveilleusement bonne diligence, maiz sa esté grant faulte d'avoir oblyé voz lettres. L'en les vous envoyé à toute dilligence par ce porteur.

Le Marquis de Salluces et Mons. de la Forest sont icy et chacun d'eulx a conté ses bonnes raisons au mieulx qu'il a peu devant le Roy. Il a esté dit ce qu'il fault dire aud. Ssr de la Forest selon le contenu en vostred. lettre, en lui donnant assez à congnoistre queled. Ssr soustendra son hommage. Hz seront depeschez tous deulx bien tost et s'en retourneront. Le duc de Millan (i) a escript lettres au Roy touchant ceste matière, en donnant à congnoistre que il n'a pas baillé les gens à Mons. de Savoye, pensant qu'il despleust au Royetque ce feust contre led. hommage et que incontinent qu'il en a esté adverty qu'il les a fait retirer.

Des nouvelles de pardeça, pour ce que le Roy en escript bien au long à Mons. de Bresse, je ne vous en escrips point, sinen que le bruyt est que ses seigneurs ont semblable vouloir de faire une telle chose

(1) Jean-Galéas-Marie Sforza, 1476-1494.

qu'ilz feirer.t il y a deux ans, et desja commancent très bien. Vous devez faire la plus grant diligence que vous pourrés d'expédier la charge que vous avez de pardellà, affin de vous en retourner devers le Roy, car vous y pourrés bien servir.

L'ambassade de Bretaigne a esté icy et s'en est retournée. Hz y estoient à l'eure que Mons. d'Orléans s'en partit pour s'en aller a Nantes, dont ilz ont fait fort des esbaiz, disans qu'il n'en estoit nouvelles a l'eure de leur partement. Le Roy y envoyé Mons. de Bordeaulx fi), l'advocat Thiboust et d'autres pour veoir ce qu'il se pourra faire touchant ses matières. S'il sourvient riens dont il soit besoing que soiez adverti par cependant que vous serez pardellà, vous le serez. En tout et partout faites la meilleure dilligence que vous pourrés.

Mons. du Bouchage, je ne vous escrips autre chose pour ceste heure, sinon que s'il est quelque plaisir que je vous puisse faire, faictes le moy savoir et je le feray de bon cueur. En vous disant à Dieu, à qui je pri qu'il vous doint tout ce que plus vous desirez. Escript à Amboyse le xixme jour de janvier.

Mons. du Bouchage, depuis ses lettres escriptes, et non obstant que j'eusse donné charge à vostre page de ne partir point sans prandre mes lettres, il s'en est allé, et les vous envoyé par ce porteur.

Le tout vostre,