LeCinquiemeLivre · 27

anvrge depuis noſtre entree n’auoit autre choſe que profondement contemplé les minois de ces royaux fredons : adonc tira par la manche vn d’iceux, maigre comme vn diable ſoret, & luy demanda, Frater fredon, fredon, fredondille, où eſt la garſe ?

Le Fredon luy reſpondit. Bas.

Pan. En auez vous beaucoup ceans ? Fr. peu.

Pan. Combien au vray ſont-elles ? Fr. vingt.

Pan. Combien en voudriez vous ? Fr. cent.

Pan. Où les tenez vous cachees ? Fr. là.

Pan. Ie ſuppoſe qu’elles ne ſont toutes d’vn aage, mais quel coeſage ont-elles ? Fr. droit.

Pan. Le taint quel ? Fr. lys.

Pan. Les cheueux ? Fr. blonds.

Pan. Les yeux quels ? Fr. noirs.

Pan. Les tetins ? Fr. ronds.

Pan. Le minois ? Fr. coinct.

Pan. Les ſourcils ? Fr. mols.

Pan. Leurs attraicts ? Fr. meurs.

Pan. Leur regard ? Fr. franc.

Pan. Les pieds quels ? Fr. plats.

Pan. Les talons ? Fr. courts.

Pan. Le bas quel ? Fr. beau.

Pan. Et les bras ? Fr. longs.

Pan. Que portent-elles aux mains ? Fr. gands.

Pan. Les anneaux du doigt quoy ? Fr, d’or.

Pan. Qu’employez à les veſtir ? Fr. drap.

Pan. De quel drap les veſtez vous ? Fr. neuf.

Pan. De quelle couleur eſt-il ? Fr. pers.

Pan. Leur chapperonnage quel ? Fr. bleu.

Pan. Leur chauſſure quelle ? Fr. brun.

Pan. Tous les ſuſdits draps quels ſont-ils ? Fr. fins.

Pan. Qu’eſt-ce de leurs ſoulliers ? Fr. cuir.

Pan. Mais quels ſont-ils volontiers ? Fr. ords.

Pan. Ainſi marchent en place ? Fr. toſt.

Pan. Venons à la cuiſine, ie dis des garſes, & ſans nous haſter eſpluchons bien tout par le menu. Qui a il en cuiſine ? Fr. feu.

Pan. Qui entretient ce feu là ? Fr. bois.

Pan. Ce bois icy quel eſt-il ? Fr. ſec.

Pan. De quels arbres le prenez ? Fr. d’If.

Pan. Le menu & les fagots ? Fr. d’houſt.

Pan. Quel bois bruſlez en chambre ? Fr. pins.

Pan. Et quels arbres encores ? Fr. teils.

Pan. Des garſes ſuſdites i’en ſuis de moitié, comment les nourriſſez vous ? Fr. bien.

Pan. Que mangent-elles ? Fr. pain.

Pan. Quel ? Fr. bis.

Pan. Et quoy plus ? Fr. chair.

Pan. Mais comment ? Fr. Roſt.

Pan. Mangent-elles point ſouppes ? Fr. point.

Pan. Et de patiſſerie ? Fr. prou.

Pan. I’en ſuis : mangent-elles point poiſſon ? Fr. ſi.

Pan. Comment, & quoy plus ? Fr. œufs.

Pan. Et les aiment ? Fr. cuits.

Pan. Ie demande comment cuits ? Fr. durs.

Pan. Eſt-ce tout leur repas ? Fr. non.

Pan. Quoy donc, qu’ont-elles d’auantage ? Fr. bœuf.

Pan. Et quoy plus ? Fr. porc.

Pan. Et quoy plus ? Fr. oys.

Pan. Quoy d’abondant ? Fr. Iars.

Pan. Item ? Fr. coqs.

Pan. Qu’ont-elles pour leur ſaulce ? Fr. ſel.

Pan. Et pour les friandes ? Fr. mout.

Pan. Pour l’iſſue du repas ? Fr. ris.

Pan. Et quoy plus ? Fr. laict.

Pan. Et quoy plus ? Fr. pois.

Pan. Mais quels pois entendez vous ? Fr. vers.

Pan. Que mettez vous auec ? Fr. lard.

Pan. Et des fruits ? Fr. bons.

Pan. Quoy ? Fr. cruds.

Pan. Plus ? Fr. noix.

Pan. Mais comment boiuent-elles ? Fr. net.

Pan. Quoy ? Fr. vin.

Pan. Quel ? Fr. blanc.

Pan. En hyuer ? Fr. ſain.

Pan. Au printemps ? Fr. bruſq.

Pan. En eſté ? Fr. frais.

Pan. En autonne & vendange ? Fr. doux.

Pote de froc, s’eſcria frere Iehan, comment ces maſtines icy fredonniques deuroient eſtre groſſes, & comment elles deuroient aller au trot : veu qu’elles repaiſſent ſi bien & copieuſement. Attendez, diſt Panurge, que i’acheue. Quelle heure eſt quant ſe couchent ? Fr. nuict.

Pan. Et quant elles ſe leuent ? Fr. iour.

Voicy, diſt Panurge, le plus gentil fredon que ie cheuauchay de ceſt an : pleuſt à Dieu, & au benoiſt ſainct Fredon, & à la benoiſte & digne vierge ſaincte Fredonne, qu’il fuſt premier Preſident de Paris. Vertu goy, mon amy, quel expediteur de cauſes, quel abreuiateur de proces, quel vuydeur de debats, quel eſplucheur de ſacs, quel fueilleteur de papiers, quel minuteur d’eſcritures ce ſeroit ? Or maintenant venons ſur les autres viures, & parlons à traits & à ſens raſſis, de noſdictes ſœurs en charité. Quel eſt le formulaire ? Fr. gros.

Pan. A l’entree ? Fr. frais.

Pan. Au fond ? Fr. creux.

Pan. Ie diſois qu’il y faict ? Fr. chaud.

Pan. Qui a il au bord ? Fr. poil.

Pan. Quel ? Fr. roux.

Pan. Et celuy des plus vieilles ? Fr. gris.

Pan. Le ſacquement d’elles, quel ? Fr. prompt.

Pan. Le remuement des feſſes ? Fr. dru.

Pan. Toutes ſont voltigeantes ? Fr. trop.

Pan. Vos inſtrumens quels ſont-ils ? Fr. grands.

Pan. En leur marge quels ? Fr. ronds.

Pan. Le bout de quelle couleur ? Fr. bail.

Pan. Quant ils ont fait quels ſont-ils ? Fr. coys.

Pan. Les genitoires quels ſont ? Fr. lourds.

Pan. En quelle façon trouſſez ? Fr. pres.

Pan. Quant c’eſt faict, quels deuiennent ? Fr. mats.

Pan. Or par le ſerment qu’auez faict, quant voulez habiter comment les proiettez vous ? Fr. ius.

Pan. Que diſent-elles en culletant ? Fr. mot.

Pan. Seulement elles vous font bonne chere, au demourant elles penſent au ioly cas ? Fr. vray.

Pan. Vous font-elles des enfans ? Fr. nuls.

Pan. Comment couchez enſemble ? Fr. nuds.

Pan. Par ledit ſerment qu’auez faict, quantes fois de bon compte ordinairement le faictes vous par iour ? Fr. ſix.

Pan. Et de nuict ? Fr. dix.

Cancre, diſt frere Iehan, le paillard ne daigneroit paſſer ſeize, il eſt honteux.

Pan. Voire le ferois tu bien autant frere Iehan ? Il eſt par dieu ladre verd. Ainſi font les autres ? Fr. tous.

Pan. Qui de tous le plus galland ? Fr. moy.

Pan. N’y faictes vous onques faute ? Fr. rien.

Pan. Ie perds mon ſens en ce poinct : ayans vuydé & eſpuyſé en ce iour precedent, tous vos vaſes ſpermatiques, au iour ſubſequant, y en peut-il tant auoir ? Fr. plus.

Pan. Ils ont, ou ie reſue, l’herbe de l’Indie, celebree par Theophraſte. Mais ſi par empeſchement legitime, ou autrement, en ce deduit aduient quelque diminution de membre, comment vous en trouuez vous ? Fr. mal.

Pan. Et lors que font les garſes ? Fr. bruit.

Pan. Et ſi ceſſiez vn iour ? Fr. pis.

Pan. Alors que leur donnez vous ? Fr. trunc.

Pan. Que vous font-elles pour lors ? Fr. bren.

Pan. Que dis tu ? Fr. peds.

Pan. De quel ſon ? Fr. cas.

Pan. Comment les chaſtiez vous ? Fr. fort.

Pan. Et en faictes quoy ſortir ? Fr. ſang.

Pan, En cela deuient leur tain ? Fr. tainct.

Pan. Mieux pour vous il ne ſeroit ? Fr. painct.

Pan. Auſſi reſtez vous touſiours ? Fr. craints.

Pan. Depuis elles vous cuident ? Fr. ſaincts.

Pan. Par ledit ſerment de bois qu’auez fait quelle eſt la ſaiſon de l’annee quant plus laſches le faictes ? Fr. aouſt.

Pan. Celle quant plus bruſquement ? Fr. mars.

Pan. Au reſte vous le faictes ? Fr. gay.

Alors, diſt Panurge en ſouſriant, voici le pauure fredon du monde : auez vous entendu comment il eſt reſolu, ſommaire & compendieux en ſes reſponſes : il ne rend que monoſyllabes. le croy qu’il ſeroit d’vne cerize trois morceaux. Corbieu, diſt frere Iehan, ainſi ne parle il mie auec ſes garſes, il y eſt bien polyſyllabe : vous parlez de trois morceaux d’vne ceriſe, par ſainct gris ie iurerois, que d’vne eſpaule de mouton il ne feroit que deux morceaux, & d’vne quarte de vin qu’vn traict. Voyez comment il eſt hallebrené. Ceſte, diſt Epiſtemon, meſchante ferraille de moines ſont par tout le monde ainſi aſpres ſus les viures, & puis nous diſent qu’ils n’ont que leur vie en ce monde. Que diable ont les Roys & grans Princes ?

Qui voudroit fonder vng convent
Voicy freres de la grant Ordre. »

(Le Duchat)