LeCinquiemeLivre · 45

acbvc iettans ne ſçay quoy dedans le timbre, dont ſoudain fut l’ebulition de l’eau reſtaincte, mena Panurge au temple maior, au lieu central, auquel eſtoit la viuifique fontaine. Là tirant vn gros liure d’argent, en forme d’vn demy muy, ou d’vn quart de ſentences, le puyſa dedans la fontaine, & luy diſt. Les Philoſophes preſcheurs & docteurs de voſtre monde vous paiſſent de belles parolles par les aureilles, icy nous realement incorporons nos preceptions par la bouche. Pourtant ie ne vous dy, liſez ce chapitre, voyez ceſte gloſe : Ie vous dy, taſtez ce chapitre, auallez celle belle gloſe. Iadis vn antique Prophete de la nation Iudaïque mangea vn liure, & fut clerc iuſques aux dents : preſentement vous en boirez vn & ſerez clerc iuſques au foye. Tenez, ouurez les mandibules. Panurge ayant la gueule bee, Bacbuc print le liure d’argent, & penſions que fuſt veritablement vn liure, à cauſe de ſa forme qui eſtoit comme d’vn breuiaire, mais c’eſtoit vn breuiaire vray, & naturel flaſcon plein de vin Phalerne : lequel elle fiſt tout aualler à Panurge.

Voicy, diſt Panurge, vn notable chapitre, & gloſe fort autentique : eſt-ce tout ce que vouloit pretendre le mot de la Bouteille trimegiſte ? I’en ſuis bien vrayement. Rien plus, reſpondit Bacbuc, car Trinch, eſt vn mot panomphee, celebre & entendu de toutes nations, & nous ſignifie, beuuez. Vous dites en voſtre monde que, ſac, eſt vocable commun en toute langue, & à bon droit, & iuſtement de toutes nations receu. Car, comme eſt l’Apologue d’Eſope, tous humains naiſſent vn ſac au col, ſouffreteux par nature, & mandians l’vn de l’autre. Roy ſouz le Ciel tant puiſſant n’eſt, qui paſſer ſe puiſſe d’autruy : Pauure n’eſt tant arrogant, qui paſſer ſe puiſſe du riche, voire fuſt-ce Hippias le Philoſophe, qui faiſoit tout. Encores moins ſe paſſe lon de boire qu’on ne fait de ſac. Et icy maintenons que non rire, ains boire eſt le propre de l’homme : Ie ne dy boire ſimplement & abſolument, car auſſi bien boiuent les beſtes : ie dy boire vin bon & frais. Notez, amis, que de vin diuin on deuient : & n’y a argument tant ſeur, ny art de diuination moins ſallace. Vos Academiques l’afferment rendans l’etimologie de vin, lequel ils diſent en grec οἶνος eſtre comme vis-force, puiſſance. Car pouuoir il a d’emplir l’ame de toute verité, tout ſauoir & philoſophie. Si auez noté ce qui eſt en lettres Ioniques eſcrit deſſus la porte du temple, vous auez peu entendre, qu’en vin eſt verité cachee. La diue Bouteille vous y enuoye : ſoyez vous meſmes interpretes de voſtre entreprinſe. Poſſible n’eſt, diſt Pantagruel, mieux dire, que fait ceſte venerable pontife : autant vous en di-ie lors que premierement m’en parlaſtes. Trinch doncques, que vous dit le cœur, eſleué par enthuſiaſme Bacchique.

Trinquons, diſt Panurge, de par le bon Bacchus.
Ha, ho, ho, ie voiray bas culs
De bref bien à poinct ſabourez
Par couilles, & bien embourez,
De ma petite humanité.
Qu’eſt-ce cy ? la paternité
De mon cœur me dit ſeurement.
Que ie feray non ſeulement
Toſt marié en nos quartiers :
Mais auſſi, que bien volontiers
Ma femme viendra au combat
Venerien : dieu quel debat
I’y preuoy. Ie laboureray
Tant & plus, & ſaboureray
A guoguo puis que bien nourry
Ie fuis. C’eſt moy le bon mary,
Le bon des bons. Io pean.
Io pean. Io pean.
Io mariage trois fois.
Ça, ça. Frere Iean, ie te fais
Serment vray & intelligible
Que ceſt Oracle eſt infallible :
Il eſt ſeur, il eſt fatidique.

N’eſtant point de ces Rats qui les livres rongeans
Se font ſçavans juſques aux dents.

(La Fontaine, Le Rat & l’Huitre)

Bien ſouuent y entre Bacchus,
A qui Amour donne puiſſance
De mectre guerre entre bas culs.