LeCinquiemeLivre · 33bis
es vezes bouzines & cornemuſes ſonnerent harmonieuſement. Et leur furent les viandes apportees. A l’entree du premier ſeruice la Royne printen guiſe de pillules qui ſentent ſi bon, ie dis ante cibum, pour ſoy deſgreſſer l’eſtomatz, vne cuilleree de petaſinne. Puys furent ſeruies :
(S’enſuyt ce qui eſtoit en marge & non comprins on preſent Liure.
Seruato in. 4. libr. Panorgum ad nuptias.
Les quatre quartiers de mouton que porta Helle & Frixus au deſtroit de Propontide.
Les deux cheureaulx de la celebre cheure Amaltee nourriſſe de Iupiter.
Les fans de la cerfue biſche Egerye conſellere de Numa Pompillius.
Six oyſons couuez par la digne oye Ilmaticque laquelle par ſon champt ſaulua la rocque Terpee de Rome.
Les cochons de la truye…
Le veau de la vache Ino mal iadis gardee par Argus.
Le poulmon du regnard que Neptune &… Iulius Pollux in canibus.
Le cigne auquel ſe conuertit Iupiter pour l’amour de Leda.
Le beuf Apis de Menphes en Egipte qui reffuſa ſa pitance de la main de Germanicus Cezar & ſix beufz deſrobez par Cacus recouuertz par Hercules.
Les deux cheureaulx que Coridon reſeruoit pour Alexis.
Le ſanglier Herimentien Olimpicque & Calidonien.
Les cramaſteres du toreau tant aymé de Paſiphe.
Le cerf auquel fut transformé Actheon.
Le foye de l’ourſe Calixto.)
En ſecond ſeruice furent ſeruies :
Pour le dernier ſeruice furent preſentees :
Pour deſcerte apporterent vng plain plat de merde couuert d’eſtrongs fleuris. C’eſtoit vng plat plain de miel blanc couuert d’vne guimple de ſoye cramoiſine.
Leur boitte feut en tirelarigotz vaiſſeaulx beaulx & anticques. Et riens ne beurent fors Elaiodes breuuaige aſſez mal plaiſant en mon gouſt, mais en Lanternois c’eſt boitte deifficque & s’enyurent comme gens : ſi bien que ie veiz vne vieille lanterne edentee reueſtue de parchemin, lanterne corporalle d’aultres ieunes lanternes, laquelle criant aux ſemetieres lampades noſtre eſtinguntur fut tant iure du bruuaige qu’elle ſur l’heure y perdit vye & lumiere. Et feut dict à Pantagruel que ſouuent en Lanternois ainſi periſſoient les lanternes lanternees meſmes au temps qu’elles tenoient chappitre.
Le ſoupper finy, feurent les tables leuees. Lors les meneſtriers plus que deuant melodieuſement ſonnantz fut par la Royne commancé vng branlle double auquel tous & falotz & lanternes enſemble danſerent. Depuys ſe recira la Royne en ſon ſiege les aultres aux diues ſons des bouzines danſarent diuerſement comme vous pourrez dire :
Encores les veiz ie danſer aux chanſons de Poictou dictes par vng fallot de Sainctmeſſant or vng grand baiſlant de Parthenay le vieil.
Notez, beuueurs, que tout alloit de hait. Et ſe faiſoient bien valoir les gentilz fallotz auecques leurs iambes de boys. Sus la fin fut apporté vin de coucher auecques belle mouſcheenculade & fut cryé largeſſe de par la royne moyennant vne boette de petaſinne. Lors la royne nous octroya le choix d’vne de ſes lanternes pour noſtre conduicte telle qu’il nous plairoit. Par nous fut eſleue & choiſie la mye du grand M. P. Lamy laquelle i’auois autresfoys congneue à bonnes enſeignes. Elle pareillement me recongnoiſſoit. Et nous ſembla plus diuine plus hilique plus docte plus ſaige plus diſerte plus humaine plus debonnaire & plus ydoine que autre qui fut en la compaignye pour noſtre conduicte. Remercians bien humblement la dame Royne feuſmes accompaignez iuſques à noſtre nauf par ſept ieunes fallotz balladins ia luyſant la claire Diane. Au departir du palais ie ouys la voix d’vn grand fallot à iambe torte diſant qun bon ſoir vault mieulx que aultant de bons matins qu’il y a eu de chaſtaignes en farce d’oye depuys le deluge de Ogiges. Voulant donner entendre qu’il n’eſt bonne chere que de nuyt lors que lanternes ſont en place accompaignees de leurs gentiz fallotz. Telles cheres le ſoleil ne peult veoir de bon oeil teſmoing Iupiter lors qu’il coucha auecques Alcmene mere d’Hercules. Il le feit cacher deux iours, car peu deuant il auoit deſcouuert le larcin de Mars & de Venus.
Vne mouſſe (jeune fille) de Biſcaye.
Voyez la p. 7 des Chansons citées ci-dessus.
Au’ous point veu la Perronnelle ?
Voyez la p. 41 des Chansons.
C’eſt ſimplement donner congié.
Voyez la p. 75 des Chansons.
Faiſons bon chere, faiſons la, faiſons.
Voyez la p. 24 des Chansons.
On doit bien aymer l’oyſellet.
Voyez la p. 106 des Chansons.