Lettres · 27

carmen.

Cuiuſdam Epitaphium,
qui exemplo edito ſtrangulatus,
publico poſteà ſpectaculo Lugduni ſectus eſt,
Franciſco Rabelæſo Medico doctiſſimo fabricam
corporis interpretante.

Stygem paludem, & quicquid ater Orcus habet,
Fortuna iurarat furens,
Damnum mihi omne ſe reperturam, & probrum.
Quod dum ſtudet, atque nititur,
Et uiribus totis ſuum in me dirum odium
Explet, ſaturatque, ut collibitum eſt :
Tibi ecce, puncto temporis claudor carcere :
Educor, & laqueo miſer
Mox ſtrangulatus pendeo. At quid non poteſt
Fati impenum contrarij ?
Vt temporis puncto perieram turpiter,
Pari celeritate aſſequor,
Quod uix liceat cuiquam à Ioue ſummo poſcere.
Spectaculo lato expoſitus

Secor : Medicus doctiſſimus planum facit,
Quàm pulchrè, & affabre, ordineque
Fabricata corpus eſt hominis rerum Parens.
Sectum frequens circunſpicit
Corona, miraturque molem corporis
Tanto artificio conditi.
Quare quid agat potius, quàm ad extenſum laqueum
Fortuna frendens conuolet,
Et morte finem odio ſemel quærat ſuo,
Non inuidia diutius
Rumpenda ? Totus ad extremum cumulor
Honoribus, circunfluoque
Iam gloria, quem Monſtrum atrox uoluit rapidis
Coruis cibum eſſe, & flantibus
Ludibrium uentis. Furat Sors, iam furat :
Honoribus circunfluo.