III. - IV.

Ben o pot far e totz sera grazitz Lo mals; l'afan, la pena e la dolor Suffr'eu en pais, e semblara·m doussor; Mais il gart sei, qu'al seu bon pretz floritz 20 Ges non eschai ni non es avinen De totz mals faitz qu'il prenda venjamen; Mais val perdos e mielz fai a grazir, E sel qui·l prent en val mais per servir. 24

Eu valgra mais per servir; e garitz M'agra merces, pietatz et amor, S'omilies midons sa grant ricor Qu'il mandes chai saluz en breu escritz; 28 E sui trop fols, quant ai tal pensamen Qu'ill mandes chai man; sofra·n solamen ...Ver leis mains jonchas obezir Tot son coman, si·l platz viure o morir. 32