I. - II.

Totztemps auch dir q'us jois un autre adutz, Per que non voill nuill temps de joi partir, Q'ab joi fui natz et ab joi, on qe·m vir, 3 Soi et serai, q'aissi·m soi captengutz; E si·l fin joi de lei en cui enten. Q'eu plus aten, 6 Pogues aver, ben fora plus joios; Que dobles jois es rix e cabalos E qi joi sec jois li ve ses doptansa. 9

Per q'eu me soi autrejatz e rendutz A fin' Amor et a lei cui desir, Que finamen m'an fach mi oill chausir 12 La bella q'es flors e mirailz e lutz E caps e guitz de tot ensegnamen; E pos tan gen 15 Nafret mon cors d'un esgart amoros, D'al no·m soven ni no·m fo saboros Nuilz altre bes ni d'al non ac membransa. 18