IX.
CHRISTINE’S DEDICATORY EPISTLE TO GUILLAUME DE TIGNONVILLE.
La seconde epistre.
A mon treschier seigneur, noble cheualier et sage, messire Guillaume de Tignonville, preuost de Paris.
A vous monseigneur le preuost de Paris par la grace de 5 dieu et prouidence de vostre bon sens esleu a si digne siege et office comme garde de si haulte iustice, recommendacion auec obeissance premise, de par moy Christine de Pizan, foible d’entendement et la mendre des femmes desireuses vie honneste! Sauoir vous fais que soubz la fiance de vostre sagece et valeur 10 suis meue a vous segnefier le debat gracieux et non haineux meu par oppinions contraires entre sollenneles personnes, maistre Gontier Col, a present general conseillier du roy nostre sire, et maistre Jehan Johannes preuost de Lisle et secretaire du dit seigneur, duquel dit debat vous pourrez ouir les premisses 15 par les epistres enuoyees entre nous, et par les memoires, qui de ce feront cy apres mencion. De laquelle chose, tressage preuost, je supplie vostre humilité que non obstant les laborieuses occupacions de plus grandes et necessaires negoces, vous plaise par maniere de soulas vouloir entendre les raisons 20 de nos discors. Et auec ce suppli la bonne discrete consideracion de vostre sauoir que vueille discuter et proprement eslire le bon droit de mon opinion, non obstant ne le sache viuement disvulguer ne mettre en termes consonans et propices a la deffense de mon dit droit, si comme aultre mieulx le scaroit. 25 Pour ce requier vous tressauent que par compassion de ma femmenine ignorance vostre humblece s’encline a ioindre a mes dictiez vraies opinions par si que vostre sagece me soit force, aide, deffence et appuial contre si notables et esleus maistres, desquelz les soubtilles raisons aroient en petit d’eure 30 mis au bas ma iuste cause par faulte de sauoir soustenir. Et pour ce, comme bon droit ait mestier d’aide, soubz vostre aliance soie plus hardiement inanimee de continuer la guerre encommencee contre les diz poissans et fors, et de ce vous plaise n’estre reffusant pour consideracion de leur grant faculté 35 et la moye petite, comme vostre bon sens soit expert qu’il appartiengne a vostre office soustenir en tous cas la plus foible partie par si que cause ait iuste. Aussi, chier seigneur, ne vous soit a merueille, pour ce que mes autres dictiez ay a coustume a rimoyer, cestui estre en prose. Car comme la matiere ne le 40 requiere autressi, est droit que je suiue le stile de mes assaillans, combien que mon petit sauoir soit pou respondent a leur belle eloquence. Si vous ottroit paradis cil qui toutes choses a crees.
Comme ja pieça paroles fussent meues entre monseigneur le 45 preuost de Lisle, maistre Jean Johannes, et Christine de Pizan touchans traictiez et liures de pluseurs materes, esquelles dictes paroles le dit preuost ramentut le Romant de la Rose en lui attribuant tresgrant et singuliere louenge et grant digneté, de laquel chose en repliquant et assignant pluseurs raisons la dicte 50 dist que (sauue sa reuerence) si grant louenge ne lui appartenoit aucunement selon son avis.
ITEM.--Apres pluseurs jours enuoya le dit preuost a la dicte Christine la copie de une epistre, laquelle adreçoit a un sien ami, notable clerc, lequel dit clerc meu de raison estoit de la meismes 55 oppinion de la dicte contre le dit romans, et pour lui ramener auoit le dit preuost escript la dicte epistre, moult notablement aournee de belle rethorique, et pour estre en deux pars valable, enuoya a elle icelle.
ITEM.--Comme la dicte veu et consideré la dicte epistre 60 rescript audit preuost si comme cy apres pourra estre veu.
ITEM.--Comme apres ces choses venist a cognoiscence a notable personne maistre Gontier Col, que la dicte Christine auoit escript contre le dit Romant de la Rose, lequel comme inanimez contre elle lui escript la present epistre qui s’ensuit. [i. e. Cf. 65 III supra].
[Document IX. Notes]
[l. 1] Ms. A. (La seconde epistre) as a heading A only.
[l. 7] (de Pizan) wanting A E.
[l. 10] (segnefier) signifier B C D.
[l. 13] (sire) seigneur B. (Lisle et) Lille et C, Lisle B E, Lile D.
[l. 14] (2. dit) wanting D.
[l. 16] (de ce feront cy apres mencion) de ce apres feront mencion B D E.
[l. 31] (pour) par B C D E. (pour ce ... mestier) par ce que comme leur bon droit ait mestier B.
[l. 36] (office) followed by de A.
[l. 38] (a) wanting A. (merueille) merueilles D. (ay a coustume) ay acoustumez E.
[l. 49] (la dicte) la dite Christine B, la dicte Christine D.
[l. 52] (enuoya) follows preuost B D. (la dicte) wanting B.
[l. 54] (dit clerc) wanting B.
[l. 55] (romans, et pour lui ramener auoit le dit) wanting D.
[l. 58] (a elle icelle) a la dicte Christine ycelle A, a la dicte Christine ycellui B.
[l. 59] (la dicte veu) Christine veu A B.
[l. 63] (dit) wanting A. (lequel comme ... escript) si luy enuoya A. (comme) wanting B.
