VI.

GONTIER COL TO CHRISTINE, REPROVING HER FOR HER ATTITUDE TOWARDS THE ROMAN DE LA ROSE.

Maistre Gontier Col.

A femme de hault entendement damoyselle Christine.

Pour ce que la diuine escripture nous enseingne et comande que quant on voit son ami errer ou faire faulte, on le doit 5 corrigier et reprendre premierement a part, et se il ne se veult amender pour celle fois, que on le corrige deuant gent; et se pour ce ne se veult corrigier, que on le tiengne tanquam eunucus[37] et publicanus, et je te aime loyaument pour tes [fol. 92 b] vertus et merites, t’ay premierement par une mienne 10 lettre, que auant yer t’enuoyay, exortee, auisee, et priee de toy corrigier et amender de l’erreur manifeste, folie ou demenance trop grant a toy venue par presompcion ou oultrecuidance et comme femme passionnee en ceste matiere--ne te desplaise se ie dy voir. Je ensuiuant le commandement diuin 15 ayant de toy compassion par amour charitable te pry, conseille et requier la seconde fois par ceste moye cedule que ton dessusdit erreur tu vueilles corrigier, desdire et amender enuers le tresexcellent et irreprehensible docteur en saincte diuine escripture, hault philosophe et en toutes les sept ars 20 liberaux, clerc tresperfont, que si orriblement oses et presumes corrigier et reprendre a sa grant charge et aussi enuers ses vrais et loyaulz disciples Monseigneur le preuost de Lysle et moy et aultres, et confesser ton erreur. Et nous arons pitié de toy et te prendrons a mercy en te baillant penitence 25 salutaire. Et de ce auec la response de mon aultre lettre te plaise moy ta bonne voulenté faire sauoir a ton aise et loisir, auant que ie me mette en peine d’escripre encontre tes faulses (sauue ta reuerence) escriptures, que de lui tu as voulu escripre. Et se ores et aultreffois, quant ie te escripray, te appelle en singulier, 30 ne te desplaise, ne le me imputes a arogance ou orgueil, car c’est et a esté tousiours ma maniere, quant j’ay escript a mes amis, especialment quant sont lettrés. Dieux vuelle briefment ramener ton cuer et entendement a vraye lumiere et cognoiscence de verité, car ce seroit dommage se plus demouroies 35 en tel erreur soubz les tenebres [fol. 92 verso a] d’ignorance. Escript ce jeudi XV iour de septembre.

le tien Gontier Col.

Cy apres s’ensuit la response enuoyee au dit maistre Gontier Col.

[Document VI. Notes]

[l. 1] Ms. A.

[l. 6] (pour) a C.

[l. 8] (et je) et pour ce que je C.

[l. 11] (folie ou demenance) folie ou demenance trop grant A folie ou dememance trop grant B folie C folie ou demence D E.

[l. 16] (fois) wanting C.

[l. 18] (et) wanting B C.

[l. 23] (aultres) preceded by les D.

[l. 24] (en te baillant) en toy baillant C.

[l. 27] (en peine d’) a C D E.

[l. 28] (tu) wanting A. (as) a D.

[l. 29] (se) si E.

[l. 31] (tousiours) preceded by de B D.

[l. 37] (le tien Gontier Col) wanting C D E.

[37] Eunucus Beck suggests ethnicus with reference to St. Matthew’s gospel, XVIII, 15 sqq.