VII.
CHRISTINE’S REPLY TO NO. VI.
Christine
A tresnoble et souffisant personne, maistre Gontier Col, secretaire du roy nostre sire.
O clerc soubtil d’entendement philosophique, stillé es 5 sciences, prompt en polie rethorique et subtilité poetique, ne vueilles par erreur voulontaire reprendre et reprouuer ma veritable opinion justement meue pourtant, s’elle n’est a ta plaisance. Et comme i’ay sceu par tes premieres lettres a moy enuoiees, tu desirant auoir la copie d’un petit traictié en 10 maniere d’epistre de par moy ja enuoyé a sollennel clerc, monseigneur le preuost de Lisle, ouquel est traictié et dit au long, selons l’estendue de mon petit engin, l’oppinon de moy tenue a la siene contraire de la grant louenge qu’il attribue a la compilacion du Romans de la Rose, comme il m’apparu 15 par un sien dictié adrecé a un soubtil clerc docteur sien ami contraire a sa dicte oppinion a laquelle la moye se confere, et, pour vouloir emplir ton bon mandement, le t’ay enuoyé. Parquoy, apres la veue et visitacion d’ycellui comme ton erreur pointe et touchee de verité, meu de impatience m’as escript 20 tes deusiesmes lettres plus iniurieuses reprochant [fol. 92 verso b] mon femenin sexe, lequel tu dis passioné comme par nature et meu de folie et presompcion d’oser corrigier et reprendre si hault docteur, si gradué et tant sollennel, comme tu claimes l’aucteur d’ycellui. Et de ce moult m’enortes que ie m’en desdie 25 et repente et mercy piteuse sera encore vers moy estendue, ou se non, de moy sera fait comme du publican, etc. Ha! homme d’entendement ingenieux, ne sueffres a propre voulenté tenir close la soubtilleté de ton engin! Regardes droit selon voye theologienne la plus souueraine, et tu tant ne condempneras 30 mes diz ainsi comme les ay escrips, et considereras se louenge affiert es pas particuliers que ilz reprennent. Et toutefois soit bien de toy notté en toutes pars quelz choses je condempne et quelles non. Et se tu tant desprises mes raisons pour la petitece de ma faculté, laquelle tu me reproches de dire comme 35 femme passionnee, etc., saches de voir que ce ne tiens ie a villenie ou aucun reproche pour le renconfort de la noble memoire et continuele experience de tresgrant foison vaillans femmes auoir esté et estre tresdignes de louenge et en toutes vertus apprises, auxquieulx mieulx vouldroie ressembler que estre 40 enrichie de tous les biens de fortune. Mais encore, se a toutes fins veulz pour ce amenuisier mes vehementes raisons, vueilles toy reduire a memoire que une petite pointe de ganiuet ou coutelet puet percier un grant sac plein et enflé de materieles choses. Et ne sces tu que une petite mustellete assault un 45 grant lion et a la fois le [fol. 93 a] desconfist? Si ne cuides aucunement moy estre meue ne desmeue par legiereté par quoy soye tost desdicte, ja soit ce que en moy disant villennie me menaces de tes soubtilles raisons, lesquelles choses sont communement espouentement aux couars. Mais afin que tu 50 puisses retenir en brief ce que au long ay autrefois escript, je dis derechief et replique et triplique tant de fois comme tu vouldras que le dit intitulé Romant de la Rose, nonobstant y ait de bonnes choses (et de tant est le peril plus grant comme le bien y est plus autentique, comme autrefois ay dit) mais, 55 pour ce que nature humaine est plus descendent au mal, je dis qu’il puet estre cause de mauuaise et peruerse exortacion en tresabhominables meurs, confortant vie dissolue, doctrine pleine de deceuance, voie de dampnacion, diffameur publique, cause de souspeçon et mescreandise et honte de pluseurs personnes 60 et puet estre d’erreur; et tresdeshonneste lecture en pluseurs pars. Et tout ce ie vuel et ose tenir et maintenir partout et deuant tous et prouuer par lui mesmes et m’en raporter et attendre au iugement de tous iustes preudeshommes, theologiens et vrays catholiques, et gens de honneste et saluable 65 vie.
la tienne Christine de Pizan.
[Document VII. Notes]
[Ms A.]
[l. 1] (Christine) wanting C D E.
[l. 2] (tresnoble) tresnotable A tresnottable B.
[l. 6] (reprouuer) reprimer C.
[l. 15] (adrecé) adrecant B.
[l. 20] (deusiesmes) secondes C.
[l. 24] (aucteur) acteur C D E.
[l. 25] (repente) me repente C.
[l. 26] (homme d’entendement) hault entendement C D E.
[l. 32] (soit bien) interverted A B. (je condempne) j’ay condempnees A.
[l. 39] (vouldroie) followed by plustost A.
[l. 44] (mustellete) motelle B moustelle C.
[l. 46] (desmeue) demennee A.
[l. 50] (ce que) followed by plus A.
[l. 52] (intitulé) followed by le A.
[l. 53] (tant) followed by y C.
[l. 56] (mauuaise) mauuaistié C.
[l. 58] (publique) plublique [sic] A.
[l. 62] (tous) followed by publiquement A. (3. et) wanting A B D E.
[l. 66] (Christine de Pizan) Christine C. Followed in mss. C D E by Explicit (cy finent D) les epiltres (epistres E) sur (sus E) le rommant de la rose.
