Liv. I, cil. XXIV, Du l'édanliniiu

tifie?... Nous nous laissons sifortaller sur les bras d'aultruy, que nous anéantissons nos forces. Me veulx je armer contre la crainte de la mort? c'est aux despens de Seneca*. Veulx je tirer de la consolation pour moy ou pour un aultre? je l'emprunte de Cicero. Je l'eusse prinse en moy mesme, si on m'y eust exercé. Je n'ayme point ceste suffisance relative et mendiée; quand bien nous pourrions estre sçavanls du sçavoir d'aultruy, au moins sages nous ne pouvons estre que de nostre propre sagesse.... Dionysius se mocquoit des grammairiens, qui ont soing de s'enquérir des maulx d'Ulysses, et ignorent les propres; des musiciens qui accordent leurs fleutes, et n'accordent pas leurs? mœurs; des orateurs qui estudient à dire justice, non à la faire. Si nostre ame n'en va un meilleur bransle, si nous n'en avons le jugement plus sain, j'aymerois aussi cher que mon escholier eust passé le temps à jouer à la paulme : au moins le corps en seroit plus alaigre. Veoyez le revenir de là, aprez quinze ou seize ans employez; il n'est rien si mal propre à mettre en besongne : tout ce que vous y recognoissez' davantage, c'est que son latin et sou grec l'ont rendu plus sot et plus presumptueux qu'il n'esloit party de la maison. II en debvoit rapporter l'ame pleine, il ne l'en rapporte que bouffie; et l'a seulement enllee, en lieu de la grossir.