Liv. I, cil. XXIV
cy me semblent avoir un beaucoup meilleur style; et encores que ces deux pièces soyent nécessaires, et qu'il" faille qu'elles s'y trouvent toutes deux, si est ce qu'à la vérité celle du sçavoir est moins prisable que celle du jugement; cette cy se peult passer de l'aultre, et non l'aullre de cette cy. Car, comme dict ce vers grec,
« A quoy faire la science, si l'entendement n'y est? » Pleust à Dieu que, pour le bien de notre justice, ces compaignies là se trouvassent aussi bien fournies d'entendement et de conscience, comme elles sont encores de science! No7i vitse, sed scholse discimus^. Or, il ne fault pas attacher le sçavoir à l'ame, il l'y fault incorporer; il ne l'en fault pas arrouser, il l'en fault teindre; et s'il ne la change, et meliore son estât imparfaict, certainement il vault beaucoup mieulx le laisser là : c'est un dangereux glaive, et qui empesche et offense son maistre, s'il est en main foible, et qui n'en sçaclie l'usage; ut fuerit meliiis non didicisse^....
.... Quel dommage si les sciences ne nous apprennent ny à bien penser ny à bien faire? Poxtquam docli prodie- ■ nuit, boni desunt'". Toute aultre science est dommageable à celuy qui n'a la science de la bonté....
.... La science n'est pas pour donner jour à l'ame qui n'en a point, ny pour faire veoir un aveugle; son mestier est, non de luy fournir de veue, mais de la luy dresser, de luy régler ses allures, pourveu qu'elle ayt de soy les pieds et les jambes droictes et capables. C'est une bonne drogue que la science; mais nulle drogue n'est assez
1. « On 110 lions instruit pas pour la vie; on nous instruit pour l'école. i> (Sénùque, Leilrcs, etc., CVI.)
2. « De sort(! qu'il eût mieux valu n'avoir rien appris. » (Cicéron )
3. « De|)uis <|uo les savants ont paru, les gens de bien ont l'ait tlé- ' aut » (Sénèquc.)
forte pour se préserver, sans altération et corruption, selon le vice du vase qui l'esluye. Tel a la veue claire, qui ne l'a pas droicte; et par conséquent veoid le bien, et ne le suyt pas, et veoid la science, et ne s'en sert pas.
VK
