I. Cf. plus haut, pp. XXXVI et xxxvii

3i6 APPENDICE VII

tant tout ce que m'a semblé estre à propos et qu'il y voulsist remédier, que ses esmotions ne fussent entendues pour ne donner plaisir à l'ennemy et ne luy recepvoir ceste honte. Il m'a donné les meilleures parolles du monde. Si esse Çsic) que je crains qu'ilz s'entendent entre eulx et ne cherchent occasion par cause, et foudra neccessairement leur faire prester quelque argent, lequel je prendray, s'il m'est possible, sur ce que vous a pieu leur ordonner, et adviseray les fliire desloger incontynant estre arrivé le trésorier, et si ce pendant j'estoys contrainct leur en bailler, je m'aideray de la faveur de Mons' de Grignan. Je vous supplie très humblement. Sire, que se ledict trésorier n'estoit depesché, commander que incontynant soyt expédié en dilligence; car l'armée turquesque est preste à partir tout entièrement. Or mis l'argent qu'ilz espèrent avoyr et quant ilz ne feroient autre chose que demeurer aux isles d'Yères, attendant que la vostre ' soit preste, ilz tiendront tousjours en grande crainte et despence l'ennemy.

Sire, je me suis enquis bien songneusement de la praticque que font courir les Imperiaulx avoir avec ledict sieur Barberousse et par cydevant vous ay donné advis [de] l'intencion qu'il m'a dit pourquoy le faisoyt, qu'estoyt principallement pour regarder de leur pouvoir bailler quelque venue, ce que sera difficille. Car Dorye ne veult entendre à faire venyr aucunes gallères en parlement. Bien y va il à bon essient pour le voulloir desseparer de nous autres et luy a faict presens et faict plus grans offres à luy et à ses familiers. Mais quoy que s'en soyt, selon ma fentasie, il ne fault que Vostre Magesté craigne qu'ilz preignent autre party et hcent aucun appoinctement avec ledict Dorye pour les raisons que par cydevant vousay dictes. Si esse que bonnement on ne s'en peult asseurer, congnoissant leur ambision estre si grande qu'ilz ne se meuvent synon tout ainsy qu'ilz voyent le prouffict devant les yeulx, et le pis est qu'on est toujours à rccommancer avecques eulx. Je ne fauldrey,