I. Votre armée, votre flotte

Sire, à y tenir l'œil et les contenter à vostre dévotion le mieulx qu'il me sera possible et vous advertir à la journée de ce que j'en pourray congnoistre. Si est il très neccessaire, comme Vostre Magesté entend trop mieulx, puysqu'ilz sont icy conduictz, congnoissant de combien ilz favorisent voz affaires, les entretenyr et ne regarder à quelque peu de despence davantaige que pourroit estre. Je vous asseureray bien. Sire, que ne s'en fera poinct que je ne voye en estre très neccessaire et que n'en soye presque contrainct.

Sire, j'ay faict une depesche à vostre ambassadeur à Venize ad ce qu'il en face part à Codignac ', pour advertir le Grant Seigneur de voz preparatifz de guerre et autres choses que j'ay peu juger pouvoir retourner au bien de vostre service. Je vous supplie. Sire, très humblement commander, quant surviendra quelque chose que méritera l'escripre, m'en estre fait part, à ce que je le puysse faire entendre au Grant Seigneur. Car c'est une des principalles choses qu'il me commanda à mon partir, que de l'advertir bien souvent de voz nouvelles.

Sire, je suys après à assembler le nombre de gens qu'entendez que soient faict [z] pour dresser l'equippaige qu'il nous fault et espère que le tout sera bien tost prest pour partir. Semblablement aussi seront les galliaces en ordre pour se mettre à la voille [incontynant] estre arrivé leur argent et les maryniers qui doibvent venir de Normendye.

Sire, quant au faict des Gennevois, Vostre Magesté m'a commandé par cydevant de bailler par instructions que là où lesdicts Gennevois feroient difficulté de vous secourir d'aucune somme d'argent et d'observer la neutralité, comme avez donné commission à Mons'" de Grignan et à moy de negossier avec eulx, à quoy ilz nous ont tousjours menez par parolles, que j'employasse(s) des forces à leur faire la guerre et traicter comme ennemys, et pour ce que nous sommes à présent sur nostre partement et que, ainsi que j'entens, ilz ont envoyé