I. Michel de Codignac ou Cotignac

3i8 APPENDICE VII

pardevers vous ung ambassadeur, je vous supplie très humblement, Sire, me commander ce que en auray affaire ; et se entendez qu'ils soyent reservez comme ilz ont esté jusques icy soubz vostre faveur, me le mandez par escript. Car ledict Barberousse le veult avoyr pour sa descharge, affin que personne ne puysse dire que les aye gardé synon par vostre commandement. Vostre Magesté sçaura très bien juger si sera meilleur les avoyr ennemys descouvertz ou bien palliez comme ilz sont.

Sire, hyer arrivarent Sallareis et Sainct Chenchurubin % nepveu du sieur Barberousse, avec quarante gallères, de retour de leur voiage d'Espaigne et Barbarie, où ilz ont grandement endommaigé l'ennemy et ont mys en font une nef chargée de gens de guerre et prins troys autres, et aportent nouvelles comme Assam aga % qui est en Argier lieutenant de Barberousse, arrivera icy bien tost avecques vingt voelles, et le mesme ont mandé ceulx de Gelbes ' et de l'Archipelege estre pretz de s'en venyr au premier bon temps. Quant tout cella sera assemblé, nous pourrons bien départir nostre armée en deulx, et la plus floyble sera plus forte que celle de l'Empereur. Vostre Magesté nous commandera ainsi que nous y debvons gouverner, quant aurez entendu responce de Romme. Je croys bien que le sieur Pierre Strossy ne fiuldra de son costé faire ce qu'il a promis et en mander à Vostre Magesté des nouvelles.

Sire, je supplye le Créateur vous donner en très parfaicte santé très longue et très heureuze vye.

De Thollon, ce xxiiii^ de may [1544] '^•