Amors qui viste es cuers gentis s'esprent

Levai la vois : « 0 ames contristées, Parlés à nous, se riens ne le denie. »

Tel que colombes par desir apelées, Ailes overtes, volent vers le douz ni; 84 Ainsices ames, par le voloir portées, Tost ont le ranc où Didons est guerpi, Venant à nous par mi l'air ombroiant, Tant les esmut l’afection du cri!

« O tu, de cuer cortois et bienveillant, Qui visitant nous vas par ce pais, 90 Nous qui là haut cheimes tout sanglant, S'è nous li rois du monde fust amis, Le prierfons qu’en sa pais sainte il t'ait, Puis que tu as pitié de nous chetis. Et puis qu'oir et parler il vous plait, Vous parlerons et vous orrons ceans, 96 Tant que, com fait, li vens mauvais se tait. La cités est où je nasqui, seans Sur la marine où li Pos jus descent Por avoir pais as fleuves ses suivans.

Amors, qui viste es cuers gentis s’esprent, Esprist celui du gent cors je perdi; 102 Encor me pese à remembrer coment.

Amors, qui veut qu'amer ait sa merci, Me fist en lui prendre plaisir si fort, Que, com tu vois, encor ne me guerpi.

Amors nous a menés à une mort; Caïne atent cel qui fist teus venjences. »

108 Ainsi parlerent cil dui las sans confort.

Dante a dit dans un sonnet de la Vita nueva, $ 20 . Amor e cor gentil sono una cosa.