CHAPPITRE COMMENT HOMMAIGE SE DOIT OFFRIR A SON SEIGNEUR
Quand aucun vassal qui tient à foy et liommaige daucun seigneur vait de vie a trépassement, son héritier est tenu aler vers ledit seigneur dedans quarante jours après la mort cludit vassal pour faire la foy et hommaige audit seigneur des choses tenues de luy à ladite foy. Et sil ne le fait ledit seigneur pourra leuer à son proufflt tous les fruiz et revenues d'icelle terre pour deffault de foy et hommaige non fait, réservé le droit du laboureur et pourra faire pescher les estangs qui sont en pesche et coupper et vendre les boys de coppe sans en faire ravaige, gast ne dissipacion iusques ad ce quil ayt homme.
Et si ledit vassal ne treuve le seigneur au lieu à cause duquel lomaige est deu pour luy faire ledit hommage il doit faire loffre à ses officiers, saucuns en a en icelluy lieu ou en la présence des mestaiers ou gens demourans audit lieu et d'ung notaire auecques deux tesmoins, et est telle diligence souffisante pour empescher que le seigneur ne face les fruiz siens, et si ledit seigneur venoit au lieu auquel lommaige est deu et quil
y séjourne et réside pendant huit jours ou autre tel temps que ledit vassal ne le puisse ignorer , si ledit vassal ne retourne devers luy, ou après le ban fait par ledit seigneur en sa paroisse, le seigneur se peut ensaisiner et prendre son fief comme descouvert ; mais en faisant de rechief par ledit vassal les dilligences dessus dites, ledit seigneur ne peut faire les fruis siens car ledit vassal en est saisi et si ledit seigneur l'empesche ledit vassal se peut complaindre ou appleger contre ledit seigneur.
S'il advient que aucun acquière aucune terre qui soit tenue a foy et hommaige d'aucun seigneur il doit aller lantost après son acquest devers ledit seigneur lui monstrer les contraitz de son acquest et luy offrir ladite foy et hommaige, et aussi luy doit offrir ses ventes et deuoirs ad ce appartenans.
Et si ledit acquéreur ne le fait ledit seigneur pourra prendre à leuer par delfault de foy et hommaige non fait comme dessus. Et si ledit seigneur, veuz lesdits contraits, veult prendre la chose par puissance de fief, faire le pourra si l'acquéreur n'est parent du vendeur, et en la ligne dont meut ladite chose vendue au choiz dudit seigneur de prendre les gans et ventes ou de prendre le rachapt dicclle année ou de prendre la chose par puissance de iief.
En héritaiges hommaigés eschangés estans en divers fiefs y a ventes et rachaptz au choiz du seigneur, mais il ny a nulle prinse par puissance de fief et est tenu ledit subgect faire les diligences que dessus enuers son seigneur de fief pour faire la foy et hommaige.
