COMME BARONNIE DOIT ESTRE DEPPARTIE

Baronnie ne se deppart point pourveu que laisné ou aisnée ait de quoy recompeneer le puisné ou puisnés de leur porcion,en chastel et chastellenie d'une mesme succession dont est venue ladite baronnie. Et sil ny auoit de quoi recompeneer en la manière que dit est, les puisnés auront leur porcion par la main de laisné mis hors de droit d'aisneesse.

Et lequel droit de aisneesse est le chastel, foussez et pourprinse diceluy auecques le droit de guet, une foy et hommage en chastellenie à son choys, droit de patronnaige, don d'aumosneries et rnaladeries, ensemble le chezé qui est le vol d'un chappon à l'entour du chastel hors les foussés, pourveu que au dedans d'icelluy vol n'y ait ville, moulins ou four à ban; esquelx cas il prendra pour le dit chezé au plus près quatre arpens de terre, et les dites villes, moulins et four à ban et aultrez droiz comme de iustice, foires, marchés, seaulx à contraitz, banc à vin, preuosté et peaige, ilz se diuiseront entre l'aisné et puisnés en la manière dessus déclairée en successions de nobles ou pour iceulx laisné pourra récompenser lesdits puisnés des choses de la succession; ou les retiendra à soy si bon lui semble.