DE PERTE DE FIEF A VIE OU A HÉRITAIGE

Le vassal pert son fief es cas qui sensuyent sil met mains malicieusement en son seigneur de foy.

Si le dit vassal oyt parler de son seigneur daulcuns cas de trayson et il ne le reuelle à son seigneur.

S'il a congneu charnellement la femme ou la fille pucelle de son seigneur.

Si le seigneur luy bailloit une pucele en garde et il la déspuceloyt.

S'il bat énormément le sergent de son seigneur en faisant son exploict.

Et est à entendre la perdicion de fiefs es cas dessus dits aux hommes de foy simple à vie, et à ceulx de foy lige apperpétuité.