EPISTRE

puis asseurer qu'elle est procedee d'un cueur qui s'est tousjours monstre zélateur et comme jaloux de l'honneur de sa nation. Ce qui a esté congneu en divers temps par les ambassadeurs tant vostres que de vos prédécesseurs, père et frères : premièrement en Angleterre, puis en Italie, en Allemagne et en Suisse : outre-ce-que je l'ay tesmoigné il-y-a plus de douze ans, par un traitté De la conformité du langage François avec le Grec l. Je puis dire d'avantage, Sire, que ceux qui auront veu les escrits de mes père et oncle, appercevront que ceste ardante affection d'honorer ma patrie m'est tellement héréditaire, que je ne pourrois me la desraciner, sans forligner totalement 2. Et pourtant si l'effect est inférieur à un si grand désir, j'ay espérance, Sire, que vostre Majesté le supportera, et ne me voudra imputer ceste hardiesse à présomption : veu que d'ailleurs je m'estois ja obligé à une telle entreprise par mes œuvres precedens, qui appartiennent à l'illustration des langues Greque et Latine : ne pouvant raisonnablement denier à celle qui m'est naturelle autant de bien que j'en avois faict à ces estrangeres.