CERVOISIERS. — REGRATTIERS DE PAIN

l'ont eu leur hostiex, quant il les envoient vendre en h leus ou en ni par la vile de Paris, il ne sont pas au vendre, ne leur famés, ains les font vendre par leur garçonnes petiz, en rues foraines : si vont en tex leus et en tex tavernes li fol et les foies faire leur péchiez. Pour la quele chose li preud'ome du mestier se sont assenti a ce, s'il plaist au Roy. Et quiconques fera contre cest establissement, il amendera au Roy de xx s. de parisis toutes les fois que il en sera reprins, et si seroit la cervoisequi seroit trouvée en tex hostiex donée por Dieu.

V. Li preud'ome du mestier des Gervoisiers de Paris requièrent, se il plaist J"re* au Roy, que el mestier devant dit ait u preud'omes jurés et seremenlés de par le

Roy. Li quel preud'ome jurent seur Sains par devant le prevost de Paris que il garderont bien etloiaumentle mestier devant dit, et que toutes les entrepresures qu'il sauront que i seront, au prevost de Paris ou a son conmendement, au plus tost qu'il porront, par reson le feront a savoir. Les quex preud'omes le prevosl de Paris met et oste a sa volenté. Et aient li n preud'ome pooir de arester les cervoises forfaites de par le Roi, ou que il les truissent, dessi adont que il aient fait savoir au prevost de Paris ou a son conmendement.

VI. Li Cervoisier de Paris doivent le gueit et la taille et les autres redevances Guet et «devances que li autre bourgois de Paris doivent au Roy.

VII. Li Cervoisier de Paris qui ont passé lx ans de âge, et cil qui sont malade, cil qui sont sainnié se il n'ont esté semons ains qu'il se firent sainier, cil qui sont hors de la vile se il ne furent semons avant ou il ne savoient la semonse, et cil as quex leur famés gisent d'anfant, sont quite du gueit, pour tant que il le facent savoir a celui qui le gueit garde de par le Roy.