LE PROCÈS DES GOQLILLARDS
soit la ou ilz niainneiit telle vie dissolue, et quand ilz ont tout despendu leur argent, ilz s'en vont sans denier ne maille, et laissent aulcunes Cois de leurs habillemens en gaige et assez ; brief retournent monteiz, habilliez, et plains d'or et d'argent, comme dit est.
Item est vray, comme l'en dit, que souventesfois ilz s'eny- \rent et lors se combatent l'ung contre l'aultre et frappent de bons coups de dague, et après ce dyent de grans injures et vilenies en reprouchant ce qu'ilz scevent du fait l'ung do l'aultre, et les faultes, larrecins et tromperies qu'ilz ont faiz et dont ils usent.
Item font aussi aulcunesfois lesdits reproches l'ung a l'aultre a l'occasion de ce qu'ilz ne vueillent départir [ou distribuer] loyalement [l^ing a l'aultre] ce qu'ilz ont gaignié par quelque tromperie ou larrecin, dont l'ung d'eulx demande sa part et l'aultre ne luy vueilt pas baillier.
Item chacune tromperie dont ilz usent a son nom en leur'^ jargon et ne les sçauroit aulcuii entendre s'il n'est de leur \)(ç sorte et sereniont,ou se aulcun d'eulx ne le révèle a aultre. ^
Item l'en dit que Jaquot de la Mer, maistre dudit bordeaul, les congnoit tous, ou la plus grand partie d'eulx ; et qui plus est, qu'il set bien leur estât et gouvernement : et si les recelé et leur ayde aulcunesfois a conduire leur fait et a vendre chevaulx et aultres choses mal prinscs, tant pour le gaing qu'il fait en leur despense, comme pour ce qu'il est vraysemblable qu'il soit participant aulcunement au butin de leur tromperie: meismement qu'il est tout notoire que, très longuement avant que lesdiz compaignons aient esté encusez, ledit Jaquot Jes conduisoit et promenoit par les bras, a toutes heures, parmy la ville, et si sçavoit bien leur estât et gouvernement : qui est grant presumpcion a l'encontre dudit Jaquot.
INFORMACION commencée a faire le III*^^ jour du mois d'octobre mil GCCC. cinquante et cinq sur ledit cas par moy, Jehan Rabu&tel, rlerr procureur de la ville et commune de Dijon^apres que par certain confesseur j'ay esté adverty qu'il seroit bon de enquérir quelz gens estranges et oyseux vont en cestc ville, qui repairent et se tiennent le plus commun au
90 DOCUMENTS JA.RGONNESQUES
bordeaul, et pourroit bien advenir que telz conipaignons feront les larrecins et tromperies qui souvent ont esté faites etc. ; et pour ce que j'ay esté aussi adverti que lesdits gens oyseux rcpairent et vont souvent en l'ostel de Perrenet le Fournier, barbier, demorant au quarron de la rue des Petiz Cliamps, la ou ilz se font pignier et faire leurs barbes, j'ay mandé ledit Perrenet et l'ay sur ledit cas interrogué et examiné en la manière qui s'ensuit. Lequel en a dit et exposé par seremenl et ainsi et par la forme et manière que contenue est en sa deposicion si après escripte :
Perrenet le Fournier, barbier, demorant a Dijon et agié de XXXIIll ans ou environ, comme dit, tesmoing requiz, interrogué et examiné par moy, ledit procureur, sur led. cas, dit, par son serement donné sur les sains esvangilles de Dieu, luy en sçavoir ce qui s'ensuit. C'est assavoir que depuis deux ans cnça il a vcu estre et repairier au bordeaul de ceste ville, en la maison Jaquot de la Mer, maistre dud. bordeaul, a l'escu de France, et aulcunesfois logier en l'ostel de Colin Lomme. et aultre part, pluzeurs compaignons vacabundes, lesquclz sont souventesfois venuz en son ouvroir aulcunefois de jour pour eulx faire pignier et passer temps, et aulcunesfois i)our faire leurs barbes ; et si y ont souvent jojjéjiux^tables, et aulcunesfois aux dez, et y a, luy mesmes qui parle, joué avec eulx et perdu son argent. Et car, comm'il dit, il avoit aultrefois veu semblables compaignons jouer, qui portoient dez d'advantaige, il s'est bien voulu acointier d'eulx pour en veoir aulcuns secretz afin de soy garder d'estre deceu s'il se trouvoit en place la ou fust semée malvaise semence. Et tant que la ou il a aulcunesfois congneu que l'ung d'eulx estoit plus cler, mains malicieux et plus libéral que l'aultre, il s'est acointié de luy ; luy a aulcunesfois donné a disner ou a soupper, pour sçavoir de luy aulcune chose, et s'est descouvert a luy, faingnant qu'il sçavoit beaulcoup de sciences et habiletez, et qu'il estoit aussi fin que quelconque des aultres. Et soubz umbre de ce, et aussi que luy qui parle a aultrefois oy aulcuns motz de jargon ancien, il a tant fait que ung nommé Jehanin Cornet et ung nommé Anthoine de Bonneval luy ont nommé une
