I. Il faut corriger arques

Les Sources de V Argot Ancien. 7

gS DOCUMENTS JARGONNESQUES

son butin de quelque gaing qui est fait en quelque manière par la science [de la Coquille].

Quand il dit : esiojfe oaje faiigeray ! c'est a dire que, qui ne luy baillera sa part, il encuzera le fait.

Quand ilz dient qu'ilz ont regardé quelque chose il dienL qu'ilz le ont becquey.

Quand ilz parlent de Vabesse c'est de desrobcr.

Aulcuns deuix s'entremettent d'aulcun mestier ou marclian dise, faingnant qu'ilz en vivent, qui leur vouldroit aulcune chose demander, et appellent cela leur cole.

Aulcune fois, quand ilz parlent de la soye Roland, c'est a dire qu'ilz ont batu la justice ou la batroyent, qui les vouldroil prendre.

Quand ilz dient que l'ung deulx cfîi ferme a la louche c'est a dire qu'il se detfendroit contre justice et aultres qui le vouldroit prendre.

Quand ilz sentent qu'ilz sont poursuyz de justice, ou qu'ilz se doublent que l'en voize après eulx, et ilz tiennent ung chemin et se pensent que l'en les a veu cheminer par illec, ilz se destournent a coup et prendent ung aultre chemin. Cela s'appelle bailler la canlonade.

Ung beaul soyant c'est ung beaul parleur, bien enlangaigié, qui scet decepvoir justice ou aultres gens par belles bourdes.

Ferme en la maiihe c'est celluy qui se garde bien de confesser riens a justice etc. [lorsqu'il est prins et interrogué].

Le F'"" dad. mois.

Jehanin de Barly, barbier demeurant a Dijon et agié de XXXVI ans ou environ, comm'il dit, tesmoing requiz, interrogué et examiné par moy, led. procureur, surled. cas, dit, par son serement donné sur les sains euvangillesde Dieu, cju'il congnoist de aler et devenir, pluseurs compaignons oizeuset vaccabundes qu'il a depuis ung an en ça ou environ veu et sceu repairier en la maison de Jaquot de la Mer, au bordeaul, en l'os tel de Perrenet le Fournier, aussi barbier, son compère, en l'ostel de Arnotin Panet, sellier, et aultre part en la rue de la Porte

LE PUOCKS DES COQ L ILLARDS ()f)

Guillaume; et desquelz compaignons l'ung a nom Bar sur Aulbc, l'aultre Tassin, l'aultrc Raymonnel, l'aultrc Johannes, l'aultre Bernard, ung nomme Regnauld, pcrrier, qui repairoit avec oulx, el aullrcs des noms desquelz il n'est de présent r[e]cordz. Ausquelz compaignons, il qui parle, ne vit onques faire mal, comm'il dit ; mais il est bien vray, comm'il dit, qu'il a veu souvent les dessusdiz eulx faire pignier et faire leurs barbes en l'ostel dud. Perrenet ; et si en y a veu aulcuns aulcunes fois jouer aux dez, et les a oy parler entre eulx et dire pluseurs de leurs fais aulcunes fois en reprouchant l'ung a l'aultrc qu'ilz estoient larrons, pipcurs, crochcteurs, et qu'ilz senlremetoient de faire les tromperies et maulx dont oud. cas est faite mencion et dont, il qui parle, les a aulcunesfois blasmez, disant que se justice sçavoit qu'ilz fussent telz gens, ilz seroient en grant dangier. V quoy ilz luy respondoient les aulcuns en ryant aulcunefois, et les aultres bien acertés, en luy demandant s'il se vouloit faire partie contre eulx, et telles paroles : et après changcoyent propoz. Et en oultre dit qu'il a oy dire a ung nommé Jehanin Cornet, l'ung desd. pipeurs (mais il n'est pas des plus malicieux), que lesd. Regnauld, Johannes Raymonnet, et led. Cornet avoi[en^t esté après Noël darrierement passé ou pais de Lorrainne et au lieu de Thoul, la ou ilz esteverent .X. florins d'or : et furent lesd. Regnauld et Raymonnet prins et mis en prison ; led. Johannes se eschappa sans eslre prins ; et seniblablemcnt lîst led. Cornet. Et se advouha led. Regnauld pcrrier de monseigneur le duc, par quoy il fust délivré; et ne scet au surplus ce qui y fust fait. Dit aussi qu'il a oy dire aud. Cornet que lesd. iiii. avoient entreprins de faire une esteve ou pais de Lorraine, mais ilz faillirent; et que s'ilz eussent peu former leur cntreprinsc, led. Regnauld avoit marchandé de tuer led. Cornet. Dit après, il qui parle, que certain jour de dimenche environ la feste de la Magdeleine darrierement passée, il qui parle venoit de Lyon et en passant par Mascon trouva un nommé Mugneret, qu'il avoit aultrefois veu en cesle ville de Dijon avec les dessusdiz. Lequel Mugneret luy pria qu'ilz bussent ensemble. Ce qu'ilz firent. Et au départir icelluy Mugneret luy présenta de l'argent

lOO DOCUMENTS JARGONNESQUES

a presler, s'il en avoit a faire, et luy pria que, quand il seroil a Dijon, il dist aud. Regnauld qu'il ne povoit estre la ou il luy avoit dit qu'il seroit vers led. Regnauld au jour de la Magdeleine, mais il seroit le dimenche après lad. Magdaleine. Et a tant se départit, il qui parle, et dit aud. Mugneret qu'il le diroit voulentiers aud. Regnauld : ce qu'il lîst quand il fust venu. Lequel Regnauld luy respondi telles ou semblables paroles, en parlant dud. Mugneret : Dieu le mette en mal an : il m'a trompey ! Interrogué se led. Mugneret luy déclara point le lieu la ou luy et led. Regnauld se dévoient trouver, dit que ,non. Dit après que ung nommé l'Espaignol, qui est renommé I d'estre l'ung des fins de la Coquille, a repairié en ceste ville \avec led. Regnauld. Et darrierement a emporté ung bon manteaul noir dud. Regnauld et luy a layssié une robe grize que,, luy qui parle, croit estrc celle que led. Regnauld avoit vestue quand il fust nagueres mis en prison. Dit en après qu'il scet bien par oyr dire a aulcuns desd. compaignons, et ne scet proprement auxquelz, qu'ilz ont depuis ung an fait pluseurs larrecins et maulx en ceste ville, et que led. Johannes a porté granl dommaigc, en la boucherie et ailleurs, en changeant monnoye et marchandant denrées. Dit encoires que led. Bar sur Aulbe a naguieres embley ung cheval noir vers Saiins, qui a esté vendu en ceste ville par Jaquot de la Mer a Guillemin» varlet de Colin Lomme et baillé pour beaulcoup mains qu'il ne valoit. Dit aussi que led. Jaquot de la Mer scet tout Testât et gouvernement desd. compaignons, car il les a conduiz toutesfois qu'ilz sont venuz en ceste ville. Et quand led. Jaquot a sceu que l'en parloit sur eulx, il les en a fait aler : le scet, il qui parle, comme il dit, pour ce qu'il Fa oy dire a aulcuns d'iceulx compaignons meismes. Et plus avant n'en scet : mais qui plus en vouldroit sçavoir, led. Jaquot scet tout le fait.

Colette Savary, fillette commune, et agiée de X\\ ans ou environ, requize, interroguée et examinée par moy, led. procureur, sur led. cas, dit, par son serrement donné aux sains euvangilles de Dieu, que elle congnoit pluseurs des compaignons cydevant nommez et escrips, a elle leuz etc. Et entre

I>E PROCES DES COQUILLARDS lOI

aultres ung nommé Denisot le Clerc, lequel elle a assez longuement fréquenté comme sa fillette etc. tant au lieu de Paris comme ailleurs. Congnoit aussi, comme elle dit, Johannes. Bar sur Aulbe, Bernard, Ghristofle, Anthoine, et pluseurs aultres compaignons oizeux ausquel/ elle ne vit oncquos faire aulcun mal. Et les a veuz en ceste ville depuis demi an «nça repairier en la maison commune de la ville et en l'ostel de Jaquot de la Mer, qui, chascun jour, estoit avec eulx ; et lequel scet tous leurs secretz, s'ilz sont malvaiz, et semblableinenl de tous les pipeurs qui ont repairié et repairent en ceste ville : car il les a conduiz et tenuz en sa maison a toute heure et toutesfois qu'ilz sont alez et venuz. Et cuide mieulx, elle qui parle, que se les dessusdiz ont fait quelque chose mal failte, led. Jaquot y ait eu part que le contraire. Dit oultre, ou regard de ce que led. cas porte et contient que lesd. compaignons s'en vont aulcune fois dehors sans argent et retournent bien garniz etc., que vray est : que pluseurs fois, elle qui parle, a oy aulcun des dessusdiz compiaindre et dire qu'ilz ii'avoycnt point d'argent ; mais ilz en avoyent bien brief. Kt s'en aloyent aulcune fois [dehorz] ceulx qui disoient qu'ilz n'avoient point d'argent, ne scet, elle qui parle, en quel lieu ; dcmouroient XV. jours, iii sepmaines ou plus, et les aultres les attendoicnt : et au retour apportoient de l'or et de l'argent, les ungs plus, les aultres mains. Ne scet, comme elle dit, ou ilz le gaignoient, ne par quelle manière : et aultre mal n'a veu en eulx, senon jouer aux dez et aultres jeux en quoy elle ne se congnoit. Dit encoires que elle congnoit ung jeusne filz, qui se nomme Huguenin le Vaillant de Lons le Saulnier, qui commence a fréquenter avec les dessusdiz et se fait aulcunesfois appeler Loyz, lequel a esté naguieres a St Claude en la compaignie de Johannes ; et en a oy dire, elle qui parle, a Marion la Mercière, fillette dud. Johannes, que led. Huguenin a prins unes heures aud. Johannes. A aussi, comme elle dit, oy dire, elle qui parle, a une femme qui est tante dud. Huguenin, elle estant au lieu de St Claude, que led. Huguenin ost tant larron que plus ne peut, et que son père vouldroit qu'il fust mort et il luy eust cousté une grant partie de sa

I03 DOCUMENTS JARGONNESQUES

chevance : car il ne veult aulcun bien faire. Et plus avant ne scet, clic qui parle, du contenu oud. cas, comme elle dit ; mais qui en vouldroit sçavoir plus avant, il en fauldroit parler aud. Jaquot, qui scet tout leur estât et gouvernement, et qui en pourroit et sçauroit dire, s'il vouloit, toute la vraye vérité mieulx que aultrc quelconque. Dit aussi que qui vouldroit sçavoir du fait dud. Johannes, lad. Alarion en sçauroit bien parler, comme elle croit etc.

Le VU jour dud. mois.

Maistre Jehan delà Ghaulx, mareschal, demorant a Dijon et agié de L. ans ou environ, tesmoing requiz, interrogué et examiné par moy, led. procureur, sur led. cas, dit, par son serement donné comme dessus, que depuis environ ung mois, a certain jour dont aultrement il n'est racordz, ung nommé Jehanin Cornet et ung aultre nommé l'Espaignol furent devers luy et luy baillèrent ung patron de bois pour en faire quatre semblables de fer, et disoient qu'ilz vouloient faire une targette do fer pour mettre et nourrir des connins : et luy feirent de marchander a luy de ce faire; mais, il qui parle, congneust tantost que c'estoit pour faire crochetz a crocheter serrures, coffres et telles choses, pour ce qu'il en a aultresfois veu de semblables ; et si a, comm'il dit, vcu pendre et noyer de semblables marchans qui usoyent de telle science. Si leur dit qu'il ne les feroit pas et l'ala dire a monseignciu^ le mayeur. Dit en oultre qu'il scet bien que Regnauld Dam bour et Tassin sont compaignons en la malvaisie et tromperie dont ou cas cy devant est faite mencion, et que, par commune renommée, ilz sont vraiz larrons ; le scet, tant par ce qu'il en est commune renommée, comme dit est, que parce que pluseurs fois il a oy lesd. Regnauld et Tassin appeler Tung l'aultre larrons et muldriers. Dit aussi que led. Regnauld va souvent dehors, l'en ne scet en quel lieu, et demeure aulcuncs fois XY. jours, .1. mois, ou plus ou mains, et retourne aulcuncs fois bien fourny d'or et d'argent en grant somme. >e scet, il qui parle, ou il la peut prendre, se il ne le gaigne par le-

LE PROCÈS DES COQUILLARDS Io3

moyen des tromperies dont oud. cas est faite mencion. Et est vray, comm'il dit, qu'il a veu depuis ung an en ça pluseurs dcsd- pipeurs en l'ostel de Perrenet le Fournier, son voisin, barbier, et luy en donnoyent les voisins grand charge, disans que c'estoient rufïîens et gens de malvaise vie pour ce qu'ilz ne faisoient senon jouer, estre bien aizes et bien habilliez ; et les conduisoit et a conduiz tous jours Jaquot de la Mer, maistre du bordeaul, qui scet tout leur fait et estât, aussi bien comme ilz font eulx meismes. Vray est aussi, comme dit luy qui parle, que ung desd. pipeurs, nommé Bar sur Aulbe» amena naguieres ung cheval noir en cestc ville, que l'en dit qu'il avoit embley vers Salins, lequel valoit bien XV ou \VI escus. Et, certain matin, led. Jaquot vint devers luy qui parle, luy dit qu'il avoit ung compaignon en sa maison qui pour certain débat qu'il avoit eu ne ozoit aler par la ville et vouloit vendre .1. sien cheval : si pria a luy qui parle qu'il alast veoir led. cheval et luy aydast a vendre. Ce que fist luy qui parle. Et, quand il l'eust veu, trouva illec led. Bar sur Vulbc qui luy fist led. cheval XII francs. Dont, luy qui parle, fust assez esbahy pour ce quil valoit, comme dit est, XV ou XVI escuz. Si se pensa que s'il avoit argent, il ne luy eschapperoit pas : mais il n'en avoit point. Et luy dit qu'il luy en feroit avoir G\. francs, s'il vouloit. Et fînablemcnt le fist vendre a Guillemin, varlet de Colin Lomme, pour le pris de dix francs. Et pour ce que, il qui parle, se pensa que led. cheval pourroit avoir esté mal prins, quand si legierement et pour tel marchié avoit esté vendu, il conseilla aud. Guillemin qu'il le vendeist ; ce qu'il fist assez tost après a certain marchant de Paris pour le pris de Xll escus. Et plus avant ne scet dud. cas : mais, comm'il dit, il fault que led. Jaquot sçaiche toute la conduite desd. pipeurs qui, tantost qu'ilz ont esté toute l'année arrivez en cestc ville, sont tirez tout droit devers luy : les a pourmenez par la ville en les tenant par les bras, et si leur a pluseurs fois oy appeler l'ung l'aultre larrons, muldriers, pipeurs, crocheteurs, [planteurs], et telz langaiges par lesquelz il povoit bien entendre qu'ilz estoient malvaiz garnements. Et semble a luy qui parle qu'il les eut deu encuser

I04 DOCUMENTS JARGONNESQUES

envers justice, veu qu'il est sergent : mais il croit qu'il les a ainsi celez et entretenuz pour le gaing qu'il faisoit avec eulx.

Le Vin dud. mois.

Hotin le Maire, chaussetier, demorant a Dijon et agié de XXXVIII ans ou environ, comm'il dit, tesmoinz requiz, interrogué et examiné par moy, led. procureur, sur led. cas, dit, par son serement donné etc. qu'il congnoist pluseurs des compaignons nommez oud. cas, voirre de aler et venir seulement, c'est assaveoir Bar sur Aulbe, Johannes, Bernard, Rcgnauld et aulcuns aultres ausquelz il ne vit oncques faire aulcun mal, senon de jouer aux dez. Et neantmoins est il renommée qu'ilz sont malvaiz garnements, pipeurs, crocheteurs, tresgeteurs, et de très malvaiz gouvernement. Et au regard dud. Regnauld, dit qu'il est vray que naguieres, a certain jour dont aultrement il n'est racordz, excepté que ce fust au temps que led. Regnauld estoit prisonnier a Besançon, comme l'en disoit, il qui parle estoit avec Jaquot de la Mer, et parloyent ensemble du fait dud. Regnauld. Mesmemement led. Jaquot qui disoit que l'en chargeoit icelluy Regnauld de pluseurs malvaiz cas, et qu'il avoit esté trouvé saizy de plain ung gant de crochetz, de certain saffren et aultres bagues dont led. Regnauld estoit en grand dangier : et entre aultres langaiges que disoit led. Jaquot, il dit, a luy qui parle, que a certain jour, n'avoit guieres avant que led. Regnauld partist de ceste ville pour aler ou voyage du retour duquel il avoit esté prins dud. Besançon, led. Jaquot avoit laissié led. Regnauld vers son estable tout seul : et, assez tost après, led. Jaquot y estoit retourné en entencion de entrer oudit estable. Mais quand il fust prez, il se donna garde qu'il avoit obliée la clef : neantmoins il chemina jusque près d'icelluy estable, lequel il trouva ouvert. Si disoit led. Jaquot, a luy qui parle, que led. Regnauld avoit crocheté lad. estable. Interrogué s'il scet aulcunes aultres charges sur led. Regnauld, dit que non, excepté qu'il scet bien que led. Regnauld est fort joueur de dez et l'a souvent veu repairier avec pluseurs des pipeurs dessus nom-

LE PROCES DES COQUILLARDS lOO

mez : mais il ne ieur vit oncques aultre chose faire, senon jouer, faire bonne chiere et eulx tenir bien aizes sans besoingner ne labourer de quelque mestier que ce soit. Toutesvoyes, est il commune renommée que Bar sur Aulbe, Johannes, Bernard, et aultres desnommez oud. cas, sont malvaiz garnements, et que led. Bar sur Aulbe a naguieres desrobé .1. cheval vers Salins, qu'il a vendu en cesic ville par le moyen de Jaquot de la Mer. Lequel .laquot scet tout Testât et gouvernement de tous les dessus diz : et qui en vouldroit sçavoir la vraye vérité, led. Jaquot scet le tout etc.

Jehan Vote, dit l'Auvergnac, perrier, demorant a Dijon et agié de \X\A I ans ou environ, comm'il dit, compère de llegnauld Dambour, tesmoing requiz, interrogué et examiné par moy, led. procureur, sur led. cas, dit, par son seremont donné sur les sains euvangilles de Dieu, qu'il congnoit pluseurs des compaignons nommez oud. cas : et entre aultres, Johannes, Bar sur Aulbe, Bernard, Jehanin Cornet, led. liegnauld, Tassin, compère d'icelluy Begnauld, le petit Tassin, cardeur, Uaymonnet, [Le Mugneret], et pluseurs aultres, lesquelz il scet estre telz que contenu est oud. cas, excepté de muldres dont il ne sçauroit parler. Et scet bien que les aulcuns scevent jouer du roy David, de Vesteve, du planl, et de toutes les sciences ou tromperies déclarées oud. cas. Comment il le scet, sur ce interrogué, dit que, a la congnoissance et occa-*" sion dud. Begnauld, il a repairié pluseurs et diverses fois avec eulx, et tant que il scet et entend tout leur langaige et jargon : et scet comment ilz se conduisent en leurs paroles, et que quand ilz parlent en leurd. jargon et ung d'eulx parle ung peu trop la ou il semble qu'il ait gens qui leur peussent nuyre ou qui les peussent encuser, le premier d'eulx qui s'en donne garde commence a crachier a la manière d'ung homme enrumey, qui ne peut avoir sa salive : et, tantost cela oy, chacun des compaignons de la coquille se taist et changent propos en parlant d'aultre chose. Les a aussi, comm'il dit, oy pluseurs fois reprouchier l'unga l'aultre leurs larrecins, leurs esteves, leurs crochetures, leurs planlz, leurs desbochillures et

loG DOCUMENTS JARGONNESQUES

tclz langaigcs de leur science. Et a esté si fol, il qui parle, qu'il leur a aulcune fois dit qu'il sçauroit bien faire quelque chose de leur science : et le disoit hardiment pour ce qu'il avoit acointance aud. Regnauld et soubz umbre de luy repairoit avec eulx : mais les aultres luy disoient qu'il n'esloit senon un gaschatre, qui est a entendre oud. langaige ung coquart ou apprenliz de lad. science. Et, quoy qu'il soit, comim'il dit, les dessusdiz font de merveilleux dommaiges la ou ils repairent. Et que, en regard du petit Tassin, l'en ne luy fera riens dire, senon par grant force, car il est moult instruit en la science. Et ont entre eulx une manière que jamais ne confessent riens, senon a grant force du jour. Dit après que qui vouldroit sçavoir la vérité et le secret de tout leur fait, ir en fauldroit parler a Jaquot de la Mer, sergent, qui est celluy qui scet le tout et qui les a conduiz et recelez en ceste ville par tout le temps qu'ilz y ont repairié : et croit que ce n'a pas esté sans y avoir grant gaing. Et plus n'en scet, comm'il dit.

Le second jour du mois de décembre.

Pour ce qu'il est moult difficile de avoir et cognoistre la vérité des maulx que ont fais et font quasi continuelement les Coquillars etc. et que Dimenche le Loup, détenu prieonnier, l'ung d'iceulx Coquillars, a esté fort interrogué et ne a voulu dire ne confesser la vérité des cas dont il est accusey et chargié par les informacions de moy, led. procureur, a esté advisey que l'en luy dira que s'il veult dire et confesser ce qu'il a fait et qu'il scet du fait des aultres, l'en procédera a son eslargissemcnt. Et, pour le advertir sur le tout, l'en fera venir devers luy Perrenet Fournier, barbier, qui parlera a luy et luy fera mémoire d'aulcuns cas dont par adventure il n'est souvenant. Ce qui a esté fait. Et par ledit Perrenet, en la présence de monseigneur le mayeur, maistre Anthoine Girard, Huguenin Girard, Symonnot Roillenauld, et moy, led. procureur, luy ont esté faites les interrogatoires qui s'ensuyvent :

Et premièrement s'il est point de la compaignie des enfans de la Coquille. Dit que depuis ung an, ou ung an et demi en