LE PROCES DES COQUILLARDS IO

ça, il en a vcu pluseurs en cestc ville dont il congnoit les aulcuns par nom el surnom, et les aultres de aler et de venir et ne scet leurs noms. Et entre aultres il congnoit ceulx qu'il a nommez et qui sont desclairiez en sa deposicion et confession par luy naguieres faite esdites prisons.

Item luy a esté demandé quelles gens ce sont. Respond qu'il y a de très malvais garnements, larrons, estrveurs, crocheteurs, envoyeurs, planteurs, et a parler au vray sont très malvais et périlleux, lesquels ou aulcuns d'eulx eussent fait en ccste ville, durant cest yver, innumerables dommaiges s'il/ n'eussent esté descouvers. Et sont gens, comm'il dit, de telle voulenté que se aulcun d'eulx révèle riens de leur secret el il/ le peuvent sçavoir, se jamais se treuve en leur puissance a part, ilz le tueront. Et scet bien, il qui parle, comm'il dit, que quand il sera délivré, s'ilz le peuvent trouver a part et mal encompaignié, ilz le tueront.

Scet bien aussi, il qui parle, comm'il dit, qu'il/ ont menassié moy, led. procureur, et aussi led. Perrenet.

Interrogué s'il scet riens d'un g plant qui a esté fait a Beszes, et ung aultre a Cremolois, dit qu'il en a bien oy parler, mais il ne scet qui les a fais, combien qu'il a bien oy dire que pour faire l'un g des plantz, .Taquot de la Mer presta son cheval. Mais il ne scet se led. Jaquot sçavoit pourquoy c'estoit faire.

Interrogué s'il congnoit point ung nommé Tartas, dit que non. Et après qu'il a eu pensé ung peu, a dit qu'il congnoit bien ung nommé Nicolas le Besgue : et aulcunes fois s'appelle^ Nicolas le Roy, et aulcunes fois Tartas. Et change souvent son nom, ainsi que quasi tous les aultres font. Et dit, sur ce interrogué, que led. Tartas est planteur : mais il ne scet s'il a fait les deulx plantz ou l'ung dont cy dessus est faite mencion.

Interrogué s'il eust oncques aulcun butin es plantz, esteves^ et aultres malvaisetez que lesd. Coquillars feissent, dit que non plus avant a une fois d'une paire de soulliers ou de III gros ou de son escot : car, comme il dit, quand aulcun gaing se fait par aulcuns d'eulx, ceulx qui ne sont présents n'y ont riens, qui ne leur donne.

I08 DOCUMENTS JARGONNESQUES

Interrogué se Jaquot de la Mer a point receley aulcun desd. ^oquillars, dit que oyl. Tous, a tout le mains, les a il promenez par la ville et tenuz en son hostel. Les y [a] souffert jouher €t faire toutes leurs gales : mais, a la vérité, il ne scet s'il a eu butin avec culx ou non. Bien scet il que pluseurs fois, comm'il dit, en l'yver darrierement passé et quasi chacun jour, led. Jaquot bailloit a ung cordelier appostat, nommé Johannes, des escuz dont il aloit acheter la provision pour la despense de Tostel dud. Jaquot. Et scet bien, comm'il dit, que led. Johannes ^s/ei'o/i de l'argent aux bouchiers, a chacun escu, qu'il changeoit : mais, a la vérité, il ne scet se led. Jaquot y avoit part ou non. Dit en oultre que certain soir que monseigneur le mayeur devoit aler faire le guet, led. Jaquct fist sçavoir a luy qui parle, a Bernard, a Anthoinne et aultres jusques au nombre de environ XII qui jouoyent en l'ostel dud. Jaquot, la venue de monseigneur le mayeur : si s'en allèrent tous en l'ostel dud. Perrenet et, a l'eure que led. monseigneur le mayeur passa, furent extinctes toutes les chandelles et se couchèrent l'ung ça, l'aultre la, et tellement que riens ne fust trouvé.

Interrogué de quelle science il qui parle sert et qu'il scet faire en la science de lad. Coquille, dit qu'il jouhe aulcunes fois aux dez, a saint marry, a la iaquinade, a la queuhe de <:hien, et telles menues choses en quoy il est assez expert : mais du surplus ne scet rien, ne il n'en usa oncques, comm'il dit. Bien est vray que led. Johannes, Regnauld, Raymonnet et Jehan Cornet eussent aulcune chose prolTité ou voyaige de Lorrainne, la ou il qui parle, led. Regnauld et led. Raymonnet furent prins au lieu de Thoul, il en devoit avoir son cstoffe comme les aultres : mais il n'a point sceu qu'ilz gaingnassent riens ; sinon a riens eu. Et aultre chose ne a voulu ■dire a la charge de luy ne d'aultre desd. Goquillars.

Le mercredi V. dud. mois.

Pour ce que par la confession de Christotle Turgis, prisonnier au lieu de Sens, laquelle a esté envoyée a mondit sei-

LE PROCES DES COQl ILLARDS lOC)

gneur le maycur, apport que led. Ghristoflc acheta l'an passé en ceste ville ung gobelet d'argent dont il forgea des demis escus, et dit l'en qu'il acheta led. gobelet de Hanotin Pavot ou de sa femme, comme je, led. procureur, ay sceu par Jehan de^ (irain, orfèvre, qui peza led. gobelet, je me suis transporté en l'ostel dud. llanotin : lequel et Jehaneton, sa femme, j'ay interrogué sur ce par serement. Laquelle a dit et confessé, en la présence de sondit mary, que pour certains ses affaires, l'année passée et ou temps d'estey, aultrement n'est recorde du jour, elle vendit led. gobelet aud. Christofle, que elle veoit souvent, et cuidoit qu'il fust orfèvre. Et estoient présents aud. vendaige Jaquot de la Mer, ung petit gros court homme nommé Tassin ou ïhomassin, et Regnauld le perrier : lequel Regnauld en fist le marchié sur certain pris de somme a quoy se tenoil led. Christofle. Et aussi luy a led. Regnauld fait, comme elle dit, le darrenier paiement dud. gobelet pour et ou nom dud. Christofle : ne scet, comme elle dit, qu'ilz vouloicnt faire dud. gobelet. Interroguée si elle y vit ou cogneust aultres lors que led. gobelet fust vendu, dit que non et aultre chose n'en scet.

Sur le dernirr feuillet on lit encore les noms suivants :

Oudet Durax dit Gascon de Bordeaux.

Claude de Gomier.

Lienard de Molon

et Jehan du Maretz, mercier.

Jehan Moreaul, natier.

Lucas.

François de Lesnois de Paris.

Phelipot le Sere de Monstierviller pendu a Paris.

Jaquet Thierry.

Alain Gentil.

Anthoinne du Pont.

m. p. Trousson *.

I. Le long du feuillet : coqailUirs, et à côté, un dessin de luéme encre figure le crochet des crocheteurs.

Cahier de papier de iG rôles ou feuilles dont 3 1/2 pages blanchçs»

IIO DOCUMENTS JARGONNESQUES

ï455, i'^' octobre.

Interrogac se ilz feurent point en la cité de Toux et s'il y jouèrent point, dit que il furent, mais point n'y jouèrent. Car tantost que furent loigicz ledit Johannes et autres dessus nommez se partirent de leur loigis et dirent qu'il alerent a Yesteve. En marge : notetiiv verbiwi a l'esteve.

Interrogatoire de Regnault Dainbourg. Arcli. dép. de la Côte-d'Or, B, 3()o, vi, pièce 709.

1407, juillet.

Et pour ce que ledit Guillemin Maillot et ledit Gascon sont différant en leurs dites confessions, en ce que par la confession dudit Gascon il dit que ledit Guillemin luy a donné deuxcroichez a croicheter serrures, et ledit Guillaume dit par sa confession que ledit Gascon luy en monstra deux, qu'il appeloit Girosjlee, en luy disant que de l'un g d'iceulx ne y prendroit point ung noble.

Interrogatoire de riiiillcmin Maillot. Arcli. dcp. de la Côte-d'Or, B, 3Go, vi, pièce 787.

i458, septembre.

Interrogué s'il scet que c'est d'une valee, ung bouton, ung (lez de forte cire ou de forte sarre, ou ung rosaire, respond que non, par le serment qu'il a fait...

Interrogué s'il ne s'entremist oncques de bailler faulx lingoz, faulses chaînes, ne qu'il ne fcust oncques agent et consentant d'estever, crocheter ne faire les euvres telles que les compaignons de la Coquille ont accoustumé de faire... S'il fut oncques en place la ou l'on desroboit aulcunes esglises et la ou l'on crochetoit aulcuns coffres, ne s'il fit oncques aucunes esteves, abilité du blanc colon, de planter les faulx lingoz et telles et semblables déceptions dont les Coquillars usent, respond que non...

Interrogatoire de Colin l'Aiimosnicr. Arcli. dép. de la Côte-d'Or, B, 36o, vu, pièce 843.

sans couverture : la dernière feuille servant de couverture porte les noms de quelques coquillards et la mention ci-dessus désignée.

Trois encres : le corps — les annotations assez rares à la liste — \cs corrections.