ARTICLES BAILLÉS AU NOM DU ROI POUR L’ACCUSATION

(Trésor des chartes de Bretagne, E 191 , n° i.)

Motifz et advertissemens sur lesquelz seront les tesmoings enquis et interrogez contre messire Pierre de Rohan, mareschal de Gyé.

I. Premier, que ledit de Rohan est chevalier de l’ordre et chambellan! du Roy, capitaine de cent lances, ensemble des chasteaulx d’Amboyse, d’Angiers et de plusieurs autres fortes places en ce royaume, et son filz capitaine de Tours et baillif de Touraine; et a esté cause mesmement qu’il avoit la garde de monseigneur d’Angoulesme, grandement auctorisé, crainct et doubté.

II. Item, que iesdites places d’Amboyse, Tours et Angiers sont assises, ainsi que chacun scet, sur la riviere de Loyre et sur la voie et chemin par ou l’on va en Bretaigne.

III. Item, que ledit de Rohan est originaire dudit pays de Bretaigne, vassal et subgect du Roy et de la Royne; au moïen de quoy, et desdils estatz, charges et offices qu’il avoit desdits seigneurs et dame, il estoit et est tenu vers eulx es points et termes de fidelité.

IV. Item, ce nonobstant, en soy demonstrant ingrat, déloyal et mauvaiz subgect, serviteur et officier, a présumé malicieusement et temerairement usurper a soy la seigneurie et gouvernement, tant de ce royaume que du duché de Bretaigne, contre lesdits seigneur et dame, ses souverains et naturelz princes; a pourchassé, par plusieurs

réitérées et coutumières foiz, en plusieurs et maintes maniérés et laçons, la destruction desdits seigneur et dame et de leur postérité.

V. Item, et pour mieulx y cuider parvenir, a dit, declairé, conseuty et pratiqué plusieurs personnes, tant de ce royaume que des pays voisins et ennemys; a dit et fait dire, publier et manifester qu il congnoissoitune maladie secrète au Roy, au moien de laquelle et autrement il ne povoit longuement vivre, donnant a entendre qu’il desiroit le décès du Roy, et ce faisoit pour plus facilement parvenir a l’execucion de sa mauvaise entreprinse.

VI. Item, que, le Roy estant dernièrement a Lyon, ledit de Rohan manda, escripvit et fist savoir a plusieurs personnes que ledit seigneur estoit si 1res malade, qu’il n’en povoit plus, et qu’il feroit la fin de sa mere, qu’estoit bien a demonstrer qui! ne desiroit que la mort du Roy, comme dit est.

VII. Item, ledit de Rohan, par plusieurs et réitérées foiz, a dit et divulgué a plusieurs personnes qu'il n’aymoit point ladite dame et que, s’il povoit trouver lieu et opportunité de luy nuyre, qu’il le feroit.

VIII. Item, a dit a plusieurs qu’il ne la craignoit riens et ne se soucioit de chose que ladite dame eust sceu ou peu lui faire.

IX. Item, que, en ce demonstrant et declairant desloyal au Roy et a la Royne, ledit de Rohan a conspiré et machiné de prendre et saisir la Royne, sa souveraine et naturelle dame, et madame sa fille; et a dit et divulgué, en plusieurs lieux, qu’il estoit bien délibéré de garder que elles ne allassent en Bretaigne, et de les prandre et saisir, et qu’il avoit mandé et manderoit a ceulx de Tours, Sauinur et Angiers qu’ilz gardassent les pons, portes et passages, et qu’ilz ne laissassent passer personne, que premièrement il n’en fust adverty, ou ceulx qui estoient pour lui en la place d’Âmboyse, et se tenoit, asseuré de la place de Sa u mur comme des siennes propres; aussi a dit et commandé a ceulx que avoient charge de luy et plusieurs autres que, s’il mesadvenoit au Roy durant que ledit de Rohan seroit absent, qu’ilz prensissent et se tensissent saisiz de la Royne et de madite dame sa fille.

X. Item, et pour bien demonstrer la grande obstinacion et longue perseverance en sa mauvaise voulenté, ledit de Rohan, durant le temps que madite dame la fille du Roy estoit a Loches, s en trouva 1res joyeulx, pensant qu’il en feroit mieulx a son apetit quil n eust fait si elle eust esté au chasteau de Bloys, s en declaira a plusieurs, quelz il voulut pratiquer pour s’en servir a tascher a ces fins, pour faire de ladite dame a son plaisir.

XI. Item, et, jaçoit que ce soit adrecée touchant cest affaire a aucuns qui ne se povoient accorder avecques lui de consentir telles follies, et l’en ont blasmé en presence d’autres, il ne s’en est voulu désister, et tousjours est demouré en sa mauvaise pensée et deiiberacion.

XII. Item, a dit et s’est declairé ledit de Rohan a plusieurs personnes qu’il garderoit bien la Royne d estre aydée ne servie de ses subgectz de Bretaigne ne d’ailleurs, et qu’il y avoit donné ordre, et que, combien que ladite dame pensoit estre bien aymée en ce royaume et ailleurs, quelle estoit abusée, et quelle cognoistroit bien le contraire a l’experience.

XIII. Item, a dit qu’il savoit bien le moyen par quoy elle ne seroit pas servye de ses subgectz de Bretaigne ainsi quelle cuidoit, et qu’il y avoit bien pourvueu.

XIV. Item, et ne s’est pas contenté d’avoir conspiré contre le Roy et la Royne et madame leur fille, mais oultre a voulu, entreprins, conspiré et machiné de tenir et mettre soubz sa puissance la personne de monseigneur d’Angoulesme, prouchain parent du Roy; et, poui en faire et disposer a son plaisir, et pour y procurer, a fait mener l’arti- Iherie que estoit a Tours, -dont son filz est capitaine, comme dit est, audit chasteau d’Amboyse pour tousjours estre fortifié a ce que la personne dudit seigneur d’Angoulesme ne lui fust ostée, ne la iacullé d’en faire a sa voulenté.

XV. Item, que ledit de Rohan a fait assembler ses archiers et autres de sa charge, lors estans a Amboyse, a la garde dudit seigneur dAngoulesme, en l’eglise ou chapelle dudit chasteau, ou estoit Corpus

Domini, et vers icelui leur fist faire serement de le servir et faire ce qu’il leur commandoit, et, en son absence, Ploret, son lieutenant, vers tous et contre tous et a son intencion.

XVI. Item, ledit de Rohan a pratiqué et fait pratiquer plusieurs personnes estant entour la personne dudit seigneur d’Angoulesme de le menner celléement et de nuyt au chasteau d’Angiers, dont il estoit capitaine, pour mieulx estre en seurlé d’en faire a son plaisir et estre plus près de sesdits parents et alliez et en avoir aide et secours.

XVII. Item, a dit et commandé a ceulx qui estoient soubz sa charge audit chasteau d’Amboyse de ainsi le faire, et que, si ceulx de la maison dudit seigneur d’Angoulesme, mesmement madame d’Angoulesme, ne se y vouloient condescendre et consentir, que on ne cessast point de ce faire pour eulx, et qu’il vouloit tousjours en demourer le maistre.

XVIII. Item, a commandé et donné charge ledit de Rohan a sesdits gens et serviteurs et autres faire provision de grant nombre de bateaulx bien équipez, tant pour empescher la Royne que pour la conduyte dudit seigneur d’Angoulesme audit chasteau d’Angiers, disant que la chose pourroit estre si soudaine que ou ne pourrait pas trouver bateaux a souffisance ne au besoing.

XIX. Item, dist, entreprint et ordonna a ceulx que estoient pour lui audit chasteau d’Amboyse et autres qu’ilz eussent a mener et conduyre madame d’Angoulesme avecques ledit seigneur d’Angoulesme, son filz, audit chasteau dAngiers, et ne y laissassent entrer personne; et que, si monseigneur de Rourbon et autres, de quelque estât et condicion quilz fussent, vouloient y entrer, qu’ilz ne le souffrissent en aucune maniéré.

XX. Item, que ledit de Rohan a parlé et fait parler, plusieurs foiz, a ladite dame d’Angoulesme de tenir son party a ce qu’il demourast le seigneur et maistre, et a dit a ceulx qui avoient la charge de parler a elle que, si elle ne se y vouloit consentir, qu’il ne s’en soucioit point, et qu il s en ferait bien croire , et qu’il estoit bien asseuré , tant des gardes du Roy, capitaines, que autres gens de guerre, qu’ilz le suyvroient.

XXI. Item , plus, car, afin de cuyder contraindre et mettre en craincte

madame d’Angoulesme a tenir sou party contre tous, l’a persuadée el fait persuader, disant que la Royne ne taschoit que a l’afoiblir et se fortifier contre elle, tendent a ses fins; et oultre lui a dit et fait dire que le Roy avoit dit [audit] de Rohan que madite dame d’Angoulesme le tromperoit touchant la garde dudit seigneur son filz, et que, si n’eust esté qu’il ne soy estoit voulu consentir, la garde lui en eust esté ostée.

XXll. Item, que ledit de Rohan s’est vanté d’avoir entendement o plusieurs personnes, ses parens, amys et alliez de Rretaigne et d’ailleurs, a executer lesdit.es entreprinses.

XXIII. Item, que ledit de Rohan a eu et avoit de tous ses affaires sa communicacion privée et secrete a certains personnages qui sont de grant astuce et conduyte, ou il se fyoit plus que a autres; souvent frequentoient avecques lui, tant a Lyon, Rlays, Amboyse que autres lieux, et souventes foiz tenoient conseils a part, et aucunes foiz, en absence dudit de Rohan, se tenoient et trouvoient conseilz touchant lesdites entreprinses, quelles ilz tenoient sécrétés.

XXIV. Item , que lesdites choses sont vrayes, notoires et manifestes.

LOYS

Donné pour copie extraicte de son original, estant devers la court (‘h